គ្រប់គ្នាប្រាកដជាដឹងព័ត៌មានខ្លះៗហើយ នៅថ្ងៃទី២៧ ខែមេសា ឆ្នាំ២០២៣ ខណៈអ្នកគាំទ្រដែលតែងតែស្រលាញ់ចូលចិត្តតារាសម្ដែងស្រីថៃ Matt Peeranee នាំគ្នាស្ទើរតែមិនចង់ជឿឡើយចំពោះទំនាក់ទំនងរបស់នាងជាមួយនឹងមិត្តប្រុស។ ហើយថ្មីៗនេះ
ប្រទេសថៃ ៖ គ្រប់គ្នាប្រាកដជាដឹងព័ត៌មានខ្លះៗហើយ នៅថ្ងៃទី២៧ ខែមេសា ឆ្នាំ២០២៣ ខណៈអ្នកគាំទ្រដែលតែងតែស្រលាញ់ចូលចិត្តតារាសម្ដែងស្រីថៃ Matt Peeranee នាំគ្នាស្ទើរតែមិនចង់ជឿឡើយចំពោះទំនាក់ទំនងរបស់នាងជាមួយនឹងមិត្តប្រុស។ ហើយថ្មីៗនេះ តារាសម្តែងស្រីដ៏មានស្នាដៃ Matt Peeranee ចេញមុខមកបើកកកាយគ្មានសល់ចំពោះបេះដូងរបស់ខ្លួនជាលើកដំបូងអំពីរឿងស្នេហានាងជាមួយមិត្តប្រុសឈ្មោះថា Songkran Techanarong បន្ទាប់ពីប៉ុន្មានថ្ងៃនេះ ដូចជាលេចឮព័ត៌មានមិនឈប់អំពីនាង ដោយមានពាក្យចចាមអារ៉ាមផ្ទុះឡើងពាសពេញបណ្ដាញសង្គម Internet ជាពិសេសអ្វីដែលហួសចិត្តនោះ គឺទម្លាក់ឋានៈរបស់នាងថែមទៀតផង។
មិនទុកយូរតទៅទៀត បន្ទាប់ពីស្ងប់ស្ងាត់មិនឃើញចេញមុខមកនិយាយប្រាប់អ្នកគាំទ្របានដឹង ពេលនេះផងដែរ តារាស្រី Matt Peeranee ក៏បើកចិត្តនិយាយប្រាប់ទាំងបើកចំហរថា «ស្ថានភាពរបស់នាងនៅក្នុងពេលនេះ ជាមួយនឹងមិត្តប្រុស លោក Songkran ឥឡូវនេះ ពួកយើងបានបែកបាក់ហើយ។ ហើយចំពោះរឿងបែកបាក់គ្នានេះដែរ គឺគ្មានភាគីទី៣ ឬជនទី៣ណាមួយចូលមកបំបែកបំបាក់នោះឡើយ។ ហើយខ្ញុំក៏ចង់និយាយរឿងខ្លះៗផងដែរថា ជាប្រចាំខ្ញុំតែងតែតាមដាន និងអានព័ត៌មានជាច្រើនថ្ងៃ ជាញឹកញាប់ឃើញថា មានរឿងដែលសារព័ត៌មានមួយចំនួនចុះផ្សាយមិនពិតជាច្រើន តែខ្ញុំមិនចង់និយាយនោះទេ។ ពេលខ្លះក៏រៀងអន់ចិត្តដែរ តែគិតយូរៗទៅ យើងមិនអាចហាមមិនអោយគេនិយាយអំពីយើងបាននោះទេ អញ្ចឹងហើយមានតែបណ្ដោយទៅ»។
មិនតែប៉ុណ្ណោះ តារាស្រី Matt Peeranee បាននិយាយបន្តទៀតថា «នាងបានដើរចេញតាំងពីខែធ្នូ ឆ្នាំមុនមកម្ល៉េះ ប៉ុន្តែគ្រាន់តែមិនចង់បង្ហាញ។ គ្រាន់តែនាងនិងមិត្តប្រុសរបស់នាងបែកគ្នាពិតមែន ប៉ុន្តែការបែកគ្នាមិនមែនបង្ហាញចេញមកក្រៅអោយគេដឹងនោះទេ។ តែក៏នៅមានរឿងជាច្រើនទៀត ដែលយើងនៅតែធ្វើជាមួយគ្នា»។
ដូចជាអាជីវកម្មហាងការ៉េម នៅក្នុងការបង្ហាញដែលតារាស្រី Matt Peeranee និយាយលាតត្រដាងថា «បើទោះបីជាគេនិយាយថា Matt ខ្លាចក្នុងការនិយាយក៏ដោយ នាងមិនបានឈប់និយាយទេ។ ព្រោះគ្រួសាររបស់ Songkran នៅតែស្រលាញ់យើងខ្លាំងណាស់ ហេតុផលមិនបោះបង់ ព្រោះខ្លាចគេវា.យប្រ.ហារតាមបណ្ដាញសង្គមឥតឈប់ឈរតែម្ដង»។
ជាចុងក្រោយ ស្រីស្រស់ Matt peeranee បានលាតត្រដាងបន្តអោយដឹងថា «បើទោះបីជាយើងទាំងពីរនាក់បានព្យាយាមកែតម្រូវក៏ដោយ ក៏គ្រប់យ៉ាងនៅតែដដែល»។ កាលពីដំបូងតារាស្រី Matt នាងនិយាយប្រាប់អ្នកកាសែតបន្តអោយដឹងទៀតថា «កាលពីពេលបែកគ្នាភ្លាមៗ នាងមិនអាចនិយាយបានទេ។ ជាពិសេស Matt មិនបាននិយាយ និងជម្រះមន្ទិលជាមួយមិត្តប្រុសភ្លាមៗទាន់ពេលវេលាឡើយ។ ប៉ុន្តែរាល់ពេលដែលការសន្ទនានឹងមិនបញ្ចប់ទេ។ ដែលមានលោក Pa Paiwong Techanarong ជាឪពុករបស់ Songkran ព្យាយាមជួយជម្រះរឿង និងមិនចង់ឱ្យមានអ្វីអាក្រក់កើតឡើងចំពោះ Matt ចាប់តាំងពីការសម្រេចចិត្ត រហូតមកដល់ពេលនេះ មិនមានអ្វីដែលត្រូវព្រួយបារម្ភនោះទេ។ យើងបានធ្វើអ្វីដែលយើងពេញចិត្តតែប៉ុណ្ណោះ ដូច្នេះហើយ សូមមេត្តាមុននឹងនិយាយអ្វីគិតអោយបានច្បាស់លាស់សិន ចាំនាំគ្នានិយាយ»៕ ដោយ ៖ សុភា ដានេត
ចែករំលែកព័តមាននេះ