ថ្មីៗនេះផងដែរ ផ្ទុះការចាប់អារម្មណ៍ពាសពេញពិភពវិស័យសិល្បៈថៃ នូវរឿងរ៉ាវរបស់តារាសម្ដែងស្រី ice Preechaya ដោយប៉ុន្មានថ្ងៃមកនេះ ហាក់កំពុងតែក្លាយជាប្រធានបទមួយមានការវែកញែកឥតឈប់ឈរតែម្ដង ពាក់ព័ន្ធនឹងរូបភាពដែល
ប្រទេសថៃ ៖ ថ្មីៗនេះផងដែរ ផ្ទុះការចាប់អារម្មណ៍ពាសពេញពិភពវិស័យសិល្បៈថៃ នូវរឿងរ៉ាវរបស់តារាសម្ដែងស្រី ice Preechaya ដោយប៉ុន្មានថ្ងៃមកនេះ ហាក់កំពុងតែក្លាយជាប្រធានបទមួយមានការវែកញែកឥតឈប់ឈរតែម្ដង ពាក់ព័ន្ធនឹងរូបភាពដែលនាងបានបង្ហោះជាមួយបុរសម្នាក់។
ហើយកន្លងមកតារាសម្ដែងស្រី Ice Preechaya បានផ្ដល់បទសម្ភាសន៍ដល់ក្រុមព័ត៌មានរបស់ផលិតកម្ម Nine Entertainment នៅកណ្តាលព្រឹត្តិការណ៍មួយ ដោយនាងបាននិយាយថា នាងមិនមែននៅលីវទៀតនោះទេ មានយុវជនម្នាក់គេបានចូលមកមើលថែបេះដូងរបស់នាង ម្ចាស់បទដែលមានចំណងជើងថា «ទឹកកក» ជាមនុស្សនូវក្នុងវិស័យសិល្បៈដូចគ្នាដែរ។ ប៉ុន្តែនាងបានបដិសេធមិនបញ្ចេញឈ្មោះនោះទេ តែនាងបានប្រាប់ថា នឹងបង្ហោះរូបថតប៉ុន្មានសន្លឹកក្នុងពេលឆាប់ៗនេះ រួចមកថ្មីៗនេះ Ice Preechaya ក៏បានខ្ចប់កាបូប ហើយជិះយន្តហោះទៅអបអរឆ្នាំថ្មីនៅញូវយ៉ក ហើយក៏បានបង្ហោះរូបមួយសន្លឹកជាមួយមិត្តប្រុសដូចនិយាយពិតមែន ប៉ុន្តែនាងឲ្យអ្នករាល់គ្នាឃើញតែភ្នែកមិត្តប្រុសរបស់នាងតែប៉ុណ្ណោះ។
ក្រោយពីតារាស្រី ice Preechaya ស្រស់ស្អាតមុខមាត់គួរអោយទាក់ទាញរូបនេះ បានធ្វើដំណើរកំសាន្តទៅដើរលេងនៅក្នុងទីក្រុង New York លើកនេះ មានតែរឿងដែលគួរឲ្យកត់សម្គាល់ ដែលត្រូវជួបនឹងអាកាសធាតុត្រជាក់ខ្លាំងសម្រាប់ស្រីស្អាត Ice Preechaya ក្រោយពីទៅដល់កន្លែងភ្លាម នាងក៏បានភ្លេចយកកាបូបមក២ថ្ងៃ រហូតដល់ត្រូវទៅខ្ចីអាវរងារបស់មិត្តភក្តិនាងយកមកពាក់ ដែលនៅទីនោះមានសីតុណ្ហភាពរហូតដល់ទៅ-13អង្សារឯណោះ។ បន្ទាប់មកទៀត នាងក៏បានបង្ហោះរូបថតជាមួយនឹងមនុស្សប្រុសប្លែកមុខដែលពាក់អាវ Hoodie បិទមុខបិទមាត់ជិតឈឹង ថែមទាំងភ្ជាប់ជាមួយនឹង Caption យ៉ាងខ្លីតែមានអត្ថន័យបែបនេះថា «Hi From NYC!! រូបគូរូបដំបូងរបស់យើង» «បងប្អូនសាក់ទាយទៅមើល តើខ្ញុំមកធ្វើអ្វីនៅទីនេះ?»។ ដែលមានន័យជាភាសាខ្មែរថា «សួស្ដីពីទីក្រុងញូវយ៉ក» នេះជារូបថតគូស្នេហ៍ដំបូងរបស់ពួកយើងដែលកំពុងតែស្ថិតនៅសហរដ្ឋអាមេរិក យ៉ាងម៉េចដែរ ប្លែកដែរឬទេពុកម៉ែបងប្អូនទាំងអស់គ្នា ពិតជាស្រស់ស្រាយខ្លាំងណាស់នៅទីនេះ មានអារម្មណ៍ថា ត្រជាក់ភ្នែក រ៉ូមែនទិចខុសប្លែកពីធម្មតា»។
ដែលធ្វើឲ្យហ្វេនៗហាក់មានការងឿងឆ្ងល់គ្រប់គ្នា ដោយពួកគេលើកឡើងថា «តើតារាស្រីវ័យ៣២ឆ្នាំរូបនេះ នាងបើកបង្ហាញមុខសង្សារឬយ៉ាងណានៀក ម៉េចក៏បាំងមុខជិតអញ្ជឹង?។ មិនបង្អង់យូរ បន្ទាប់ពីប្រទះឃើញតារាស្រី Ice Preechaya បង្ហោះរូបភាពគូស្នេហ៍នេះមិនទាន់បានប៉ុន្មានផង ក៏មានមិត្តភក្តិនូវក្នុងវិស័យសិល្បៈដូចគ្នា ក៏ដូចជាអ្នកគាំទ្រជាច្រើនបាននាំគ្នា សម្រុកចូលទៅខមិនដាក់ទៅចំៗ។ ក្នុងនោះ គេក៏បានប្រទះឃើញតារាសម្ដែងស្រី Baifern Passakorn បានធ្លោយមាត់និយាយទៅប៉ុន្មានម៉ាត់បែបនេះថា «ឲ្យស្រួលបួលណាឯង កុំធ្វើអីលឿនៗពេក» និងនៅមានមិត្តដទៃជាច្រើនទៀតក៏នាំគ្នាចម្លែកចិត្តមានមន្ទិលសង្ស័យឆ្ងល់មិនឈប់ ហើយខមមិនថា «ខ្ញុំនឹងនៅរង់ចាំមើលរូបគូបន្តបន្ទាប់ទៀតណាចា កុំប៉ិនលាក់ពេក បើកចំហអោយលឿនៗមក»។
ភ្លាមៗនោះផងដែរ ទ្រាំលែងបានតទៅទៀត ស្រាប់តែតារាស្រី Ice Preechaya ក៏បានចេញមុខមកឆ្លើយតបទៅវិញគ្មានទុកមុខអោយយ៉ាងដូច្នេះថា «តិចទៀតដឹងគ្នាហើយស៊ីស» ហើយពាក្យពេចន៍ទាំងនេះដែរ ក៏បានធ្វើឲ្យអ្នកនិយមលេងបណ្ដាញសង្គម internet នាំគ្នាសន្និដ្ឋានថា ប្រហែលជាតារាប្រុសម្នាក់នោះជាក់ជាមិនខានឡើយ អាចជាតារាចម្រៀងប្រុសម្នាក់នោះក៏ថាបានដែរ អ្នកខ្លះបានបញ្ចេញតម្រុយថា យុវជនដែលថតរូបជាមួយ Ice Preechaya គឺ «Marco Maurer»ដែលត្រូវជាបងប្រុសរបស់វីរបុរសក្តៅបំផុត «Mario Maurer»«Marco» ព្រោះបើយើងនាំគ្នាមើលទៅតាមកែវភ្នែករបស់បុរសម្នាក់នោះពិតជាដូចទៅនឹងបងប្រុសរបស់តារាសម្ដែងប្រុសដ៏ល្បីឈ្មោះ Mario Maurer ខ្លាំងណាស់ នោះគឺលោក Marco ខ្ញុំប្រាកដមួយ១០០% ខ្លាំងណាស់ជា Marco បងប្រុសរបស់ Mario Maurer? ទាំងទម្រង់មុខ ស្នាមសាក់នៅលើដៃ ព្រោះធ្លាប់ឃើញតារាស្រី ice Preechaya បង្ហោះដាក់ក្នុង Story។
យ៉ាងណាមិញ ចំពោះរឿងរ៉ាវនៅព័ត៌មានដែលគ្រប់គ្នាបាននិយាយថា «ជាតារាប្រុសនេះ ជាតារាប្រុសនោះ យើងនៅមិនទាន់ដឹងច្បាស់នៅឡើយទេថា វាជាការពិត ឬមួយយ៉ាងណានោះ ព្រោះកាលពីកន្លងទៅ នាងធ្លាប់បានបង្ហើបថា« តាមពិតទៅនាងធ្លាប់បាន Add Story ជាមួយនឹងមិត្តប្រុសរបស់នាងនៅលើ IG ជាច្រើនដងរួចមកហើយ បើមានអ្នកចាប់អាម្មណ៍នោះ មុខតែស្គាល់គាត់ជាក់ជាមិនខាននោះឡើយ ដូច្នេះមានតែរង់ចាំតាមដាននៅពេកក្រោយប៉ុណ្ណោះ ទើបយើងអាចដឹងច្បាស់ថា រឿងនេះនឹងទៅជាយ៉ាងណាអោយពិតប្រាកដ?៕
ចែករំលែកព័តមាននេះ