ពេលនេះ ការខិតខំប្រឹងប្រែងលើផ្នែកវិស័យបវរកញ្ញាកម្ពុជា ដែលមានអ្នករៀបចំផ្សេងពីគ្នា ក្នុងគោលបំណងអោយរីកចម្រើន ឃើញថា
រាជធានីភ្នំពេញ ៖ ពេលនេះ ការខិតខំប្រឹងប្រែងលើផ្នែកវិស័យបវរកញ្ញាកម្ពុជា ដែលមានអ្នករៀបចំផ្សេងពីគ្នា ក្នុងគោលបំណងអោយរីកចម្រើន ឃើញថា បានដល់គោលដៅមួយល្អប្រសើរហើយ។ ប្រការនេះ ក្រៅពីជួយលើកទឹកចិត្ត បេក្ខភាព ក៏ធ្វើអោយអ្នកគ្រប់គ្រងស្ថាប័នបវរកញ្ញានីមួយៗ ប្រឹងបន្ថែមស្វែងរកនារីវ៉ៃឆ្លាតរលកថ្មីៗបន្តទៀត។
យ៉ាងណា យើងអបអរសាទរទៅកាន់កញ្ញា Pich Mainavyta ជាបវរកញ្ញាកម្ពុជា ដំបូងគេបំផុតដែលបានឈ្នះមកុដអន្ដរជាតិនៅក្នុងកម្មវិធី Miss & Mister Petite Global 2022 នៅប្រទេស Malaysia ទើបបិទបញ្ចប់កាលពីយប់ថ្ងៃទី៦ ខែសីហា ឆ្នាំ២០២២ មុននេះ។ ពេលនេះ កម្ពុជាយើងមានអ្នកអាចបំបែកប្រវត្ដិសាស្ដ្រនៅក្នុងកម្មវិធីបវរកញ្ញាហើយ។ នាង គឺជាស្ដ្រីដំបូងគេបង្អស់ពីកម្ពុជា ដែលអាចដណ្ដើមកុដពីឆាកអន្តរជាតិបាន។
ស្រីស្អាត សារី ស្រីពេជ្រ ដែលមានអាយុ២១ឆ្នាំ ជានារីដ៏ស្រស់ស្អាត និងមានចំណេះដឹងខ្ពស់ ទាំងការនិយាយស្ដី ទាំងអាកប្បកិរិយាសមសួនជានារីខ្មែរ និងស័ក្ដិសមសួននឹងកិត្តិនាមជាម្ចាស់ក្សត្រីនៃចក្រវាលនេះបំផុត។
ជាថ្មីម្ដងទៀត! អបអរសាទរទៅកាន់កញ្ញា Pich Official ដែលជាបវរកញ្ញាកម្ពុជាដំបូងគេបំផុតដែលបានឈ្នះមកុដអន្ដរជាតិនៅក្នុងកម្មវិធី Miss & Mister Petite Global 2022 នៅក្នុងប្រទេស Malaysia។ លើសពីទៀត ជាភ័ព្ទសំណាង យើងក៏អបអសាទរ ខ្មែរ ដែលឈុតតំណាងជាតិចូល ToP5 ទាំង2 Miss & Mister Petite Global គ្រង់ឈុតដោយ Pich Mainavyta & លោក ចាន់ មុនីសិទ្ឋច្នៃម៉ូដដោយ លោកលី ភក្ត្រារដ្ឋហ្វុង ។ កាន់តែកក្រើកទៀត វិញ្ញាសាផ្នែកបុរសយើង ក៏ជាប់បានលេខ២ ខណៈហ្វីលីពីនលេខ១។
ចាត់ថា កម្ពុជា មានគុណសម្បត្តិធនធាន ពេញលេញលើផ្នែកប្រកួតកញ្ញាឯក បុរសឯក ដោយភាពក្លាហាន និងចំណេះដឹង។ យើងបានវិវត្តន៍ខ្លួនពីមួយឆ្នាំទៅមួយឆ្នាំ ដោយការបរាជ័យពីមុនៗ ជាមេរៀនបទពិសោធន៍ រៀនសូត្រ ឆ្ពោះមកម្តងហើយម្តងទៀត ដើម្បីប្រជែងស្នាដៃ។ ទាំងនេះជាការចូលរួមគាំទ្រពីមហាជន ហ្វេនៗមួយផ្នែកដែរ បើអត់មានការគាំទ្រ ក៏អ្នករៀបចំពិបាករំលេចឡើង។
ជាក់ស្តែង វិស័យបវរកញ្ញានៅក្នុងប្រទេសយើងពេលនេះ ស្ទើរតែគ្រប់ផ្នែកប្រដេញការទាក់ទាញ មានយុវវ័យច្រើនលើសលុប តាមដានផ្ទាល់ ឯខ្លះទៀតតាមដានក្នុងបណ្តាញសង្គម វែកញែកគ្នា។ ជាថ្មីម្តងទៀត ទស្សនិកជន នៅតែមានមោទនភាពដល់ស្រីស្អាតម្ចាស់មកុដ និងបុរសឯក ដែលតស៊ូនាំកម្ពុជាអោយគេស្គាល់លើឆាកអន្តរជាតិ។ ជាពិសេសអាចធ្វើអោយគេឃើញយើងឡើងមកឈរកាន់ដៃតំណែងសំខាន់ហើយស្រែកថា «អបអរកម្ពុជា Winner» ។ តាមរយៈចំណាត់ថ្នាក់ល្អមួយនេះ និងរុញអោយប្អូនៗជំនាន់ក្រោយ ខិតខំរៀបចំបុគ្គលិក លក្ខណៈអោយល្អ ប្រសិនបើមានទឹកចិត្តចង់ចូលរួមប្រកួតផ្នែកណាមួយលើ វិស័យបវរកញ្ញា ឬបុរសឯក។
ចែករំលែកព័តមាននេះ