ជឿជាក់ថា គ្រប់គ្នាប្រាកដជាបានដឹងហើយ នៅក្នុងឧស្សាហកម្មខ្សែភាពយន្តរឿងភាគរបស់ប្រទេសថៃនាបច្ចុប្បន្ន គឺជាប្រទេសមួយដែលមានតារាប្រុសស្រីជាច្រើនដួង ទាំងក្មេងទាំងចាស់ មានស្នាដៃ និងទេពកោសល្យដ៏ប៉ិនប្រសព្វបំផុត។ ជាពិសេស
ប្រទេសថៃ ៖ ជឿជាក់ថា គ្រប់គ្នាប្រាកដជាបានដឹងហើយ នៅក្នុងឧស្សាហកម្មខ្សែភាពយន្តរឿងភាគរបស់ប្រទេសថៃនាបច្ចុប្បន្ន គឺជាប្រទេសមួយដែលមានតារាប្រុសស្រីជាច្រើនដួង ទាំងក្មេងទាំងចាស់ មានស្នាដៃ និងទេពកោសល្យដ៏ប៉ិនប្រសព្វបំផុត។ ជាពិសេស ទិចនិកនៅក្នុងការសម្ដែងតែម្ដង អាចនិយាយបានថា ឆ្លាតនៅក្នុងការដាក់មនោសញ្ចេតនាបានល្អ ចេះបត់បែនគ្រប់ទម្រង់ទាំងអស់ ទាំងការនិយាយស្ដី លេងទឹកមុខ កាយវិការស់រវើក ហើយក៏ជាប្រទេសមួយដែលជឿនលឿនផងដែរ។
តែអ្វីដែលកាន់តែធ្វើអោយមហាជន ក៏ដូចជាអ្នកគាំទ្រនាំគ្នាបើកភ្នែកធំៗស្រឡាំងកាំង ហាក់មានការភ្ញាក់ផ្អើលជាងនេះទៅទៀតនោះ ពេលបានដឹងអាយុពិតរបស់កំពូលរាជនីសម្រស់ប៉ុន្មានដួងនេះ ប្រាកដជាម្នាក់ៗនិយាយមិនចេញស្ទើរតែគ្រប់ៗគ្នាតែម្តង។ ថ្វីត្បិតតែតារាស្រីដែលមានរូបសម្រស់ស្រស់ស្អាត ក្មេងជាងវ័យប៉ុន្មានរូបនេះ មានអាយុរាងជ្រែបន្តិចក្ដី តែកុំមើលរូបរាង មុខមាត់ និងសម្រស់អោយសោះ ១៨ឆ្នាំមិនដូរនោះទេ រហូតធ្វើអោយក្រមុំៗមួយចំនួនសុំចាញ់ហើយ។ ខាងក្រោមនេះ គឺជាឈ្មោះតារាស្រីដ៏ល្បីឈ្មោះប៉ុន្មានដួង ដែលមានមុខមាត់ស្រស់ស្អាតមិនចេះចាស់ និងអាយុពិតក្នុងឆ្នាំ២០២៣នេះ មានដូចជា ៖
១- តារាស្រីដ៏មានភាពលេចធ្លោ គឺអ្នកនាង Khemanit Jamikorn ដែលមានរហស្សនាមគេតែងតែហៅថា «Pancake» នាងគឺជាតារាសម្ដែង តារាចម្រៀង និងជាតារាបង្ហាញម៉ូដ កើតនៅទីក្រុងបាងកក ប្រទេសថៃ។ Pancake បានចាប់ផ្តើមសម្ដែងក្នុងវិស័យ Thai lakorn ក្នុងឆ្នាំ២០០៥ នៅពេលដែលនាងមានអាយុ១៧ឆ្នាំ បន្ទាប់ពីបានឈ្នះ «Thai Supermodel» ហើយក្រោយមកបានឈ្នះ «Model of the World 2004» នៅក្នុងប្រទេសចិន។
ក្នុងរយៈពេលដប់ឆ្នាំ គឺពីឆ្នាំ២០០៥ រហូតដល់ឆ្នាំ២០១៥ អាជីពសម្ដែងរបស់ Jamikorn បានកើតនៅក្រោមប៉ុស្តិ៍លេខ៧ ។ Pancake បានលេចមុខក្នុងរឿងភាគថៃជាច្រើនផ្សេងទៀត ដូចជា ការផ្សាយពាណិជ្ជកម្មតាមទូរទស្សន៍ផងដែរ។ ហើយបច្ចុប្បន្ន តារាស្រីរូបនេះ នាងមានអាយុ៣៤ឆ្នាំហើយ ក្នុងឆ្នាំ២០២៣នេះ។
២- Anne Thongprasom គឺជាតារាសម្តែងភាពយន្ត និងទូរទស្សន៍ ពិធីការិនី និងជាផលិតករ កើតនៅទីក្រុងបាងកក ប្រទេសថៃ ដែលមានម្តាយជាជនជាតិថៃ និងឪពុកជនជាតិស៊ុយអែត។ Thongprasom គឺជាតួឯកស្រីក្នុងរឿងភាគថៃជាច្រើន ក្នុងទសវត្សរ៍ឆ្នាំ២០០០ ហើយបានដើរជាតួឯកក្នុងរឿងមនោសញ្ចេតនាស្នេហាឆ្នាំ២០០៤ The Letter: Jod Mai Rak ដែលរកចំណូលបានជាង៥០លានបាត និងឈ្នះពានរង្វាន់ជាច្រើន រួមទាំងតួឯកស្រីល្អបំផុតនៅភាពយន្តជាតិថៃផងដែរ។
បច្ចុប្បន្ន Anne ធ្វើការជាផលិតករឱ្យប៉ុស្តិ៍លេខ៣ ហើយបានផលិតរឿងភាគល្បីៗជាច្រើនផងដែរ។ នៅក្នុងឆ្នាំ២០២៣នេះ តារាស្រីឆ្នើមដែលមានសមត្ថភាពរូបនេះ នាងមានអាយុ៤៦ឆ្នាំហើយ។
៣- កំពូលតារាសម្ដែងស្រីថៃ ដ៏ល្បីល្បាញមិនចេះសាបសូន្យ គឺ Aum Pachrapa Chaichua នាងគឺជាតារាសម្តែង តារាបង្ហាញម៉ូដ និងជាពិធីការិនីដែលមានស្នាដៃមិនធម្មតានោះឡើយ។ នាងចូលប្រឡូកក្នុងវិស័យសិល្បៈក្នុងឆ្នាំ១៩៩៧ បន្ទាប់ពីនាងបានឈ្នះការប្រឡងទេពកោសល្យផ្នែកសម្រស់ដែលមានឈ្មោះថា «HACKS»។
Aum បានឈ្នះពានរង្វាន់ TOP Award ឆ្នាំ២០០៣ សម្រាប់តារាសម្តែងឆ្នើម។ នាងបានឈ្នះពានរង្វាន់ TOP លើកទីពីរ របស់នាង ក្នុងឆ្នាំ២០០៥។ បច្ចុប្បន្ន កំពូលតារាស្រីស្រស់រូបនេះ នាងមានអាយុ៤៤ឆ្នាំហើយ ក្នុងឆ្នាំ២០២៣នេះ។
៤- តារាស្រី Woranuch Bhirombhakdi (ឈ្មោះហៅក្រៅ Nune) គឺជាតារាសម្តែងដែលមានប្រជាប្រិយ និងល្បីល្បាញនៅក្នុងប្រទេសថៃ។ នាងចាប់ផ្ដើមសម្ដែងក្នុងឆ្នាំ១៩៩៧ ហើយសព្វថ្ងៃនេះ បានសម្ដែងក្នុងរឿងភាគជិត ៤០ រឿងមកហើយ។ នាងត្រូវបានគេសរសើរថា ជាតារាស្រីដែលស្អាតជាងគេនៅប្រទេសថៃ។
នៅក្នុងខែឧសភា ឆ្នាំ២០១០ នាងបានរៀបការជាមួយមិត្តប្រុសយូរអង្វែងរបស់នាង ដែលជាកូនប្រុសរបស់ក្រុមហ៊ុនស្រាបៀរ Singha ហើយក៏ជាក្រុមហ៊ុនផលិតស្រាបៀរដ៏ធំបំផុតនៅក្នុងប្រទេសថៃផងដែរ។ ពិធីរៀបអាពាហ៍ពិពាហ៍តាមប្រពៃណី និងការចុះបញ្ជីអាពាហ៍ពិពាហ៍របស់នាង ធ្វើឡើងនៅថ្ងៃទី១៤ ខែឧសភា ឆ្នាំ២០១០ ប៉ុន្តែពិធីទទួលភ្ញៀវធ្វើឡើងនៅថ្ងៃទី១៩ ខែឧសភា ឆ្នាំ២០១០។ Noon បានទទួលពានរង្វាន់ជាច្រើនសម្រាប់តួនាទីរបស់នាងនៅក្នុង lakorn ផ្សេងៗគ្នា។ បន្ទាប់ពីកុងត្រារបស់នាងជាមួយប៉ុស្ដិ៍លេខ៧ ត្រូវបានបញ្ចប់ក្នុងឆ្នាំ២០១២ នាងក៏ក្លាយជាតារាសម្តែងឯករាជ្យផងដែរ។ បច្ចុប្បន្ន តារាស្រីរូបនេះ នាងមានអាយុ៤២ឆ្នាំហើយ ក្នុងឆ្នាំ២០២៣នេះ៕ ដោយ ៖ សុភា ដានេត
ចែករំលែកព័តមាននេះ