ដល់.ក! ល្បួងនាងទៅចំការដំឡូងរបស់ខ្លួនរហូតបាន៩ដង ដោយយករបស់ម្យ៉ាងជាថ្នូរ
- ព្រះវិហារ
បុរសម្នាក់បានល្បួងក្មេងស្រីដែលជាអនីតិជនអាយុ១២ឆ្នាំ នាំយកទៅរំលោ.ភសេពសន្ថវៈហត្ថបានចំនួន៩ដងត្រូវអស់លក្ខណ៍ ហើយត្រូវបែកការណ៍
ខេត្តព្រះវិហារ ៖ បើតាមសេចក្តីរាយការណ៍បានឱ្យដឹងថា បុរសម្នាក់បានល្បួងក្មេងស្រីដែលជាអនីតិជនអាយុ១២ឆ្នាំ នាំយកទៅរំលោ.ភសេពសន្ថវៈហត្ថបានចំនួន៩ដងត្រូវអស់លក្ខណ៍ ហើយត្រូវបែកការណ៍ជាប់ខ្នោះសមត្ថកិច្ចនគរបាលស្រុកជ័យសែន ខេត្តព្រះវិហារ។
នេះបើតាមលោកវរសេនីយ៍ឯក រិទ្ធ សូណា អធិការដ្ឋាននគរបាលស្រុកជ័យសែន បានអោយដឹងថា ក្រោយពេលទទួលបានពាក្យបណ្តឹងពីឪពុកម្តាយជនរងគ្រោះ ពាក់ព័ន្ធនឹងអំពើលួងលោមរំលោ.ភសេពសន្ថវៈទៅលើក្មេងស្រីរងគ្រោះ ស្ថិតនៅចំណុចឃុំពុទ្រា ស្រុកជ័យសែន ខេត្តព្រះវិហារ ភ្លាមនោះ អធិការដ្ឋាននគរបាលស្រុកជ័យសែន ក៏បានបើកការស៊ើបអង្កេតភ្លាមៗ។ លុះនៅថ្ងៃទី៣០ ខែសីហា ឆ្នាំ២០២២ សមត្ថកិច្ចក៏បានចុះទៅនាំខ្លួនជនសង្ស័យឈ្មោះ ហង្ស ផល្លា ភេទប្រុស អាយុ៤០ឆ្នាំ រស់នៅភូមិវាលបរ ឃុំពុទ្រា ស្រុកជយ័សែន ខេត្តព្រះវិហារ យកមកកាន់ អធិការដ្ឋាននគរបាលស្រុកជ័យសែន ដើម្បីសួរនាំតែម្តង។
លោកអធិការបន្តថា ក្រោយការសួរនាំអស់ជាច្រើនម៉ោង ទើបជនសង្ស័យព្រមសារភាពប្រាប់សមត្ថកិច្ចថា រូបគេពិតជាបានលួងលោមក្មេងស្រីរងគ្រោះ ដើម្បីរំលោ.ភពិតប្រាកដមែន ដោយសន្យាអោយលុយជនរងគ្រោះ ហើយរូបគេក៏បានលួងលោមជនរងគ្រោះរំលោ.ភតាំងពីអំឡុងខែកក្កដា ឆ្នាំ២០២២មកម្ល៉េះ រហូតមកដល់ថ្ងៃបែកការណ៍នេះ គឺរូបគេបានរំលោ.ភចំនួន៩ដងមកហើយ ។
លោកអធិការបន្តទៀតថា ចំណែកក្មេងស្រីរងគ្រោះអាយុ១២ឆ្នាំក៏បានប្រាបេ់សមត្ថកិច្ចឱ្យដឹងដែរថា រូបនាងត្រូវបានជនសង្ស័យលួងលោមយកទៅរំលោ.ភបានចំនួន៩ដងនៅចំណុចចំការដំឡូងរបស់ជនសង្ស័យ។
បច្ចុប្បន្ននេះ ជនសង្ស័យត្រូវបានអធិការស្រុកជ័យសែន បញ្ជូនបន្តមកការិយាល័យប្រឆាំងការជួញដូរមនុស្ស និងការពារអនីតិជន នៃស្នងការនគរបាលខេត្ត ដើម្បីចាត់ការទៅតាមនីតិវិធីនៅថ្ងៃទី៣១ ខែសីហា ឆ្នាំ២០២២នេះ។
ចែករំលែកព័តមាននេះ