អណ្ដាតភ្លើងឆាបឆេះកាស៊ីណូពីមួយទៅមួយយ៉ាងសន្ធោសន្ធោផ្អើលជាយដែន(វីដេអូ)
- បន្ទាយមានជ័យ
មានអគ្គិភ័យបានឆាបឆេះកាស៊ីណូមួយកន្លែអយ៉ាងសន្ធោសន្ធៅនៅជាយដែនក្រុងប៉ោយប៉ែត បណ្តាលឱ្យមាន
ខេត្តបន្ទាយមានជ័យ ៖ បើតាមសេចក្តីរាយការណ៍បឋមបានឱ្យដឹងថា មានអគ្គិភ័យបានឆាបឆេះកាស៊ីណូមួយកន្លែអយ៉ាងសន្ធោសន្ធៅនៅជាយដែនក្រុងប៉ោយប៉ែត បណ្តាលឱ្យមានជនបរទេស២នាក់ត្រូវបាត់បង់ជីវិតខណៈលោ.តចុះពីអគារដែលកំពុងឆាបឆេះ និងអាចមានមនុស្សជាច្រើនផ្សេងកំពុងតែជាប់គាំងក្នុងរង់ចាំការជួយសង្គ្រោះផងដែរ ហើយរហូតមកដល់ពេលនេះនៅមិនទាន់អំពីដឹងមូលហេតុនោះទេ ព្រោះអណ្ដាតភ្លើងកំពុងតែបន្តឆាបឆេះ និងរាលដាលពីកាស៊ីណូមួយទៅកាស៊ីណូមួយទៀត ស្ទើរក្លាយជាផេះផង់ទៅហើយបង្កឱ្យមានការភ្ញាក់ផ្អើលយ៉ាងខ្លាំងនៅក្រុងប៉ោយប៉ែត។
សេចក្តីរាយការណ៍បន្តថា ករណីឆាបឆេះកាស៊ីណូខាងលើនេះ បានលកើតឡើងនៅយប់ថ្ងៃទី២៨ រហូតម៉ោងជាង៥ជិតភ្លឺថ្ងៃទី២៩ ខែធ្នូ ឆ្នាំ២០២២នេះ អណ្ដាតភ្លើងនៅមិនទាន់រលត់ទាំងស្រុងនោះទេ ហើយអាជ្ញាធរសមត្ថកិច្ចខ្មែរ-ថៃ កំពុងសស្រាក់សស្រាំអន្តរាគមន៍នាំគ្នាជួយពន្លត់ និងរិះរកវិធីទប់ស្កាត់ផងដែរ។
បើសតាមប្រភពព័ត៌មានពីកន្លែងកើតហេតុបានឱ្យដឹងថា អំឡុងកើតហេតុ ដំបូងមានមនុស្សលោ.តចុះពីលើអគារកាស៊ីណូយ៉ាងព្រោងព្រាតដើម្បីរួចពីគ្រោះអគ្គិភ័យនេះ ក្នុងនោះមានមនុស្ស២នាក់សង្ស័យថា ជាបរទេសបានស្លា.ប់ភ្លាមៗនៅពេលលោ.តចុះពីអគារកើតហេតុផងដែរ មិនត្រឹមតែប៉ុណ្ណោះអាចនឹងមានមនុស្សស្លា.ប់នៅលើអគារកាស៊ីណូទៀតផង ។
ប្រភពដដែលបន្តទៀតថា រហូតមកទល់ពេលនេះ នៅមានមនុស្សជាប់គាំងលើអគារកាស៊ីណូកើតហេតុ ដែលកំពុងឆាបឆេះនោះ ហើយក៏កំពុងតែរង់ចាំការជួយសង្គ្រោះផងដែរ។
គួរបញ្ជាក់ថា តាមដងផ្លូវចូលទៅមាត់ច្រកទ្វារអន្តរជាតិប៉ោយប៉ែត រហូតមកទល់ម៉ោងជិត៨ព្រឹក ថ្ងៃទី២៩ ខែធ្នូ ឆ្នូ២០២២នេះ នៅមិនទាន់អាចឆ្លងទៅមកបាននោះទេ ព្រោះអគារកាស៊ីណូ (រ៉ីសត) ដែលខាងជើង និងជាប់ដងផ្លូវ ត្រូវបានទ្រេតផ្អៀងហើយ។ ហើយអាជីវករចេញចូលទៅប្រកបរបររកស៊ីនៅផ្សាររុងក្លឿ គឺអាចធ្វើដំណើរផ្លូវវៀង តាមទឹកដីកាស៊ីណូទៅមាត់ច្រកទ្វារ ទើបបាន។
ព័ត៌មានបន្ថែមនឹងមានផ្សាយនៅពេលក្រោយបន្តទៀត។
ចែករំលែកព័តមាននេះ