តារាសម្តែង និងជាពិធីករនៅស្ថានីយទូរទស្សន៍ CTN លោកខេង រតនៈ ហៅនាយព្រែក បានភ្ជាប់ពាក្យហើយ កាលពីព្រឹកថ្ងៃទី0៥ កញ្ញា ២០១៦ នៅទឹកដីខេត្តកំពង់ចាម ដែលគូដណ្តឹងរបស់នាយកំពុងរស់នៅទីនោះ ។
តារាសម្តែង និងជាពិធីករនៅស្ថានីយទូរទស្សន៍ CTN លោកខេង រតនៈ ហៅនាយព្រែក បានភ្ជាប់ពាក្យហើយ កាលពីព្រឹកថ្ងៃទី0៥ កញ្ញា ២០១៦ នៅទឹកដីខេត្តកំពង់ចាម ដែលគូដណ្តឹងរបស់នាយកំពុងរស់នៅទីនោះ ។
ពីធីភ្ជាប់ពាក្យរបស់នាយព្រែក ធ្វើឡើងតែមួយព្រឹកប៉ុណ្ណោះ ដោយនៅក្នុងនោះ មានពិធីតាមបែបប្រពៃណីមួយចំនួន ដូចជាការហែជំនួន និងពិធីបំពាក់ចិញ្ចៀន ។
នាងលាភ ដែលបានអមដំណើរជាមួយនាយក្រឹម ក៏បានចូលរួមក្នុងពីធីភ្ជាប់ពាក្យនាយព្រែក ដោយយបានអះអាងប្រាប់កោះសន្តិភាពថា ពិធីភ្ជាប់ពាក្យនេះ ធ្វើឡើងនៅទីរួមខេត្តកំពង់ចាមតែម្តង ខណៈដែលកូនស្រី គឺជាកូនអ្នករកស៊ីធំម្នាក់ផងដែរ នៅក្នុងខេត្តនេះ ។
បើតាមអ្នកនាងលាភ ឱ្យដឹងទៀតថា ខាងកូនស្រីបានបង្គាប់ថ្លៃបណ្ណាការប្រមាណជាង១ម៉ឺនដុល្លារ ខណៈដែលពិធីមង្គលការរបស់អ្នកទាំងពីរ នឹងកើតមាននៅឆ្នាំក្រោយ ដោយអាស្រ័យលើការពិភាក្សាគ្នា រវាងឪពុកម្តាយទាំងសងខាង។ នាងបន្ថែមថា កូនស្រីមានឈ្មោះជា ស្រីតី អាយុប្រមាណ២០ឆ្នាំ មិនមែនជាអ្នកសិល្បៈឡើយ ពោលគឺជាកូនអ្នករកស៊ីមួយរូប នៅក្នុងខេត្តកំពង់ចាម ហើយចំណងស្នេហ៍របស់ពួកគេទាំងពីរ បានកើតឡើងប្រមាណជាជាង១ឆ្នាំមកនោះ ។
យ៉ាងណា ក៏អ្នកនាងលាភ មិនទាន់អាចហ៊ានអះអាងបាននៅឡើយទេថា មង្គលរបស់នាយព្រែក អាចនឹងធ្វើឡើងនៅខេត្ត កំពង់ចាម ឬនៅរាជធានីភ្នំពេញ ប៉ុន្តែតាមការដឹង ភាគីខាងស្រីមានបំណងរៀបចំនៅខេត្តកំពង់ចាមជាង ព្រោះនៅទីនោះ គេមានសាច់ ញាតិច្រើន ចំណែកការកាត់ចំណងដៃនៅភ្នំពេញ គឺអាស្រ័យខាងកូនប្រុស។
ដោយឡែក ពាក់ព័ន្ធអាជីពសិល្បៈក្រោយមង្គលការរបស់នាយ ព្រែក ត្រូវបានអ្នកនាងលាភ អះអាងថា ការងារសិល្បៈទំនងជាមិនប៉ះពាល់ដល់ជីវិតជាប្តី-ប្រពន្ធរបស់នាយព្រែកឡើយ ។ បើទោះបីជាម្តាយឪពុកខាងស្រី ជាអ្នករកស៊ីក៏ដោយ ។ អ្នកនាងបញ្ជាក់ថា បើតាមដឹងឪពុកម្តាយក្មេកនាយព្រែក មិនបានហាមឃាត់មិនឱ្យនាយប្រឡូកក្នុងសិល្បៈនេះទេ ព្រោះនេះ ក៏ជាមុខរបរមួយដែរ គ្រាន់តែទំនេរពីសិល្បៈ គឺត្រូវឆ្លៀតមកធ្វើការរកស៊ីខ្លះនោះជាការស្រេច ។
ជាការកត់សម្គាល់មុននឹងឈានដល់ពិធីភ្ជាប់ពាក្យនេះលោក ខេង រតនៈ ហៅនាយ ព្រែក ដែលគេស្គាល់ថា ជាកូនប្រុសបង្កើតរបស់យាយ យ៉យ ធ្លាប់បានបង្ហាញរូបភាពផ្អែមល្ហែមជាមួយគូដណ្តឹងរបស់ខ្លួនជាញឹកញាប់តាមបណ្តាញហ្វេសប៊ុក។
ទំនាក់ទំនងស្នេហា រវាងកំលោះសង្ហារសប្បុរស្រអែម រូបនេះជាមួយនឹងក្រមុំរូបស្រស់សោភាបានធ្វើអោយមហាជនជាច្រើន មានការស្ញប់ស្ញែង ខណៈនាយព្រែក ធ្លាប់បានធ្វើឲ្យមានការភ្ញាក់ផ្អើលក្នុងពិធី ខួបកំណើតគូដណ្តឹងរបស់ខ្លួនដល់ផ្ទះថែមទៀតផង។
ខេង រតនៈ ហៅ នាយ ព្រែក បានចូលសិល្បៈតាំងពីអាយុ១២ឆ្នាំមកម្ល៉េះ។ មានបទចម្រៀងជាច្រើនដែលនាយព្រែក បានសម្តែងតាំងពីនៅកុមារភាពដូចជាបទ “ភ្លេចសន្យាសាយ័ណ្ណ” និង “ម្អមស្រែ” ជាដើម។ជាពិសេសទៀតនោះ គឺរូបគេបានចូលរួមសម្ដែងភាពយន្តខ្នាតធំរឿង “នេសាទក្រពើ” ជាមួយលោក ព្រាប សុវត្ថិ ស៊ឹម សូលីកា និងលោក ញ៉ែម សុគន្ធ ទៀតផង៕
ចែករំលែកព័តមាននេះ