អតីតតារាចម្រៀងក្នុងផលិតកម្មហង្សមាស លោក សាពូន មីដាដា បានបង្ហោះសារជាលើកដំបូងរបស់លោកពាក់ព័ន្ធទៅនឹងបញ្ហាគ្រួសារ ខណៈពេលអតីតភរិយាអ្នកនាង សឿ សុធារ៉ា បានប្រកាសជាសាធារណៈពីការលែងលះ។ លោក សាពូន មីមីដា បានបង្ហាញ
រាជធានីភ្នំពេញ ៖ អតីតតារាចម្រៀងក្នុងផលិតកម្មហង្សមាស លោក សាពូន មីដាដា បានបង្ហោះសារជាលើកដំបូងរបស់លោកពាក់ព័ន្ធទៅនឹងបញ្ហាគ្រួសារ ខណៈពេលអតីតភរិយាអ្នកនាង សឿ សុធារ៉ា បានប្រកាសជាសាធារណៈពីការលែងលះ។ លោក សាពូន មីមីដា បានបង្ហាញបំណងដ៏សំខាន់មួយសម្រាប់កូនរបស់លោក ដោយនៅក្នុងនោះលោកចង់ឃើញកូនៗរបស់លោកប្រឡូកក្នុងវិស័យសិល្បៈបន្តពីរូបលោកផងដែរ។
ម្ចាស់បទ «និយមន័យស្នេហ៍» លោក សាពូន មីដាដា បានបង្ហោះសារតាមគណនេយ្យហ្វេសប៊ុករបស់លោកថា «ឪ ចូលនិវត្តន៍ហើយ ប្រហែលជាទៅបួសរហូតនៅឯពុទ្ធគាយា (កន្លែងព្រះពុទ្ធត្រាស់ដឹង ព្រំប្រទល់ប្រទេសឥណ្ឌា-នេប៉ាល់ ) ឯណោះ កូនស្រីត្រូវបន្តវេនបម្រើសិល្បៈទី៧ របស់ជាតិយើងណាកូនមាសឪពុក» ។
តាមរយៈសារដែលដែលលោក សាពូន មីដាដា បានបង្ហោះខាងលើនេះ គេឃើញមានមហាជនមួយចំនួនសម្តែងការគាំទ្រ ខណៈពេលទស្សនិកជនគាំទ្ររបស់លោកជាច្រើនក៏នៅតែទន្ទឹងរង់ចាំចង់ឃើញលោកចេញបទចម្រៀងថ្មីបន្ថែមទៀត។
ជាការកត់សម្គាល់ បន្ទាប់ពីសាងគ្រួសារជាមួយអតីតភរិយា គឺតារាសម្តែងអ្នកនាង សឿ សុធារ៉ា នោះមក លោក សាពូន មីដាដា បានសម្រេចចាក់ឆ្ងាយពីអាជីពចម្រៀងរបស់លោក ដែលគិតមកទល់នាពេលនេះ គឺអស់រយៈពេលជាច្រើនឆ្នាំមកហើយ។ អ្វីដែលធ្វើអោយមហាជនភ្ញាក់ផ្អើលយ៉ាងខ្លាំងនោះ ក្នុងពេលដែលអ្នកនាង សឿ សុធារ៉ា បានប្រកាសជាសាធារណៈពីការចែកផ្លូវជាមួយលោក សាពូន មីដាដា ដោយអ្នកទាំងពីរមិនដែលបានទម្លាយពីរឿងរ៉ាវដែលបានកើតឡើងក្នុងគ្រួសារផងនោះ។
ការប្រកាសលែងលះចែកផ្លូវគ្នា ត្រូវបានអ្នកនាង សឿ សុធារ៉ា ធ្លាប់បានអះអាងប្រាប់កោះសន្តិភាពតាមសារអេឡិចត្រូនិចថា «អ្វីដែលនាងបានប្រកាសតាមហ្វេសប៊ុកនោះ គឺជាការពិត»។ យ៉ាងណាអ្នកនាង សឿ សុធារ៉ា បានបដិសេធមិនធ្វើការអធិប្បាយណាមួយជុំវិញរឿងរ៉ាវនានា ដែលនាំអោយចំណងអាពាហ៍ពិពាហ៍របស់នាងឈានដល់ផ្លូវបំបែកនោះឡើយ។
កន្លងមកទស្សនិកជន ក៏បានដាក់ការសង្ស័យផងដែរថា ចំណងស្នេហ៍ជាប្តីប្រពន្ធរវាងលោក សាពូន និងអ្នកនាង សឿ សុធារ៉ា ទំនងជាមានបញ្ហា ឬចែកផ្លូវគ្នាហើយ បន្ទាប់ពីគេឃើញអ្នកនាង សឿ សុធារ៉ា បានសម្រេចវិលមករកការសម្តែងជាថ្មីឡើងវិញ។ យ៉ាងណាបញ្ហានេះ ទាំងលោក សាពូន មីដាដា និងអ្នកនាង សឿ សុធារ៉ា ហាក់រក្សាភាពស្ងប់ស្ងាត់មិនទម្លាយរឿងនេះអោយមហាជនដឹងនោះឡើយ។
ទោះជាយ៉ាងណា ពាក្យចាស់ពោលថា «ដំរីស្លា.ប់មិនអាចយកចង្អេរមកបាំងជិតនោះឡើយ» នៅទីបំផុតអ្នកនាង សឿ សុធារ៉ា ក៏បានដាច់ចិត្តប្រកាសជាសាធារណៈពីស្នេហាបែបបាក់របស់នាង។ អ្នកនាង សឿ សុធារ៉ា បានបង្ហោះសារតាមគណនេយ្យហ្វេសប៊ុកខ្លួនថា «Goodbye for 15years a go, and I’ll never come back to u សូមបង មេត្តារក្សាសំដីជាកូនប្រុសដើមទ្រូងប្រាំហាត់ថា «ប្រគល់កូនៗអូន» ទាំងពីរមកអោយអូនមើលថែរក្សា»។
ដោយឡែកពាក់ព័ន្ធកូនស្រីរបស់អ្នកទាំងពីរវិញ រហូតមកទល់ពេលនេះ សាពូន ដារ៉ាពិមាន កំពុងតែចម្រើនវ័យធំធាត់ជាមួយនឹងរូបសម្រស់កាន់តែស្រស់ស្អាតដូចទៅនឹងអ្នកនាង សឿ សុធារ៉ា ផងដែរ។ បំណងរបស់លោក សាពូន មីដាដា ដែលចង់អោយកូនស្រីបន្តសិល្បៈនោះទំនងជាអាចសម្រេច ដោយសារបច្ចុប្បន្នអ្នកនាង សឿ សុធារ៉ា កំពុងតែអោយកូនស្រីឈានជើងចូលរួមការសម្តែងជាបណ្តើរហើយដែរ៕
ចែករំលែកព័តមាននេះ