ខេត្តព្រះវិហារ ៖ ហេតុការណ៍ដ៏គួរឱ្យសោកសង្រេងមួយបានកើតឡើងទៅលើបុរសវ័យ៥៣ឆ្នាំម្នាក់ បណ្តាលឱ្យបាត់បង់ជីវិត ខណៈចុះទៅងូតទឹកស្រះមួយកន្លែងហើយក៏បានលង់ ។ ក្រោយមក ត្រួវបានកូនៗបញ្ជូនទៅមណ្ឌលសុខភាពភ្នំដែក ឃុំរមណីយ៍ ស្រុករវៀង…
ខេត្តព្រះវិហារ ៖ ហេតុការណ៍ដ៏គួរឱ្យសោកសង្រេងមួយបានកើតឡើងទៅលើបុរសវ័យ៥៣
ឆ្នាំម្នាក់ បណ្តាលឱ្យបាត់បង់ជីវិត ខណៈចុះទៅងូតទឹកស្រះមួយកន្លែងហើយក៏បានលង់ ។ ក្រោយមក ត្រួវបានកូនៗបញ្ជូនទៅមណ្ឌលសុខភាពភ្នំដែក ឃុំរមណីយ៍ ស្រុករវៀង ខេត្តព្រះ
វិហារ ដើម្បីសង្គ្រោះតែនៅមិនអាចជួយទាន់ ។
សាក្សីនៅកន្លែងកើតហេតុបានអោយដឹងថា ទីតាំងដែលបុរសរងគ្រោះលង់ទឹកស្លា.ប់ក្នុងស្រះ ស្ថិតក្នុងបរិវេណផ្ទះរបស់ឈ្មោះ វណ្ណា និងប្រពន្ធឈ្មោះ ឆយ ដែលជាទីតាំងបំផ្ទុះគ្រាប់រំសេវយករ៉ែមាស ស្ថិតនៅចំណុចផ្សាររំដេង ឃុំរមទម ស្រុករវៀង ខេត្តព្រះវិហារ នៅលាម៉ោង១២ថ្ងៃត្រង់ថ្ងៃទី២០ ធ្នូ ឆ្នាំ២០២២នេះ ។
លោកវរសេនីយ៍ទោ ស៊ីម សាយ អធិការដ្ឋាននគរបាលស្រុករវៀង បានអោយដឹងថា ជនរងគ្រោះឈ្មោះ ប៉ែន ស្រេង អាយុ៥៣ឆ្នាំ មានស្រុកកំណើតភូមិខ្សាច់ទុក ឃុំជ្រោយបន្ទាយ ស្រុកព្រែកប្រសព្វ ខេត្តក្រចេះ បានស្លា.ប់ក្រោយបញ្ជូន មកកាន់មណ្ឌលសុខភាពភ្នំដែក ឃុំរមណីយ៍ ស្រុករវៀង ខេត្តព្រះវិហារ ។
សមត្ថកិច្ចបន្តថា តាមការបំភ្លឺពីកូនជនរងគ្រោះថា មុនកើតហេតុ ជនរងគ្រោះជាឪពុក បានចេញពីក្នុងរណ្តៅការដ្ឋានរុករករ៉ែ ក្នុងសភាពអស់កម្លាំងខ្លាំង ក៏ស្រាប់តែទៅងូតទឹកក្នុងស្រះ ក្បែរនោះដូចសព្វមួយដង ខណៈងូតទឹកបានមួយភ្លែត ក៏បានឃើញឪពុកលិចចូលស្រះនោះទៅ ពេលនោះកូនរបស់គាត់ក៏បានចុះទៅក្នុងស្រះស្រង់ឡើងមកលើគោក និងដឹកមកសង្គ្រោះនៅមណ្ឌលសុខភាព តែជាអកុសល ជនរងគ្រោះ បានបាត់បង់ជីវិតបាត់ទៅហើយ ។
ចែករំលែកព័តមាននេះ