អតីតតារាចម្រៀង Rock ម៉ូលីកា នឹងធ្វើពិធីឡើងផ្ទះវីឡាថ្មី ផ្គួបជាមួយខួបកំណើតកូនស្រីសំណព្វចិត្តរបស់នាង ដោយត្រៀមរួចជាស្រេចក្នុងការរៀបចំកម្មវិធីខាងលើនេះ ដែល
រាជធានីភ្នំពេញ ៖ អតីតតារាចម្រៀង Rock ម៉ូលីកា នឹងធ្វើពិធីឡើងផ្ទះវីឡាថ្មី ផ្គួបជាមួយខួបកំណើតកូនស្រីសំណព្វចិត្តរបស់នាង ដោយត្រៀមរួចជាស្រេចក្នុងការរៀបចំកម្មវិធីខាងលើនេះ ដែលរៀបចំពិធីជប់លៀងធំដល់ទៅ១០០តុឯណោះ នៅថ្ងៃទី៧ ខែកក្កដា ឆ្នាំ២០២២ ខាងមុខនេះ។
តាមការបង្ហើបរបស់ ម៉ូលីកា ភ្ញៀវដែលនាងបានអញ្ជើញនោះមាន លោកជំទាវ ហ៊ុន ស៊ីណាត និងតារាធ្លាប់រួមអាជីព ព្រមទាំងអ្នកលក់ Online រួមទាំងដៃគូសហការរកស៊ីជាមួយ។ ប៉ុន្ដែការត្រៀមចំណាយលុយអស់ប៉ុន្មាននោះ មិនត្រូវបាន ម៉ូលីកា ប្រាប់ជាមុនឡើយ ដោយនាងថានឹងរៀបចំកម្មវិធីនោះទៅតាមសភាពជាក់ស្ដែង។
លើសពីនេះ នាងបានទិញរថយន្ដ១គ្រឿងដ៏ថ្មីសន្លាង ម៉ាក Jaguar ជាកាដូឲ្យកូនស្រីនាងឈ្មោះ នុណ ច័ន្ទម៉ូនីតា សម្រាប់ខួបគម្រប់២ឆ្នាំនេះ។ នេះជាការបន្ថែមរថយន្ដទំនើប១គ្រឿង ផ្សេងទៀត ខណៈដែលកន្លងមក គេឃើញ ម៉ូលីកា ជិះរថយន្ដម៉ាកទំនើបៗដូចជា Ford Raptor, Range Rover និង Alphard ។
គួរឱ្យកត់សម្គាល់ថា ម៉ូលីកា បានដឹកដៃតារាសម្ដែងលោក ហុង មានុណ ហៅឆានុន រៀបការកាលពីថ្ងៃទី១៨ ខែមករា ឆ្នាំ២០២០ និងបានសម្រាលកូនស្រី នៅថ្ងៃទី៥ ខែកក្កដា ឆ្នាំ២០២០។ ដោយសារតែមានការមមាញឹកក្នុងអាជីវកម្មផ្ទាល់ខ្លួន ម៉ូលីកា បានផ្អាកឡើងច្រៀងសម្ដែងតាមបណ្ដាឆាកតន្ដ្រីទាំងឡាយរយៈពេលជាច្រើនខែមកហើយ ខណៈដែលស្វាមីរបស់នាង លោក ឆា នុណ វិញ ក៏មិនសូវមានពេលថតភាពយន្ដដូចមុនទៀតដែរ។
ចែករំលែកព័តមាននេះ