ADផ្ទាំងផ្សព្វផ្សាយពាណិជ្ជកម្ម

Picture

កម្ពុជា​-​ឡាវ បើក​ប្រជុំ​ស្តីពី​កិច្ច​សហប្រតិបត្តិ​ការ​​​​រវាង​ខេត្តព្រះវិហារ និង​ខេត្ត​ចម្ប៉ា​សាក់

3 ថ្ងៃ មុន
  • ព្រះវិហារ

ខេត្តព្រះវិហារ ៖ ឯកឧត្តម គី​ម រិ​ទ្ធី ដឹកនាំ​គណៈប្រតិភូ​ចូលរួម​ក្នុង​កិច្ចប្រជុំ​ស្តី​ពី​កិច្ច​សហប្រតិបត្តិការ​លើក​ទី​៩ រវាង​ខេត្តព្រះវិហារ​នៃ​ព្រះរាជាណាចក្រ​កម្ពុជា ជាមួយ​ខេត្ត​ចម្ប៉ា​សាក់ នៃ​សាធារណរដ្ឋ​ប្រជាធិបតេយ្យ​ប្រជាមានិត​ឡាវ ដើម្បី​រឹតចំណង​សាមគ្គីភាព…

ខេត្តព្រះវិហារ ៖ ឯកឧត្តម គី​ម រិ​ទ្ធី ដឹកនាំ​គណៈប្រតិភូ​ចូលរួម​ក្នុង​កិច្ចប្រជុំ​ស្តី​ពី​កិច្ច​សហប្រតិបត្តិការ​លើក​ទី​៩ រវាង​ខេត្តព្រះវិហារ​នៃ​ព្រះរាជាណាចក្រ​កម្ពុជា ជាមួយ​ខេត្ត​ចម្ប៉ា​សាក់ នៃ​សាធារណរដ្ឋ​ប្រជាធិបតេយ្យ​ប្រជាមានិត​ឡាវ ដើម្បី​រឹតចំណង​សាមគ្គីភាព មិត្តភាព និង​ការ​អភិវឌ្ឍន៍​រវាង​ខេត្ត​ជាប់​ព្រំដែន ។

Picture

កាលពី​រសៀល​ថ្ងៃ​ទី​២៣ ខែមករា ឆ្នាំ​២០២៣ ឯកឧត្តម គី​ម រិ​ទ្ធី អភិបាល​នៃ​គណៈ​អភិបាលខេត្ត បាន​ដឹកនាំ​ប្រតិភូ​ចូលរួម​ក្នុង​កិច្ចប្រជុំ ស្តី​ពី​កិច្ច​សហប្រតិបត្តិការ​លើក​ទី​៩ រវាង​ខេត្តព្រះវិហារ​នៃ​ព្រះរាជាណាចក្រ​កម្ពុជា ជាមួយ​ខេត្ត​ចម្ប៉ា​សាក់​នៃ​សាធារណរដ្ឋ​ប្រជាធិបតេយ្យ ប្រជាមានិត​ឡាវ ក្រោម​កិច្ច​ស្វាគមន៍​យ៉ាង​កក់ក្តៅ ពី​សំណាក់ ឯកឧត្តម​បណ្ឌិត វិ​ល័យ​វង្ស ប៊ុត​ដា​ខាំ អភិបាលខេត្ត​ចម្ប៉ា​សាក់ នៃ​សាធារណរដ្ឋ​ប្រជាធិបតេយ្យ​ប្រជាមានិត​ឡាវ ។

Picture

កិច្ចប្រជុំ​នេះ បាន​ប្រព្រឹត្តិ​ទៅ​នៅ​ទីក្រុង​ប៉ាក់​សេ ខេត្ត​ចម្ប៉ា​សាក់ ដែល​ធ្វើ​ឡើង​ក្នុង​គោលបំណង ដើម្បី​រឹតចំណង​សាមគ្គីភាព មិត្តភាព និង​ការ​អភិវឌ្ឍន៍ រវាង​ខេត្ត​ជាប់​ព្រំដែន នៃ​ប្រទេស​ទាំង​ពីរ ឲ្យ​បាន កាន់តែ​រឹង​មាំ​បន្ថែមទៀត​។ ក្នុង​ឱកាស​នោះ ឯកឧត្តម គី​ម រិ​ទ្ធី បាន​សម្តែង​នូវ​ក្តី​សោមនស្ស​រីករាយ និង​វាយតម្លៃ​ខ្ពស់​ចំពោះ​ការ​អភិវឌ្ឍន៍​លើ​គ្រប់​វិស័យ​ទាំង​ផ្នែក​ហេដ្ឋារចនាសម្ព័ន្ធ សំណង់ និង​ផ្នែក​ធនធានមនុស្ស នៅ​ក្នុង​ខេត្ត​ចម្ប៉ា​សាក់ នៃ​សាធារណរដ្ឋ​ប្រជាធិបតេយ្យ​ប្រជាមានិត​ឡាវ ។

Picture

ឯកឧត្តម​ក៏​បាន​គូសបញ្ជាក់​អំពី​ទំនាក់ទំនង​យ៉ាង​ជិត​ស្និត ដោយ​ឈរ​លើ​មូលដ្ឋាន​ចំណងមិត្តភាព​ជា​ប្រពៃណី និង​ភាព​ជា​អ្នក​ជិតខាង​ល្អ ព្រមទាំង​ឯកភាព​បន្ត​ពង្រឹង​ទំនាក់ទំនង​ដ៏​ល្អ ក្នុង​កិច្ច​សហ​ប្រតិបត្តិការ​លើ​គ្រប់​វិស័យ​រវាង​ខេត្ត និង​ខេត្ត​នៃ​ប្រទេស​ទាំង​ពីរ ជា​ពិសេស​វិស័យ​សំខាន់​ៗ ដូច​ជា ន​យោ បាយ សន្តិសុខ ពាណិជ្ជកម្ម វិនិយោគ អប់រំ និង​វប្បធម៌ ។

Picture

ឯកឧត្តម​បាន​បន្ត​ទៀត​ថា កិច្ច​សហប្រតិបត្តិការ​កន្លង​មក បាន​អនុវត្ត​ទៅ​លើ​វិស័យ​នានា ដែល​បង្ក​លក្ខណៈ​ឲ្យ​ភាគី​ទាំង​ពីរ​សហការ និង​ដោះស្រាយ​នូវ​បញ្ហា ការ​រក្សា​សណ្តាប់ធ្នាប់​សន្តិ សុខ​តាម​បណ្តោយ​ព្រំដែន ដូច​ជា​អំពើ​ចោរកម្ម ការ​ឆ្លង​ចេញ​-​ចូល​សួរសុខទុក្ខ​របស់​ប្រជាពលរដ្ឋ ការ​រៀបចំ​ពិធីបុណ្យ​អុំទូក​មិត្តភាព រវាង​ស្រុក​ខូង និង​ស្រុក​ឆែប ដើម្បី​បង្កើន​ការ​រឹតចំណង​មិត្តភាព កិច្ច​សហប្រតិបត្តិការ និង​ដើម្បី​លើកកម្ពស់​ការ​ផ្លាស់​ប្តូរ​ទំនិញ និង​ទេសចរណ៍​។

Picture

ស្រប​ជាមួយ​និង​លទ្ធផល​ដែល​អនុវត្ត​នា​ពេល​កន្លង​មក យើង​សង្កេត​ឃើញ​ថា​មាន​បញ្ហា​មួយ​ចំនួន នៅ មិន​ទាន់​អនុវត្ត​បាន​ដូច​ជា បញ្ហា​សន្តិសុខ សណ្តាប់ធ្នាប់​តាម​បណ្តោយ​ព្រំដែន ការ​លួច​កាប់​បំផ្លាញ​ព្រៃឈើ ការរត់ពន្ធ​-​ការ​បរបាញ់​សត្វ ការ​ឆ្លង​ដែន​ខុសច្បាប់ ការ​រៀប​អាពាហ៍ពិពាហ៍ ខុស​ច្បាប់ ការ​ផ្លាស់​ប្តូរ​កិច្ចប្រជុំ​រវាង​មន្ទីរ​ជំនាញ និង​មន្ទីរ​ជំនាញ កិច្ចប្រជុំ​ថ្នាក់​ស្រុក និង​ថ្នា​កា់​ស្រុក ។

Picture
Picture
SEA Game 2023

ព្រឹត្តិការណ៍ស៊ីហ្គេម លើកទី៣២

SEA Game 2023