ថ្មីៗនេះ ផ្ទុះការចាប់អារម្មណ៍យ៉ាងព្រោងព្រាត ដោយគ្រប់គ្នាសម្ដែងការភ្ញាក់ផ្អើលយ៉ាងខ្លាំងពីមួយទៅមួយពាសពេញបណ្ដាញសង្គម ក្រោយពេលឃើញតារាចម្រៀងស្រីដែលមានឈ្មោះល្បីល្បាញអ្នកនាង ឱក សុគន្ធកញ្ញា បានរៀបចំតុបតែងខ្លួននៅក្នុង
រាជធានីភ្នំពេញ ៖ ថ្មីៗនេះ ផ្ទុះការចាប់អារម្មណ៍យ៉ាងព្រោងព្រាត ដោយគ្រប់គ្នាសម្ដែងការភ្ញាក់ផ្អើលយ៉ាងខ្លាំងពីមួយទៅមួយពាសពេញបណ្ដាញសង្គម ក្រោយពេលឃើញតារាចម្រៀងស្រីដែលមានឈ្មោះល្បីល្បាញអ្នកនាង ឱក សុគន្ធកញ្ញា បានរៀបចំតុបតែងខ្លួននៅក្នុងឈុតសម្លៀកបំពាក់ជាអប្សរា មើលទៅពិតជាស្រស់ស្អាតខ្លាំងណាស់ ដើម្បីអបអរដល់ទិវាវប្បធម៌ជាតិ ៣មីនា លើកទី២៥ ឆ្នាំ២០២៣ ក្រោមប្រធានបទ «យុវជនដើម្បីវប្បធម៌ជាតិ»។
តែអ្វីដែលធ្វើឱ្យអ្នកគាំទ្រជាច្រើននឹកស្មានមិនដល់នោះ បើយើងនាំគ្នាងាកក្រឡែកមកមើលអំពីឈុតឆាកសកម្មភាពក្រៅឆាកឯណេះវិញ តារាស្រីប្រចាំផលិតកម្មរស្មីហង្សមាស អ្នកនាង ឱក សុគន្ធកញ្ញា បាននាំកូនប្រុសទៅជាមួយដែរ។ មានអីស្រាប់តែ អូនឆលី រាំបត់ដៃបត់ខ្លួនយ៉ាងស្រទន់ ក្រោយឃើញឈុតអ្នកម៉ាក់បានពាក់ ពិតជាមានដុងសិល្បៈ និងដឹងពីរបៀបនៃរបាំខ្មែរតាំងពីតូចតែម្ដង។
នេះបើយោងទៅតាមរយៈគណនី Tik Tok មួយ បានធ្វើការបង្ហោះជាវីដេអូ រហូតដល់ថ្នាក់ទប់ចិត្តមិនជាប់ ក៏មានពុកម៉ែបងប្អូនមិនតិចនាក់នោះទេ បានចូលទៅខមិនថា «អ្នកក្រោយចូលសម្តែងមុនហើយ» «ឆ្លាតណាស់ មានដុងសិល្បៈដូចម៉ាក់ៗ» «មានដុងដូចម្ដាយគួរឱ្យស្រលាញ់ណាស់» «តួឯកនៅខាងក្រោយ ម៉ាក់ៗតួរងទេ» «ធំឡើងដឹងតែសង្ហា ហើយចូលសិល្បៈដូចម៉ាក់ៗហើយ បើឆ្លាតហើយចេះយ៉ាងនេះនោះ»។
អ្នកខ្លះទៀតក៏បានលើកសរសើរមិនដាច់ពីមាត់នៅសម្រស់របស់តារាចម្រៀងស្រីជួរមុខរូបនេះថា «Queen អើយ Queen ស្អាតណាស់ ស្អាតខ្លាំង» «ចាប់តាំងតែពីខ្ញុំបានស្គាល់អាយដលមក រហូតមកទល់នឹងពេលនេះនៅតែក្មេងខ្ចីដដែល មិនឃើញប្រែប្រួលទៅណាសោះ យូរៗទៅដូចចាស់តែហ្វេនយ៉ាងមិចមិនដឹងនោះទេ»។
សូមជំរាបផងដែរថា កំពូលតារាចម្រៀងស្រីប្រចាំប្រទេសកម្ពុជា អ្នកនាង ឱក សុគន្ធកញ្ញា បានរៀបការបញ្ចប់ភាពនៅលីវហើយជាមួយនឹងស្វាមីរបស់អ្នកនាងដែលមានរូបរាងស្រស់សង្ហា នោះគឺលោក អ៊ឹង សុខលី ដោយអ្នកទាំងពីរបានសម្រេចចិត្តដឹកដៃគ្នារៀបអាពាហ៍ពិពាហ៍តាំងពីឆ្នាំ២០១៩មកម្ល៉េះ រហូតមកទល់នឹងបច្ចុប្បន្ននេះ អ្នកនាងនិងស្វាមីក៏ទទួលបានកូនប្រុសម្នាក់ ជាចំណងដៃនៃគ្រួសារផងដែរ។ ដែលមានឈ្មោះថា «អ៊ឹង បញ្ញាបុត្រ ហៅក្រៅ ឆលី»។
ហើយបើក្រឡេកមកមើលពេលនេះ គឺគេមានអាយុ៣ ឆ្នាំទៅហើយ បើនិយាយពីមុខមាត់វិញ ពិតជាធំធាត់លឿនខ្លាំងណាស់ រីឯមុខមាត់ក៏ស្រស់សង្ហាមិនធម្មតានោះឡើយ។ មិនតែប៉ុណ្ណោះ នឹងថែមទាំងវៃឆ្លាតខ្លាំងណាស់ រហូតទទួលបាននៅការគោរពស្រលាញ់ចូលចិត្តគាំទ្រយ៉ាងច្រើនលើសលប់ពីសំណាក់ពុកម៉ែបងប្អូន ក៏ដូចជាមហាជនជាច្រើនរាប់មិនអស់៕ ដោយ ៖ សុភា ដានេត
@naraknora53 ឆាលី គួរអោយស្រលាញ់ខ្លាំងណាស់🤭🤪😂.
♬ original sound – naraknora53 – naraknora53
ចែករំលែកព័តមាននេះ