រាជធានីភ្នពេញ ៖ បុរសវ័យចំណាស់ម្នាក់ ដោយខ្វះការប្រុងប្រយ័ត្ន បានលេបថ្នាំទាំងសំបក ចូលនៅក្នុងបំពង់អាហាររបស់គាត់ ហើយភ្លាមៗ បុរសរូបនោះ ក៏បានប្រញាប់ធ្វើដំណើរមកកាន់មន្ទីរពេទ្យមិត្តភាពខ្មែរ-សូវៀត ដើម្បីធ្វើការចាប់យកសំបកថ្នាំនោះចេញវិញ នេះបើយោងតាមប្រភពពីក្រុមគ្រូពេទ្យផ្នែកជំងឺប្រព័ន្ធរំលាយអាហារ នៃមន្ទីរពេទ្យមិត្តភាពខ្មែរសូវៀត ។
ប្រភពដដែលបានឲ្យដឹងកាលពីថ្ងៃទី១៨ ខែមករា ឆ្នាំ២០២៣ថា គ្រូពេទ្យឯកទេសប្រព័ន្ធរំលាយអាហារ នៃមន្ទីរពេទ្យមិត្តភាពខ្មែរសូវៀត បានធ្វើការអន្តរាគមន៍ភ្លាមៗ ដោយមានការចូលរួមសហការជាមួយគ្រូពេទ្យផ្នែកសន្តំ ដើម្បីធ្វើការឆ្លុះក្រពះ ជូនអ្នកជំងឺ ។ តាមរយៈការឆ្លុះក្រពះ បានរកឃើញថ្នាំទាំងសំបក ក្នុងបំពង់អាហាររបស់អ្នកជំងឺ ក្រុមគ្រូពេទ្យ បានធ្វើការចាប់យកថ្នាំទាំងសំបកនោះ ចេញបានទាន់ពេលវេលា និងប្រកបដោយសុវត្ថិភាព ។
ក្រុមគ្រូពេទ្យជំនាញ បានដាស់តឿនថា ចំពោះបងប្អូនប្រជាពលរដ្ឋខ្មែរទាំងអស់ ជាពិសេសលោកតាលោយយាយ ដែលមានវ័យជរា មុននឹងទទួលទានថ្នាំពេទ្យ ត្រូវពិនិត្យឲ្យច្បាស់សិនថា អស់សំបកហើយឬនៅ ? ៕
ចែករំលែកព័តមាននេះ