តារាសម្ដែងដ៏ល្បីនៅហូលីវូដ នាងAmber Heard បានបង្ហាញចំណាងស្នេហ៍ជាមួយមហាសេដ្ឋី លោកElon Musk តាមរយៈរូបថតអង្គុយទន្ទឹមគ្នាជាគូបង្ហោះតាមហ្វេសប៊ុក និងបង្ហាញស្នាមថើបនៅលើផ្ពាល់របស់គូស្នេហ៍ទៀតផង ។
កន្លងមករូបភាពដែលនាងAmber Heard បង្ហោះតាមហ្វេសប៊ុក ដូចគ្នានឹងរូបភាពលោកElon Musk បង្ហោះIG របស់ខ្លួនដែលអាចឆ្លុះបញ្ចាំងឱ្យឃើញពីសម្ព័ន្ធភាពចំពោះគ្នាទៅវិញទៅមកជាលើកដំបូង ។
នាងAmber Heard ធ្លាប់រៀបការជាមួយតារាហូលីវូដ លោកJohnny Depp ប៉ុន្ដែចុងក្រោយសម្ព័ន្ធភាពរបស់ពួកគេបញ្ចប់ដោយការលែងលះ ក្រោយពីរួមរស់ជាមួយគ្នាជាងមួយឆ្នាំ និងបានប្ដឹងប្ដល់ស្ដីពីការប្រើអំពើហិង្សារហូតធ្វើឱ្យលោកDepp បង់ថ្លៃសំណងលើអតីតប្រពន្ធយ៉ាងសន្ធឹកសន្ធាប់ ។
ចំណែកលោកElon Musk ជនជាតិអាមេរិកកើតនៅអាហ្វ្រិកខាងត្បូង បានទទួលការលើកកម្ដើងជាអ្នកជំនួញ និងទទួលចំណាត់ថ្នាក់ពីទស្សនាវដ្ដីForbes ជាអ្នកមានទ្រព្យស្ដុកស្ដម្ភបំផុត ស្ថិតនៅលំដាប់ទី៨៣នៅលើពិភពលោកក្នុងឆ្នាំ២០១៦ ៕
ចែករំលែកព័តមាននេះ