ADផ្ទាំងផ្សព្វផ្សាយពាណិជ្ជកម្ម

Picture

តុលាការ​សម្រេច​ហើយ ករណី​អា​ម៉ា​ប់​អ្នកលេង​កាំបិត​ខ្វែវ​ដេញ​កា​.​ប់​គូទំនាស់​ផ្អើល​មុខ​ខ្លោងទ្វារវត្ត​

1 ខែ មុន
  • កណ្តាល

លោក ជា សុខ​ហៀ​ង ចៅក្រម​ស៊ើបសួរ​សាលាដំបូង​ខេត្តកណ្តាល នៅ​ល្ងាច​ថ្ងៃ​ទី​០៥ ខែធ្នូ ឆ្នាំ​២០២២​នេះ បាន​សម្រេច​ចេញ​ដីកាឃុំខ្លួន​អា​ម៉ា​ប់​អ្នកលេង​កាំបិត​ខ្វែវ​ម្នាក់ ដែល​បានកា​.​ប់​ទៅ​លើ​គូទំនាស់​​ធ្វើ​អោយ​ម៉ូតូ​រង​ការ​ខូចខាត​យ៉ាងដំណំ

ខេត្តកណ្តាល ៖ លោក ជា សុខ​ហៀ​ង ចៅក្រម​ស៊ើបសួរ​សាលាដំបូង​ខេត្តកណ្តាល នៅ​ល្ងាច​ថ្ងៃ​ទី​០៥ ខែធ្នូ ឆ្នាំ​២០២២​នេះ បាន​សម្រេច​ចេញ​ដីកាឃុំខ្លួន​អា​ម៉ា​ប់​អ្នកលេង​កាំបិត​ខ្វែវ​ម្នាក់ ដែល​បានកា​.​ប់​ទៅ​លើ​គូ​ទំនាស់​ធ្វើ​អោយ​ម៉ូតូ​រង​ការ​ខូចខាត​យ៉ាងដំណំ ដាក់​ពន្ធនាគារ​ជា​បណ្ដោះអាសន្ន​ពី​បទ «​ធ្វើ​ឲ្យ​ខូចខាត​ដោយ​ចេតនា​មាន​ស្ថាន​ទម្ងន់ទោស​» តាម​មាត្រា​៤១១ ចំណុច​ទី​១ នៃ​ក្រមព្រហ្មទណ្ឌ​។ ដែល​ប្រព្រឹត្ត​នៅ​ចំណុច​លើ​ផ្លូវជាតិ​លេខ​៦ មុខ​ខ្លោងទ្វារវត្ត​ឧត្តម​សាមគ្គី (​ហៅ​វត្ត​ឈើទាល​) ស្ថិត​នៅ​ក្នុងភូមិ​ក្រោម ឃុំ​ព្រែក​អញ្ចាញ ស្រុក​មុខកំពូល ខេត្តកណ្ដាល កាលពី​ថ្ងៃ​ទី​២៦ ខែវិច្ឆិកា ឆ្នាំ​២០២២ វេលា​ម៉ោង​០០​និង​៣០​នាទី​យប់​។

Picture

ជន​ត្រូវ​ចោទ​ខាងលើ​នេះ មានឈ្មោះ សួន ពេជ្រ​សំ​អូន ហៅ​ម៉ា​ប់ ភេទ​ប្រុស អាយុ​១៧​ឆ្នាំ មាន​ទីលំនៅ​ភូមិ​ជ្រោយ​មេត្រី ឃុំ​ឬ​ស្សី​ជ្រោយ ស្រុក​មុខកំពូល ខេត្ដកណ្ដាល​។ ចំណែក​ជន​រង​គ្រោះ​មាន​ចំនួន​០២​នាក់ ដោយ​ទី​១- ឈ្មោះ យ៉ា​ត យ៉ា​រី​ន ភេទ​ប្រុស អាយុ​១៩​ឆ្នាំ ជនជាតិ​ខ្មែរ មុខរបរ​ជាង​ជួសជុល​ទូរស័ព្ទ មាន​ទីលំនៅ​បច្ចុប្បន្ន​ក្នុងភូមិ​ឈើទាល ឃុំ​ព្រែក​អញ្ចាញ ស្រុក​មុខកំពូល ខេត្តកណ្ដាល ទី​២- ឈ្មោះ អាត ធា​រិ​ទ្ធ (​ហៅ​ពៅ​) ភេទ​ប្រុស អាយុ​២០​ឆ្នាំ ជនជាតិ​ខ្មែរ មុខរបរ​ធ្វើ​សំណង់ មាន​ទីលំនៅ​បច្ចុប្បន្ន​ភូមិ​ឈើទាល ឃុំ​ព្រែក​អញ្ចាញ ស្រុក​មុខកំពូល ខេត្តកណ្ដាល​។

Picture

ដោយ​អនុវត្ត​បទបញ្ជា​យ៉ាង​ម៉ឺងម៉ាត់​ពី​លោក​ឧត្តមសេនីយ៍ទោ ឈឿ​ន សុចិត្ត ស្នងការ​នគរបាល​ខេត្ត​កណ្តាល បានអោយ​លោក​ឧត្តមសេនីយ៍ត្រី ឡាក់ ម៉េ​ង​ធី ស្នងការ​រង​ទទួល​ផែន​ព្រហ្មទណ្ឌ ដឹកនាំ​កម្លាំង​ចុះ​ប្រតិបត្តិការ​ស្រាវជ្រាវ​ស៊ើបអង្កេត​បង្ក្រាប​ក្រុម​ក្មេង​ទំនើង ដែល​ប្រើ​ហិ​.​ង្សា​ដោយ​ចេតនា​មាន​ស្ថាន​ទម្ងន់ទោស និង​ធ្វើ​ឲ្យ​ខូចខាត​ដោយ​ចេតនា ហើយ​ក៏​បាន​ឃាត់ខ្លួន​ជន​ដៃដល់​បាន​ម្នាក់​។

Picture

លោ​ឧត្តមសេនីយ៍ត្រី ឡាក់ ម៉ាង​ធី ស្នងការ​រង​ទទួល​ផែន​ព្រហ្មទណ្ឌ បាន​ប្រាប់​អោយ​ដឹង​ថា កន្លង​មក ក្រុម​ជនសង្ស័យ និង​ក្រុម​ជន​រង​គ្រោះ​ធ្លាប់​មាន​គំនុំជាមួយ​គ្នា​។ ហើយ​នៅ​ថ្ងៃ​ទី​២៦ ខែវិច្ឆិកា ឆ្នាំ​២០២២ វេលា​ម៉ោង​០០​និង​៣០​នាទី ជន​រង​គ្រោះ​និង​មិត្តភក្តិ​ចំនួន​០៤​នាក់​ទៀត​បាន​ជិះ​ម៉ូតូ​ចំនួន​០៣​គ្រឿង​មក​ពី​មើល​ការ​ប្រគំ​តន្ត្រី​នៅ​រង្វង់​មូល​នាង​មច្ឆា​ផ្លូវ OCIC ខណ្ឌ​ជ្រោយចង្វារ​។ ចំណែក​ក្រុម​ជនសង្ស័យ​វិញ បាន​ជួបជុំ​គ្នា​នៅ​មុខ​វត្ត​ព្រែក​អញ្ចាញ ហើយ​ក៏​បានដឹង​ថា ក្រុម​ជន​រង​គ្រោះ​ចេញ​មក​ពី​រង្វង់​មូល​នាង​មច្ឆា​ផ្លូវ OCIC ខណ្ឌ​ជ្រោយចង្វារ រាជធានី​ភ្នំពេញ​មក​វិញ​។

Picture

ប្រភព​ដដែល​បន្ត​ថា ភ្លាម​ៗ​នោះ ក្រុម​ជនសង្ស័យ​ក៏​បាន​នាំ​គ្នា​ជិះ​ម៉ូតូ​ចេញពី​មុខ​វត្ត ដោយ​ឈ្មោះ ផេង ជិះ​ម៉ូតូឌុប​ឈ្មោះ ពុន សុវណ្ណ​រ៉ា ហៅ​ចិន រួច​ទៅ​យក​កាំបិត​ខ្វែវ​ចំនួន​០៣​ដើម ដោយ​ឲ្យ​ឈ្មោះ ពែ​ក កាន់​០១​ដើម ឈ្មោះ ពុន សុវណ្ណ​រ៉ា កាន់​០១​ដើម និង​ឈ្មោះ ឌី​ម សុខ​ដែន កាន់​០១​ដើម រួច​ក្រុម​ជនសង្ស័យ​ក៏​នាំ​គ្នា​ជិះ​ទៅ​ចាំ​មើលផ្លូវ​ក្រុម​ជន​រង​គ្រោះ​។ លុះ​ពេល​ជិះ​ទៅ​ដល់​ចំណុច​ផ្លូវ​ឆ្លង​កាត់មុខ​ខ្លោង​ទ្វារវត្ត​ឈើទាល​ដែល​ជា​កន្លែង​កើតហេតុ ក៏​បាន​ជួប​ក្រុម​ជន​រង​គ្រោះ ភ្លាម​ៗ​នោះ​ក្រុម​ជនសង្ស័យ​បាន​លើក​កាំបិត​ខ្វែវ​ដេញ​កា​.​ប់​ទៅ​លើ​ក្រុម​ជន​រង​គ្រោះ​តែ​ម្តង ហើយ​ជន​រង​គ្រោះ​វិញ​ក៏​បាន​ឈប់​ម៉ូតូ​រួច​នាំ​គ្នា​រត់គេច​ខ្លួន ក្នុង​ពេល​នោះ​ផង​ដែរ ក្រុម​ជនសង្ស័យ​ក៏​បាន​ដេញ​កា​.​ប់​ក្រុម​ជន​រង​គ្រោះ និង​កា​.​ប់​ម៉ូតូ​របស់​ជន​រង​គ្រោះ​ខូចខាត​ម៉ូតូ​អស់​ចំនួន​០២​គ្រឿង​។

Picture

ប្រភព​ដដែល​បន្ត​ថា ក្រោយ​ពី​ធ្វើ​សកម្មភាព​ហើយ ក្រុម​ជនសង្ស័យ​គេចខ្លួន​បាត់ លុះ​រហូត​មក​ដល់​ថ្ងៃ​ទី​០៣ ខែធ្នូ ឆ្នាំ​២០២២ វេលា​ម៉ោង​១៤​និង​៣០​នាទី​រសៀល កម្លាំង​ជំនាញ​ក៏​បាន​ធ្វើការ​ស្រាវជ្រាវ រហូត​ឃាត់ខ្លួន​បាន​ជនសង្ស័យ​ម្នាក់​ដែល​មានឈ្មោះ សួន ពេជ្រ​សំ​អូន ដើម្បី​ចាត់ការ​តាម​នីតិវិធី​ច្បាប់​។ ហើយ​នៅ​ចំពោះ​មុខ​សមត្ថកិច្ច ជនសង្ស័យ​បាន​សារភាព​ថា «​ខ្លួន និង​បក្សពួក​ពិតជា​បាន​ធ្វើ​សកម្មភាព​ដេញ​កា​.​ប់​ជន​រង​គ្រោះ និង​កា​.​ប់​បំផ្លាញ​ម៉ូតូ​របស់​ជន​រង​គ្រោះ​ពិតប្រាកដ​មែន​»​។

Picture
Picture
Picture
Picture
Picture
SEA Game 2023

ព្រឹត្តិការណ៍ស៊ីហ្គេម លើកទី៣២

SEA Game 2023