រាជធានីភ្នំពេញ ៖ ករណីអគ្គិភ័យឆាបឆេះឃ្លាំងអេតចាយមួយកន្លែង នៅវេលាម៉ោង១១ព្រឹកថ្ងៃទី១៨ ខែឧសភា ឆ្នាំ២០២២ ស្ថិតនៅចំណុចផ្លូវបេតុង ផ្ទះលេខ១៦បេ ភូមិស្លែងរលីង ក្រុម៣ សង្កាត់អូរបែកក្អម ខណ្ឌសែនសុខ ។
មូលហេតុ នៃអគ្គិភ័យនេះ បណ្តាលមកពីការឆ្លងចរន្តអគ្គិសនី ឆាបឆេះទីតាំងឃ្លាំងអេតចាយជាប្រភេទសំណង់ ដែកប្រក់ស័ង្កសី ដែលមានទំហំ (១៣ម៉ែត្រ គុណ ២៥ម៉ែត្រ) របស់ឈ្មោះ ចិន ចំរ៉ុង ភេទប្រុស អាយុ៣៤ឆ្នាំ ។
អគ្គិភ័យខាងលើនេះបណ្តាលឲ្យខូចខាតបន្ទប់ស្នាក់នៅចំនួន៣បន្ទប់ ទំហំ ៣ម៉ែត្រ គុណ ៦ម៉ែត្រ, ឆេះក្រដាសឡាំង និងសម្ភារប្រើប្រាស់មួយចំនួន ហើយមិនបានឆេះរាលដាលដល់ផ្ទះអ្នកជិតខាង និងមិនមានមនុស្សរងរបួសឡើយ ។
កងកម្លាំងអន្តរាគមន៍បង្ការពន្លត់អគ្គិភ័យ និងសង្គ្រោះបានប្រើប្រាស់រថយន្តការិយាល័យអគ្គិភ័យ ចំនួន០៨ គ្រឿង ប្រើប្រាស់ទឹកអស់ ០៨រថយន្ត ស្មើរនឹង ៣២ម៉ែត្រគូប ។ គ្រោះអគ្គិភ័យនេះត្រូវបាញ់ទឹកពន្លត់ទាំងស្រុង នៅវេលាម៉ោង ១១និង៥៥នាទីនាថ្ងៃខែឆ្នាំដដែល ៕
ចែករំលែកព័តមាននេះ