កូរ៉េខាងត្បូងថា Kim Jong-un បោសសម្អាតអតីតរដ្ឋមន្ត្រីការបរទេសចោល
មេដឹកនាំកូរ៉េខាងជើង Kim Jong-un បានបោសសម្អាតអតីតរដ្ឋមន្ត្រីការបរទេស Ri Yong-ho ដែល
មេដឹកនាំកូរ៉េខាងជើង Kim Jong-un បានបោសសម្អាតអតីតរដ្ឋមន្ត្រីការបរទេស Ri Yong-ho ដែលបានដើរតួយ៉ាងសំខាន់នៅក្នុងកិច្ចប្រជុំរវាងលោក ជាមួយនឹងអតីតប្រធានាធិបតីអាមេរិក Donald Trump កាលពីឆ្នាំ ២០១៨ និង ២០១9។ នេះបើយោងតាមការបញ្ជាក់របស់សមាជិកសភាកូរ៉េខាងត្បូងកាលពីថ្ងៃព្រហស្បតិ៍ ទី ៥ មករាម្សិលមិញនេះ។
លោក Ri Yong-ho នៅតែមិនឃើញពីក្រសែភ្នែកសាធារណៈជនចាប់តាំងពីមានកិច្ចពិភាក្សាស្តីពីការរំសាយអាវុ.ធនុយក្លេអ៊ែរជាមួយនឹងទីក្រុងវ៉ាស៊ីនតោន បន្ទាប់ពីមានកិច្ចប្រជុំកំពូលបរាជ័យកាលពីដើមឆ្នាំ ២០១៩ នៅក្នុងប្រទេសវៀតណាមរវាងមេដឹកនាំផ្តាច់ការ Kim Jong-un និងលោក Donald Trump។
ប៉ុន្តែសារព័ត៌មានជប៉ុន Yomiuri Shimbun បានរាយការណ៍កាលពីថ្ងៃពុធកន្លងទៅនេះថា លោកត្រូវបានប្រហារជីវិតកាលពីឆ្នាំមុន។
ភ្នាក់ងារសេរវាកម្មស៊ើបការណ៍សម្ងាត់ជាតិកូរ៉េខាងត្បូងបានប្រាប់សមាជិកសភាថា លោក Ri Yong-ho ត្រូវបានកម្ចាត់ចោល ប៉ុន្តែគេមិនបានដឹងច្បាស់ថាលោកត្រូវបានប្រហារជីវិតឬយ៉ាងណានោះទេ។ នេះបើយោងតាមលោក Yoo Sang-bum សមាជិកនៃគណៈកម្មាធិការស៊ើបការណ៍សភា។
សូមបញ្ជាក់ថា អតីតរដ្ឋមន្ត្រីការបរទេសកូរ៉េខាងជើង Ri Yong-ho ត្រូវបានគេលើកឡើងនៅក្នុងប្រព័ន្ធផ្សព្វផ្សាយកូរ៉េខាងជើងកាលពីខែមេសា ឆ្នាំ ២០២០ នៅពេលលោកត្រូវបានដកចេញពីគណៈកម្មាការកិច្ចការរដ្ឋ ដែលជាស្ថាប័នសម្រេចចិត្តកំពូលដឹកនាំដោយលោក Kim Jong-un។ មុនពេលត្រូវបានដកចេញពីគណៈកម្មាការ លោកត្រូវបានបណ្តេញចេញពីតំណែងការទូតកាលពីប៉ុន្មានខែមុន។
លោកបានធ្វើសន្និសិទសារព័ត៌មានភ្លាមៗ ក្រោយពេលកិច្ចប្រជុំកំពូលធ្វើឡើងនៅទីក្រុងហាណូយបរាជ័យ ដោយលោកថ្លែងថាលោក Kim Jong-un បានធ្វើដំណើរជាក់ស្តែង ប៉ុន្តែលោក Donald Trump ទាមទារសម្បទាបន្ថែម៕ (យោងតាមប្រភព៖ Reuters)
ចែករំលែកព័តមាននេះ