ពាក្យពេចន៍ក្នុងការលើកយកមកនិយាយលេងសើច ចំអន់លេង គឺមានច្រើនបែប ច្រើនទម្រង់ តែក៏ត្រូវប្រើវាអោយសមទៅនឹងកាលៈទេសៈ ឬបរិបទ បើមិនដូច្នេះទេគេអាចប្រកាន់ខឹង អន់ចិត្ត និងតូចចិត្ត ដោយសារពាក្យសម្ដីអចេតនារបស់យើងមិនខានឡើយ។ រីឯពាក្យពេចន៍ខ្លះទៀត បុគ្គលមួយចំនួមយកមក
រាជធានីភ្នំពេញ ៖ ពាក្យពេចន៍ក្នុងការលើកយកមកនិយាយលេងសើច ចំអន់លេង គឺមានច្រើនបែប ច្រើនទម្រង់ តែក៏ត្រូវប្រើវាអោយសមទៅនឹងកាលៈទេសៈ ឬបរិបទ បើមិនដូច្នេះទេគេអាចប្រកាន់ខឹង អន់ចិត្ត និងតូចចិត្ត ដោយសារពាក្យសម្ដីអចេតនារបស់យើងមិនខានឡើយ។ រីឯពាក្យពេចន៍ខ្លះទៀត បុគ្គលមួយចំនួមយកមកប្រើប្រាស់ចោទសួរ និងឌឺដង ដោយចេតនាតែម្ដង។ ឧទាហរណ៍ថា បុគ្គលខ្លះដឹងហើយលឺហើយថា ពាក្យទាំងនឹងមិនគួរប្រើ មិនគួរនិយាយ មិនគួរចោទសួរទៅកាន់អ្នកដទៃ ឬភាគីម្ខាងទៀត ព្រោះគេប្រាកដជាអន់ចិត្ត ប្រកាន់ខឹង មិនសប្បាយចិត្តនឹងទង្វើរបស់យើង តែនៅខំប្រព្រឹត្តដោយគ្មានក្រែងចិត្តអ្នកដទៃ។
តួរយ៉ាង កាលពីថ្ងៃទី៣០ ខែតុលា ឆ្នាំ២០២២ ម្សិលមិញនេះ តារាចម្រៀងស្រី ពេជ្រ សោភា បានសម្ដែងការហួសចិត្តយ៉ាងខ្លាំង ក្រោយមានបុរសម្នាក់ប្រើប្រាស់គណនីហ្វេសប៊ុកឈ្មោះ « Mao Dalen» បានចូលទៅខមិនក្រោមផុសរបស់អ្នកនាង ដោយចោទសួរប្រើប្រាស់ពាក្យសម្ដីមិនសមរម្យ ជាលក្ខណៈឌឺដង យ៉ាងដូច្នេះថា «ប្ដីប៉ុន្មានហើយចែភា»។
សំណួរមួយនេះ បើប្រើសម្រាប់មនុស្សជិតដិតស្គាល់ចិត្តថ្លើមគ្នាច្បាស់លាស់ គឺមិនត្រូវបានគេប្រកាន់ខឹងឡើយ តែបញ្ជាក់ពាក្យមួយឃ្លានេះគឺអសីលធម៌ មិនសមរម្យ និងជាទង្វើមួយបង្ហាញពីអត្តចរិតមិនល្អរបស់អ្នក។ សម្រាប់ពាក្យមួយឃ្លានេះ «ប្ដីប៉ុន្មានហើយចែភា» គឺមិនគួរយកមកនិយាយឡើយ ព្រោះជាគំរូមិនល្អ ហើយការលើកយកមកនិយាយដោយចេតនាតែម្ដង។
ទន្ទឹមនឹងនេះ ក្រោយឃើញនៅពាក្យសម្ដីចោទសួរមិនសមរម្យ គ្មានសីលធម៌ដូច្នេះភ្លាម ទប់ចិត្តមិនជាប់ តារាចម្រៀងស្រី ពេជ្រ សោភា ឆ្លើយតបនៅក្រោមខមិនយ៉ាងចាក់ដោតឥតសំចៃមាត់ថា «បងថាមើលប៉ុន្មាន រាប់តិចមើលសុំច្បាស់ៗ។ មនុស្សប្រុសខ្លះ គ្មានកំណើតមើលងា.យតែមនុស្សស្រី។ បើប្រពន្ធបង មានប្រុសរាប់មិនអស់ ចាប់ប្រពន្ធបងនៅលើគ្រែ បងថាមើលបងគិតមិច មុននឹងសួរពាក្យនេះមក ជួបខ្ញុំមាត់វែងជាងផ្លូវលឺគេថា ថាដែរ»។
យ៉ាងណាមិញ ឆ្លើយតបក្នុងខមិនមិនអស់ចិត្ត តារាចម្រៀងស្រីជួរមុខរូបនេះ បានថតចម្លងពីហ្វេសប៊ុកផេកឈ្មោះ SP Pich Sophea រួចយកមកផុសលើបណ្ដាញសង្គមផ្ទាល់ខ្លួនឈ្មោះ ពេជ្រ សោភា ភ្ជាប់ជាមួយសំណេរយ៉ាងដូច្នេះថា «ខ្ញុំចង់អោយបងក្លាយជាមនុស្សប្រុសល្អ បងជាប្រុសមុននិយាយត្រូវគិតចិត្តគេ នឹងចិត្តម្តាយបងជាស្រីផង (គួរចេះអោយតម្លៃខ្លួនឯងដែលនាមជាប្រុស កុំខូចឈ្មោះគេជាប្រុសល្អ )»។
តារាចម្រៀងស្រីរូបនេះបានបន្តថា «សុំលេខបងមួយមក តេសួរម៉ង បើបងជាប្រុសពិត ហើយបងច្បាស់ណាស់ ចឹងមកនិយាយគ្នា ពាក្យថាប្តីម៉ាន ហើយនេះដូចធ្ងន់ដែរ ខ្ញុំចង់សួរបងថា តំណពូជគ្រួសារបងធ្លាប់មានការលែងលះទេបង?»។
ដោយឡែក ក្រោយឃើញការបង្ហោះ និងសួររកលេងទូរស័ព្ទបុរសខាងលើ ពីសំណាក់តារាស្រីរូបនេះភ្លាម មហាជនអ្នកគាំទ្រ ក៏ដូចជាអ្នកប្រើប្រាស់បណ្ដាញសង្គមបានបង្ហាញលេខទូរស័ព្ទបុគ្គលនោះជូនតារាចម្រៀងស្រី ពេជ្រ សោភា ភ្លាមៗ ខណៈតារាស្រីរូបនេះឆ្លើយតបថា នឹងធ្វើការបើកឡាយ រួចតេទៅដើម្បីចង់ដឹងសុខទុក្ខ។
សូមបញ្ជាក់ថា យើងមិនទាន់ដឹងនៅឡើយទេថា តើតារាចម្រៀងស្រី ពេជ្រ សោភា នឹងមានវិធានការអ្វីចំពោះបុរសដែលប្រើប្រាស់បណ្ដាញសង្គមឈ្មោះ « Mao Dalen»? ព្រោះមិនទាន់មានការឆ្លើយតបត្រឡប់មកវិញឡើយ ដូច្នេះមានតែរង់ចាំមើលបន្តទៀតទាំងអស់គ្នា៕
ចែករំលែកព័តមាននេះ