Tesla កាត់បន្ថយតម្លៃរថយន្តអគ្គិសនីម៉ាក Model 3 និង Model Y នៅចិន
អាមរិក ៖ ក្រុមហ៊ុន Tesla បានកាត់បន្ថយតម្លៃរហូតដល់ ១៣,៥ភាគរយសម្រាប់រថយន្តម៉ាក Model
អាមរិក ៖ ក្រុមហ៊ុន Tesla បានកាត់បន្ថយតម្លៃរហូតដល់ ១៣,៥ភាគរយសម្រាប់រថយន្តម៉ាក Model 3 និង Model Y នៅក្នុងប្រទេសចិន។ នេះបើយោងតាមវេបសាយចិនរបស់ក្រុមហ៊ុន។
តម្លៃលក់សម្រាប់រថយន្តម៉ាក Model 3 ត្រូវបានកាត់បន្ថយពី ២៦៥.៩០០យ័ន (៣៨.៧០៩ដុល្លារ) មកត្រឹម ២២៩.៩០០យ័ន (៣៣.៤២៧ដុល្លារ) ចំណែកតម្លៃសម្រាប់ Model Y ធ្លាក់ពី ២៨.៨៩០០ យ័ន (៤២.០៥៧ដុល្លារ) មកត្រឹម ២៥៩.៩០០យ័ន (៣៧.៨៣៥ដុល្លារ)។
ការបន្ថយតម្លៃនេះ កើតឡើងបន្ទាប់ពីមានការចុះតម្លៃកាលពីខែតុលា នៅពេលក្រុមហ៊ុន Tesla កាត់បន្ថយតម្លៃសម្រាប់រថយន្តម៉ាកទាំងនោះរហូតដល់ ៩ភាគរយ។
សូមបញ្ជាក់ថា កាលពីខែធ្នូកន្លងទៅនេះ ក្រុមហ៊ុនធ្វើការចែកចាយរថយន្តអគ្គិសនីផលិតនៅចិនចំនួន ៥៥.៧៩៦គ្រឿង ដែលចំនួននេះធ្លាក់ចុះ ៤៤ភាគរយធៀបទៅនឹងខែវិច្ឆិកា និងធ្លាក់ចុះ ២១ភាគរយធៀបទៅខែធ្នូកាលពីឆ្នាំ ២០២១៕ (យោងតាមប្រភព៖ Reuters)
ចែករំលែកព័តមាននេះ