ភ្នំពេញ៖ ចាប់ពីថ្ងៃទី១ ខែមីនា ឆ្នាំ២០២៣ តទៅ ស្ពានអាកាសឫស្សីកែវ ដែលស្ថិតនៅភូមិ​ឃ្លាំងសាំង សង្កាត់ឫស្សីកែវ ខណ្ឌឫស្សីកែវ រាជធានីភ្នំពេញ នឹងត្រូវដាក់ឱ្យប្រើប្រាស់​ជាបណ្តោះអាសន្ន ដើម្បីជួយសម្រួលដល់លំហូរចរាចរណ៍ និងការធ្វើដំណើររបស់ប្រជាពលរដ្ឋ។ នេះបើយោងតាមសេចក្តីជូនដំណឹងរបស់រដ្ឋបាលរាជធានីភ្នំពេញ។

ស្ពានអាកាសឫស្សីកែវ ​មានបណ្តោយប្រវែង ៤៨៣ម៉ែត្រ និង​ទទឹង ១៥,៨ម៉ែត្រ​ ត្រូវបានបើកការដ្ឋាន​សាងសង់ កាលពីថ្ងៃទី៣១ ខែមករា ឆ្នាំ២០២២ ក្រោមអធិបតីភាពសម្តេច​តេជោ នាយកដ្ឋមន្រ្តី ហ៊ុន សែន​៕ ​