ខេត្តកោះកុង ៖ កម្លាំងនគរបាលព្រហ្មទណ្ឌខេត្ត បានចាប់ឃាត់ខ្លួនស្ត្រីម្នាក់ កាលពីវេលាម៉ោង១៥និង៥០នាទី ថ្ងៃទី១២ ខែឧសភា ឆ្នាំ២០២២ នៅត្រង់ចំណុចភូមិស្រែអំបិល ស្រុកស្រែអំបិល ខេត្តកោះកុង ។
ស្ត្រីដែលជាប់ចោទថា រំលោភលើសេចក្ដីទុកចិត្ត មានឈ្មោះ លីន គីមលៀន អាយុ ៣០ឆ្នាំ ជនជាតិខ្មែរ មានទីលំនៅបច្ចុប្បន្ននៅភូមិឃុំខាងលើ ។
ម្ចាស់ដើមបណ្ដឹងមានឈ្មោះ ហែម សុវត្ថិ ភេទប្រុស អាយុ ៤០ឆ្នាំ ជនជាតិខ្មែរ មានមុខរបរសព្វថ្ងៃអ្នកជំនួញមានទីលំនៅបច្ចុប្បន្ន ផ្ទះលេខ 49FD ផ្លូវសុធារស សង្កាត់ទន្លេបាសាក់ ខណ្ឌចំការមនរាជធានីភ្នំពេញ ។
ដើមបណ្ដឹងបានប្ដឹងស្ត្រីឈ្មោះ លីន គីមលៀន ថាបានជំពាក់លុយរបស់គាត់ ចំនួន ១៩ម៉ឺន៥ពាន់ដុល្លារអាមេរិក និងប្រេងចំនួន ១,៧៦១,៥៦៦លីត្រ កាលពីថ្ងៃទី១២ ខែមីនា ឆ្នាំ២០២២ កន្លងទៅ ។
បច្ចុប្បន្ន ស្ត្រីសង្ស័យរូបនេះ ត្រូវបានឃាត់ខ្លួននៅអធិការរដ្ឋាននគរបាលស្រុកស្រែអំបិល ដើម្បីសួរយកចម្លើយនិងកសាងសំណុំរឿងតាមនីតិវិធី ៕
ចែករំលែកព័តមាននេះ