ADផ្ទាំងផ្សព្វផ្សាយពាណិជ្ជកម្ម

Picture

បង្ក្រាប​បទល្មើស​នេសាទ​តាម​ព្រែក បឹងបួរ ជាប់​ដង​ទន្លេមេគង្គ រឹបអូស​វត្ថុ​តាង​ជា​ច្រើន​(​វី​ដេ​អូ​)

4 ខែ មុន
  • កំពង់ចាម

ប្រតិបត្តិការ​ចុះ​បង្ក្រាប​បទល្មើស​នេសាទ ក្នុង​រដូវ​បិទ ដោយ​ធ្វើ​ឡើង​តាម​បទបញ្ជា​របស់​លោក​ឧត្តមសេនីយ៍ត្រី ម៉ុ​ន មាគ៌ា ស្នងការ​នគរបាល​ខេត្ត ដោយ​បាន​ចាត់​ឱ្យ​មន្ត្រី​ក្រោម​ឱវាទ​ជា​ច្រើន​នាក់ រួម​សហការ​ជាមួយ

ខេត្ត​ត្បូងឃ្មុំ ៖ ប្រតិបត្តិការ​ចុះ​បង្ក្រាប​បទល្មើស​នេសាទ ក្នុង​រដូវ​បិទ ដោយ​ធ្វើ​ឡើង​តាម​បទបញ្ជា​របស់​លោក​ឧត្តមសេនីយ៍ត្រី ម៉ុ​ន មាគ៌ា ស្នងការ​នគរបាល​ខេត្ត ដោយ​បាន​ចាត់​ឱ្យ​មន្ត្រី​ក្រោម​ឱវាទ​ជា​ច្រើន​នាក់ រួម​សហការ​ជាមួយ​អាជ្ញាធរ​ដែនដី បង្ក្រាប​បទល្មើស​នេសាទ​តាម​ព្រែក បឹងបួរ នៅ​ភូមិសាស្ត្រ​មួយ​ចំនួន​ជាប់​ដង​ទន្លេមេគង្គ ស្ថិត​ក្នុងស្រុក​ត្បូងឃ្មុំ និង​ក្រូចឆ្មារ ដោយ​រឹបអូស​បាន​វត្ថុ​តាង​បទល្មើស​ជា​ច្រើន​ផង​ដែរ​។

Picture

នាយការិយាល័យ​ប្រឆាំង​បទល្មើស​សេដ្ឋកិច្ច​ខេត្ត លោក​វរសេនីយ៍ឯក ឈាង ជ័រ បាន​ឲ្យ​ដឹង​នា​ព្រឹក​ថ្ងៃ​ទី​១៨ ខែកញ្ញា ឆ្នាំ​២០២២ នេះ​ថា ក្នុង​រយៈពេល​មួ​យស​ប្តា​ហ៍ គឺ​កម្លាំង​នគរបាល​បាន​ចុះ​ប្រតិបត្តិការ​បង្ក្រាប​បទល្មើស​នេសាទ ពិសេស​គឺ​ប្រជាពលរដ្ឋ​ខិលខូច​មួយ​ចំនួន​ដែល​បាន​ប្រើ​ឧបករណ៍​ខុសច្បាប់ ដើម្បី​ចាប់​យក​ត្រី​តូច​ធំ​នៅ​តាម​ព្រែក ដើម្បី​ចាប់​យក​ត្រី​ដោយ​បំពាន​និង​ច្បាប់​ជលផល ដែល​ហាមឃាត់​មិន​ឲ្យ​ប្រើ​ស្បៃ​មុង ដើម្បី​ចាប់​យក​ត្រី​នោះ​ទេ​។ ស្រប​ពេល​ដែល​កម្លាំង​សមត្ថកិច្ច​ជា​ច្រើន​នាក់​ចុះ​ទៅ​បង្ក្រាប​នោះ ធ្វើ​ឲ្យ​ក្រុម​មនុស្ស​ខិលខូច​ដែល​ប្រើ​ឧបករណ៍​នេសាទ​ខុសច្បាប់​បាន​នាំ​គ្នា​គេចខ្លួន​បាត់​អស់​។

Picture

នាយការិយាល័យ​ប្រឆាំង​បទល្មើស​សេដ្ឋកិច្ច​ខេត្ត​ត្បូងឃ្មុំ បន្ត​ឱ្យ​ដឹង​ទៀត​ថា ជាក់ស្ដែង​នៅ​ថ្ងៃ​ទី​១៧ ខែកញ្ញា​នេះ រូប​លោក​បាន​ចុះ​ដឹកនាំ​កម្លាំង​ដោយ​ផ្ទាល់ បង្ក្រាប​ទ​ល្មើស​នេសាទ ដោយ​មាននៅ​ទីតាំង ក្នុង​នោះ​ដូច​ជា ៖

Picture

១- ចាប់ពី​ចំណុច​បឹង​សាង រហូត​ដល់​ចំណុច​ហូរ​អន្ទង ស្រុក​ត្បូងឃ្មុំ បាន​សហការ​ជាមួយ​កម្លាំង​អធិ​ការ​ស្រុក​ត្បូងឃ្មុំ ចុះ​បង្ក្រាប​បទល្មើស​ជលផល លប​ស្បៃ​ម៉ុង​ខុសច្បាប់ ជា​លទ្ធផល​បង្ក្រាប​បាន លប​ស្បៃ​ម៉ុង​ចំនួន​២៤​ម៉ាត់ ដែល​ប្រវែង​៦២០​ម៉ែត្រ​, បង្គោល​ឬ​ស្សី​១៨០​បង្គោល និង​បាន​ព្រ​លែង​កូន​ត្រី​ចូល​ក្នុង​បឹង​វិញ​ចំនួន​១២០​គីឡូ​។

Picture

២- កម្លាំង​ការិយាល័យ​សេដ្ឋកិច្ច​បាន​សហការ​ជាមួយ​ក្រុម​អភិរក្ស​ជលផល​ខេត្ត នៅ​ចំណុច​ខ្ពប ក្នុង​ឃុំ​ស្វាយ​ឃ្លាំង ស្រុក​ក្រូចឆ្មារ ជា​លទ្ធផល​បង្ក្រាប​បាន លប​ស្បៃ​មុង​ចំនួន​០៥​ម៉ាត់​, របាំង​ស្បៃ​ប្រវែង​២៥០​មែ​ត្រ​, បង្គោល​ចម្រឹង​ចំនួន​៧៨​ដើម និង​ចាក់​លែង​កូន​ត្រី​ចូល​បឹង​វិញ​ចំនួន​៤៥​គីឡូក្រាម​។

Picture

ហើយ​ចំពោះ​វត្ថុ​តាង និង​សម្ភារៈ​ផ្សេង​ៗ​ដូច​ជា ស្បៃ​ម៉​ង បង្គោល​ឬ​ស្សី​ត្រូវ​បាន​ដុត​កម្ទេច និង​កា​.​ប់​បំផ្លាញ​ចោល​នៅ​នឹង​កន្លែង​តែ​ម្តង​។ សូម​បញ្ជាក់​ថា ប្រតិបត្តិការ​ចុះ​បង្ក្រាប​នេះ ក៏​មានការ​ចង្អុលបង្ហាញ​ពី​សំណាក់​លោក​ឧត្តមសេនីយ៍ត្រី គង់ វិចិត្រ ទទួល​ផែន​ប្រឆាំង​បទល្មើស​សេដ្ឋកិច្ច​ខេត្ត​ផង​ដែរ​។

Picture

នាយការិយាល័យ​ប្រឆាំង​បទល្មើស​សេដ្ឋកិច្ច​ខេត្ត បាន​បញ្ជាក់​ទៀត​ថា ដោយ​អនុវត្ត​តាម​ការ​ណែនាំ​ពី​លោក​ឧត្តមសេនីយ៍ ស្នងការ​នគរបាល​ខេត្ត រូប​លោក​នឹង​បន្ត​ដឹកនាំ​កម្លាំង​មន្ត្រី​ចុះ​បង្ក្រាប​បទល្មើស​នេសាទ​បន្ត​ទៀត​នៅ​ថ្ងៃ​ទី​១៩ ខែកញ្ញា​នេះ​។

Picture

សូម​បញ្ជាក់​ថា នៅ​ក្នុងភូមិ​សាស្ត្រ​ព្រែក​ពាមជីលាំង នា​ពេល​កន្លង​ទៅ ក៏​ធ្លាប់​ត្រូវ​បាន​កម្លាំង​សមត្ថកិច្ច​ចុះ​បង្ក្រាប​បទល្មើស​នេសាទ​ជា​លក្ខណៈ​ទ្រង់ទ្រាយ​ធំ​កាលពី​ប៉ុន្មាន​ឆ្នាំ​មុន​ផង​ដែរ​។

Picture
Picture
Picture
Picture
SEA Game 2023

ព្រឹត្តិការណ៍ស៊ីហ្គេម លើកទី៣២

SEA Game 2023