រុស្ស៊ី និងចិនអះអាងថា សង្គ្រាមនុយក្លេអ៊ែរមិនអាចកើតមានដាច់ខាត
សង្គ្រាមអ៊ុយក្រែន ៖ លោកវ្ល៉ាឌីមៀរ ពូទីន និងលោកស៊ី ជីនពីង កាលពីថ្ងៃទី២១ មីនា បានអបអរ
សង្គ្រាមអ៊ុយក្រែន ៖ លោកវ្ល៉ាឌីមៀរ ពូទីន និងលោកស៊ី ជីនពីង កាលពីថ្ងៃទី២១ មីនា បានអបអរសាទរការឈានចូលសករាជថ្មីនៃទំនាក់ទំនងពិសេស ប្រឈមមុខនឹងពួក លោកខាងលិច តែប្រធានាធិបតីរុស្ស៊ីដែលគាំទ្រដោយប្រយ័ត្នប្រយែង ផែនការរបស់ចិនដើម្បីដោះស្រាយជម្លោះអ៊ុយក្រែននោះ បានចោទប្រកាន់ក្រុងគៀវថាបដិសេធផែនការនោះ។
លោកពូទីនលើកឡើងថា ការផ្ដួចផ្ដើមគំនិតរបស់ចិននេះ ដែលស្នើឲ្យមានការចរចាសន្តិភាព មានបណ្ដាសមាសភាពដែលអាចប្រើជាមូលដ្ឋាន សម្រាប់ដំណោះស្រាយដោយសន្តិវិធីនៃជម្លោះ ។
ក្នុងសេចក្ដីថ្លែងការណ៍រួមមួយដែលសង្កត់ធ្ងន់លើសង្គ្រាមត្រជាក់ មេដឹកនាំទាំង២ក៏វាយប្រហារខ្លាំងក្លាដែរ ដល់លោកខាងលិចដោយចោទប្រកាន់សហរដ្ឋអាមេរិកថា បំផ្លាញសន្តិសុខអន្តរជាតិ ដើម្បីថែរក្សាការនាំមុខរបស់ខ្លួនខាងយោធា និងសម្ដែងការព្រួយបារម្ភប្រឈមមុខនឹងវត្តមានកាន់តែច្រើនឡើងរបស់អូតង់នៅអាស៊ី។
ទោះបីយ៉ាងណា មេដឹកនាំទាំង២សម្ដែងការប្រឆាំងរាល់សង្គ្រាមនុយក្លេអ៊ែរ ពេលកំពុងមានភាពតានតឹងខ្លាំងជាមួយលោកខាងលិច ដោយគូសបញ្ជាក់ថា ការប៉ះទង្គិចគ្នាបែបនោះនឹងបណ្ដាលឲ្យមានតែអ្នកខាតបង់ប៉ុណ្ណោះ។ ភាគីទាំង២ថ្លែងជាថ្មីថា មិនអាចមានអ្នកឈ្នះឡើយក្នុងសង្គ្រាមនុយក្លេអ៊ែរមួយ និងថាសង្គ្រាមនោះដាច់ខាតមិនត្រូវឲ្យមានទេ។
ទោះបីយ៉ាងណា ប្រធានាធិបតីរុស្ស៊ីបានព្រមានតបតវិញ ប្រសិនបើអង់គ្លេសផ្ដល់ដល់អ៊ុយក្រែន បណ្ដាគ្រាប់ផ្លោងមានសារធាតុអ៊ុយរ៉ានីញ៉ូម ដូចការលើកឡើងដោយអ្នកទទួលខុសត្រូវអង់គ្លេស១រូប៕
ចែករំលែកព័តមាននេះ