រកឃើញកប៉ាល់អាយុកាលជាង១០០ឆ្នាំ លិចនៅបាតសមុទ្រជាង៣គីឡូម៉ែត្រ
កប៉ាល់ឈ្មោះ Endurance ដែលជារបស់អ្នករុករកតំបន់អង់តាក់ទិកឈ្មោះ Sir Ernest Shackleton ត្រូវបានរកឃើញ
សមុទ្រអង់តាក់ទិក ៖ ក្រុមអ្នកវិទ្យាសាស្ត្របានរកឃើញ និងថតកប៉ាល់ដ៏ធំអស្ចារ្យមួយគ្រឿងលិចនៅក្រោមបាតសមុទ្រ ដែលវាមានអាយុកាល១០៧ឆ្នាំ។
កប៉ាល់ឈ្មោះ Endurance ដែលជារបស់អ្នករុករកតំបន់អង់តាក់ទិកឈ្មោះ Sir Ernest Shackleton ត្រូវបានរកឃើញកាលពីចុងសប្តាហ៍កន្លងទៅនេះនៅបាតសមុទ្រជម្រៅ ៣.០០៨ម៉ែត្រក្នុងសមុទ្រ Weddell។
កប៉ាល់ឈើនេះបានបុ.កទឹកកសមុទ្រ និងបានលិចនៅក្នុងឆ្នាំ ១៩១៥ បណ្តាលឲ្យលោក Sir Ernest Shackleton និងនាវិករបស់គាត់ត្រូវភៀសខ្លនចេញតាមទូកតូចៗ។ វីដេអូដែលថតបានបង្ហាញថា កប៉ាល់ Endurance នៅមានសភាពល្អគួរឲ្យកត់សម្គាល់។
ទោះបីវាស្ថិតនៅបាតសមុទ្រជម្រៅជាង ៣គីឡូម៉ែត្រអស់រយៈពេលជាងមួយទសវត្សរ៍ក្តី វាមើលទៅហាក់ដូចជាទើបនឹងលិចកាលពីខែវិច្ឆការ។
ឈើនៃកប៉ាល់នៅជាប់គ្នាល្អ ហើយឈ្មោះ Endurance នៅមើលឃើញយ៉ាងច្បាស់នៅលើកប៉ាល់។
លោក Mensun Bound អ្នកស្រាវជ្រាវបុរាណវិទ្យាសមុទ្រនិយាយថា «វាគឺជាកប៉ាល់ឈើដ៏ល្អបំផុតដែលខ្ញុំមិនធ្លាប់ឃើញ។ វានៅឈរត្រង់នៅបាតសមុទ្រ និងមានសភាដើមដ៏អស្ចារ្យ»។
គម្រោងស្វែងរកកប៉ាល់ដែលបាត់ត្រូវបានបង្កើតឡើងដោយក្រុមហ៊ុន Falklands Maritime Heritage Trust (FMHT) ដោយប្រើប្រាសនាវាបំបែកទឹកកកអាហ្វ្រិចខាងត្បូងឈ្មោះ Agulhas II និងបំពាក់ដោយឧបករណ៍ក្រោមទឹកដំណើរការដោយការបញ្ជាពីចំងាយ។
ប្រធានបេសកកម្មលោកវេជ្ជបណ្ឌិត John Shears ដែលជាអ្នកភូមិសាស្ត្រតំបន់ប៉ូល បានហៅការរកឃើញនោះជាការសមិទ្ធិផលដ៏មិនគួរឲ្យជឿ៕ (យោងតាមប្រភព៖ BBC)
ចែករំលែកព័តមាននេះ