នាយកប្រតិបត្តិ Amazon ថានឹងកាត់បន្ថយបុគ្គលិកជិត២ម៉ឺននាក់
អាមេរិក ៖ នាយកប្រតិបត្តិរបស់ក្រុមហ៊ុន Amazon លោក Andy Jassy បាននិយាយនៅថ្ងៃពុធ ទី ៤
អាមេរិក ៖ នាយកប្រតិបត្តិរបស់ក្រុមហ៊ុន Amazon លោក Andy Jassy បាននិយាយនៅថ្ងៃពុធ ទី ៤ ការកាត់បន្ថយបុគ្គលិកនៅក្រុមហ៊ុននឹងប៉ះពាល់ដល់តួនាទីជាង ១៨.០០០ ដែលនឹងជះឥទ្ធិពលយ៉ាងធំធេងដល់ស្ថាប័នពាណិជ្ជកម្មអេឡិចត្រូនិច និងធនធានមនុស្ស។
ការកាត់បន្ថយបុគ្គលិកមានចំនួន ៦ភាគរយនៃកម្លាំងពលកម្មប្រហែល ៣០០.០០០នាក់របស់ Amazon។
លោក Andy Jassy បាននិយាយក្នុងសេចក្តីជូនដំណឹងសម្រាប់បុគ្គលិកថា ផែនការប្រចាំឆ្នាំកាន់តែមានការពិបាក ដោយសារតែបញ្ហាសេដ្ឋកិច្ចមិនច្បាស់លាស់ ហើយយើងធ្វើការជួលយ៉ាងលឿនក្នុងរយៈពេល ៧ឆ្នាំចុងក្រោយនេះ។
សូមបញ្ជាក់ថា Amazon មានកម្មករជាង ១,៥លាននាក់ រួមទាំងបុគ្គលិកនៅឃ្លាំង ដែលធ្វើឱ្យវាក្លាយជាក្រុមហ៊ុនឯកជនមានបុគ្គលិកច្រើនបំផុតទី ២ បន្ទាប់ពីក្រុមហ៊ុន Walmart។
Amazon កំពុងទប់ទល់នឹងកំណើនយឺត ខណៈអតិផរណាកើនឡើងបានធ្វើឱ្យអាជីវកម្ម និងអ្នកប្រើប្រាស់កាត់បន្ថយការចំណាយ ហើយភាគហ៊ុនរបស់ Amazon បានធ្លាក់ចុះពាក់កណ្តាលកាលពីឆ្នាំមុន។
ក្រុមហ៊ុនចាប់ផ្តើមកាត់បន្ថយបុគ្គលិកនៅខែវិច្ឆិកាកន្លងទៅនេះ ដោយប្រភពបានប្រាប់ទីភ្នាក់ងារសារព័ត៌មាន Reuters ថា Amazon កំណត់គោលដៅបន្ថយការងារចំនួន ១០.០០០៕ (យោងតាមប្រភព៖ Reuters)
ចែករំលែកព័តមាននេះ