ADផ្ទាំងផ្សព្វផ្សាយពាណិជ្ជកម្ម

Picture

WHO ណែនាំ​បុរស​រួម​ភេ.ទ​ជាមួយ​បុរស​ឱ្យ​កាត់​បន្ថយ​ដៃគូ ដើម្បី​ទប់ស្កាត់​ជំងឺ​អុត​ស្វា

2 អាទិត្យ មុន

ស្វី​ស ៖ អង្គការ​សុខភាព​ពិភពលោក (WHO) បាន​ផ្តល់​ការ​ណែនាំ​ដល់​បុរស​ដែល​រួម​ភេ.ទ​ជាមួយ​បុរស


ស្វី​ស ៖ អង្គការ​សុខភាព​ពិភពលោក (WHO) បាន​ផ្តល់​ការ​ណែនាំ​ដល់​បុរស​ដែល​រួម​ភេ.ទ​ជាមួយ​បុរស គួរ​កាត់​បន្ថយ​ដៃគូ​រួម​ភេ.ទ ដើម្បី​ចូលរួម​ទប់ស្កាត់​ករណី​ឆ្លង​រីក​រាលដាល​នៃ​ជំងឺ​អត​ស្វា (Monkeypox)​។ នេះ​បើ​យោង​តាម​ប្រភព​ពី CNN ចេញផ្សាយ​កាលពី​ថ្ងៃ​ទី​២៨ ខែកក្កដា ឆ្នាំ​២០២២​។

យោង​តាម​ប្រភព​ពី WHO បាន​បង្ហាញ​ថា ភាគច្រើន​នៅ​ក្នុង​ករណី​ផ្ទុះ​ឡើង​នៃ​ជំងឺ​អុត​ស្វា គឺ​ស្ថិត​ក្នុង​ចំណោម​បុរស​រួម​ភេ.ទ​ជាមួយ​បុរស​។ លោក Tedros Adhanom Ghebreyesus ប្រធាន WHO កាលពី​ថ្ងៃ​ទី​២៨ ខែកក្កដា កន្លង​ទៅ បាន​ណែនាំ​សមាជិក​នៃ​សហគមន៍​បុរស​រួម​ភេ.ទ​ជាមួយ​បុរស ដើម្បី​កំណត់​ការ​ប៉ះពាល់​នឹង​វីរុស ដោយ​កាត់​បន្ថយ​ដៃគូ​រួម​ភេ.ទ​របស់​ពួក​គេ និង​ពិចារណា​ឡើង​វិញ​អំពី​ការ​រួម​ភេ.ទ​ជាមួយ​ដៃគូ​ថ្មី​។

ជំងឺ​អុត​ស្វា គឺជា​ការ​រាតត្បាត​ដែល​អាច​បញ្ឈប់​បាន ប្រសិនបើ​ប្រទេស សហគមន៍ និង​បុគ្គល​នានា​ជូនដំណឹង​អំពី​អាកា​រៈ​របស់​ពួក​គេ និង​ចាត់វិធានការ​ចាំបាច់​ដើម្បី​បញ្ឈប់​ការ​ចម្លង និង​ការពារ​ក្រុម​ដែល​ងាយ​រង​គ្រោះ​។ បើ​ទោះបីជា​ការ​ណែនាំ​ត្រូវ​បាន​ធ្វើ​សម្រាប់​បុរស​រួម​ភេ.ទ​ជាមួយ​បុរស​យ៉ាងណា​ក្តី ប៉ុន្តែ​លោក Tedros ក៏​បាន​ដាស់តឿន​ដល់​បណ្តា​ប្រទេស​នានា​ឱ្យ​ការពារ​សិទ្ធិ​មនុស្ស​ផង​ដែរ​។

ត្រង់​ចំណុច​នេះ លោក​បាន​និយាយ​ថា ការ​មាក់ងាយ និង​ការ​រើសអើ.ង​អាច​មាន​គ្រោះថ្នាក់​ដូច​មេរោគ​ណាមួយ​ដែរ​។ Monkeypox មិន​ត្រូវ​បាន​គេ​ចាត់ទុកជា​ជំងឺ​កាមរោគ​នោះ​ទេ​។ ប៉ុន្តែ​មនុស្ស​ភាគច្រើន​ដែល​បាន​ឆ្លង​នៅ​សហរដ្ឋអាមេរិក​ថ្មី​ៗ​នេះ បាន​រាយការណ៍​អំពី​កម្រិត​នៃ​សកម្មភាព​ផ្លូវភេ.ទ​។

លោក​វេជ្ជបណ្ឌិត Demetre Daskalakis មន្ត្រី​មជ្ឈមណ្ឌល​គ្រប់គ្រង និង​ការពារ​ជំងឺ​របស់​អា​មេ​រិ​ក ដែល​ធ្វើការ​លើ​ការ​ឆ្លើយ​តប​នឹង​ជំងឺ​អុត​ស្វា​បាន​ប្រាប់ CNN ថា សកម្មភាព​នោះ​អាច​រួម​បញ្ចូល​ទាំង​ការ​ប៉ះទង្គិច​គ្នា និង​ការ​រួម​ភេ.ទ​តាម​មាត់ (Oral Sex) ផង​ដែរ ។ មេរោគ​នេះ​រីក​រាលដាល​ជា​ចម្បង តាម​រយៈ​ការ​ប៉ះ​ស្បែក​នឹង​ស្បែក​។ ប៉ុន្តែ​វា​ក៏​អាច​ឆ្លង​តាម​រយៈ​ការ​ប៉ះ​វត្ថុ​ផ្សេង​ៗ​ដូច​ជា​ក្រដាស ឬ​កន្សែង ដែល​ត្រូវ​បាន​ប្រើ​ដោយ​អ្នកមាន​ជំងឺ​អុត​ស្វា​។ ហើយ​ក៏​ដូច​ជាតា​មរយៈ​ទំនាក់ទំនង​ជិត​ស្និទ្ធ​ដូច​ជា​ការ​ថើប​ជាដើម​៕

Picture
Picture
Picture
Picture
Picture
Picture
Picture