បេក្ខភាពបវរកញ្ញា Miss grand Cambodia 2020 លីវ ជីលី បានទម្លាយរឿងរ៉ាវអតីតកាលមួយដែលនាងធ្លាប់ត្រូវបានគេនិយាយបំបាក់ទឹកចិត្ត ក្នុងដំណើរនៃការប្រកួតប្រជែងកម្មវិធី Miss grand Cambodia ដែលនាងជាអ្នកគ្រងមកុដ។ (ជីលី ហែងអត់ចេះដើរចឹង គ្មានសង្ឃឹមទេ!) ពាក្យពេចន៍នេះ បានធ្វើឲ្យ
រាជធានីភ្នំពេញ ៖ បេក្ខភាពបវរកញ្ញា Miss grand Cambodia 2020 លីវ ជីលី បានទម្លាយរឿងរ៉ាវអតីតកាលមួយដែលនាងធ្លាប់ត្រូវបានគេនិយាយបំបាក់ទឹកចិត្ត ក្នុងដំណើរនៃការប្រកួតប្រជែងកម្មវិធី Miss grand Cambodia ដែលនាងជាអ្នកគ្រងមកុដ។ (ជីលី ហែងអត់ចេះដើរចឹង គ្មានសង្ឃឹមទេ!) ពាក្យពេចន៍នេះ បានធ្វើឲ្យស្រីស្រស់ លីវ ជីលី ហាក់មានការឈឺចាប់យ៉ាងខ្លាំង និងបានចាត់ទុកថា នោះជាការនិយាយបំបាក់ទឹកចិត្តនាង ដែលកំពុងមានការតស៊ូ ដើម្បីសម្រេចក្តីស្រមៃនៅក្នុងការប្រឡងមួយនេះ។
យ៉ាងណា នាងនៅតែតស៊ូជម្នះរឿងរ៉ាវទាំងនោះ រហូតសម្រេចបានជោគជ័យនៅក្នុងការគ្រងមកុដ Miss grand Cambodia ដែលនាងមិននឹកស្មានដល់។ ក្នុងន័យនេះ លីវ ជីលី ក៏បានធ្វើការដាស់តឿនដល់អ្នកដែលធ្លាប់ជួបរឿងដូចនាង កុំឲ្យមានការបាក់ទឹកចិត្ត ពោលគឺត្រូវលើកទឹកចិត្តខ្លួនឯង ហើយត្រូវចងចាំថា គ្មានអ្វីដែលយើងធ្វើមិនបានទេ លើកលែងតែយើងគិតថា ខ្លួនឯងអន់ ធ្វើមិនបាន។
ស្រីស្រស់ លីវ ជីលី បានលើកឡើងតាមរយៈសំណេរដែលបានបង្ហោះលើគណនីហ្វេសប៊ុករបស់ខ្លួនថា «ខ្ញុំមានមោទនភាពមិននឹកស្មានថា ខ្លួនឈានដល់ចំណុចនេះទេ គ្រាន់តែមានក្តីស្រមៃ តែគិតថា វាមិនអាចក្លាយជាការពិតទេ ខ្ញុំស្គាល់ Miss grand Cambodia តាំងពីជំនាន់ខ្លឹម ស្រីគា មកម្ល៉េះ»។
នាងថា «ខ្ញុំមើលទាំងក្នុងចិត្តខ្ញុំគិតថា តើខ្ញុំមានវាសនាដូចគេទេហ្ន៎? បើបានដូចគេមែន ខ្ញុំហ្នឹងបញ្ចេញសមត្ថភាពអោយអស់តែម្តង តែក៏មិនដែលសង្ឃឹម ជឿជាក់លើខ្លួនឯងដែរ ទាំងដែលពេលនោះខ្ញុំអាយុ១៩ឆ្នាំហើយ ទើបតែខ្ញុំវ័យ២៤ឆ្នាំ ខ្ញុំជឿជាក់លើខ្លួនឯង»។
នាងបញ្ជាក់ថា «ខ្ញុំតស៊ូ ខ្ញុំមិនខ្លាចរាល់បញ្ហាអ្វីទាំងអស់ ខ្ញុំតែងតែលើកទឹកចិត្តខ្លួនឯង អ្វីដែលកក់ក្តៅបំផុត គឺគ្រួសារផ្តល់កម្លាំងចិត្ត នៅពេលប្រកួតក្នុងស្រុក គេតែងតែនិយាយថា (ជីលី ហែងអត់ចេះដើរចឹង គ្មានសង្ឃឹមទេ) បងប្អូនដឹងទេថា គេនិយាយមកខ្ញុំឈឺណាស់ ប្រៀបបានទៅនឹងមិនចេះធ្វើម្ហូបទៅប្រឡងធ្វើម្ហូប ខ្ញុំដើរដួល១ភ្លែត១០ដង ខ្ញុំជូតទឹកភ្នែករួចដើរបន្ត រហូតដល់ជាប់ Top25 នាក់ ខ្ញុំគិតថា ខ្ញុំអាចជាប់ រហូត Top10 ខ្ញុំនៅតែជឿថាជាប់ទៀត តែខ្ញុំមិនជឿទេថា ជាប់ Top5»។
នាងបន្ថែមថា «ខ្ញុំមិនដែលច្រណែន ខ្ញុំមិនដែលមើលងា.យគេ មានតែខ្ញុំស្រលាញ់គេជុំវិញខ្លួនខ្ញុំគ្រប់ៗគ្នា (ព្រហ្មវិហារធម៌តែងតែផុសចេញពីខ្លួនខ្ញុំ រហូតដល់សព្វថ្ងៃនេះ) ហើយខ្ញុំគិតថា បានត្រឹម Top10 ក៏បានខ្ញុំដឹងពីសមត្ថភាពការដើររបស់ខ្ញុំច្បាស់ រហូតដល់គេប្រកាស Top5 មានឈ្មោះខ្ញុំក្នុងនោះ សឹងតែមិនជឿណាបងប្អូន សូម្បីឈាងក៏មិនដឹងនៅណា នេះហើយបានថា កុំមើលងា.យខ្លួនឯងពេក ត្រូវលើកទឹកចិត្តខ្លួនឯង ហើយត្រូវចាំថា គ្មានអ្វីដែលយើងធ្វើមិនបានទេ លើកលែងតែយើងគិតថា ខ្លួនឯងអន់ ធ្វើមិនបាន ខ្ជិលការជោគជ័យ គឺតែងតែនៅក្បែរមនុស្សតស៊ូ ឧស្សាហ៍ព្យាយាម អត់ធ្មត់ ប្រឹងប្រែងខិតខំដើរធ្វើម៉េច ដើម្បីដល់គោលដៅ សុបិន្តនឹងក្លាយជាការពិត មិនថាលទ្ធផលបែបណា ត្រូវតែអបអរខ្លួនឯងជានិច្ច Believe yourself You can Do it។ ជាចុងក្រោយ សូមថ្លែងអំណរគុណដល់ពុកម៉ែបងប្អូនទាំងអស់ និងហ្វេនៗជីលីទាំងអស់ដែលតែងតែគាំទ្រ ជីលី តាំងពីដើមរហូតមកដល់បច្ចុប្បន្ន ផ្ញើជូនអ្នកបាក់ទឹកចិត្ត មិនជឿជាក់លើខ្លួនឯង»៕
ចែករំលែកព័តមាននេះ