ADផ្ទាំងផ្សព្វផ្សាយពាណិជ្ជកម្ម

Picture

ការសិក្សា៖ “អូមីក្រុង BA.2 អាចបង្ករោគសញ្ញាធ្ងន់ធ្ងរជាងអូមីក្រុងធម្មតា”

5 ខែ មុន

អ្នកវិទ្យាសាស្ត្របានរកឃើញភ័ស្តុតាងថ្មីដែលថា កូវីដអូមីក្រុងប្រភេទថ្មី BA.2 អាចធ្ងន់ធ្ងរជាងរាល់ដង បើប្រៀបធៀបទៅនឹងប្រភេទមុនៗ រួមទាំងប្រភេទអូមីក្រុងដំបូងផងដែរ។ ការសិក្សានៅក្នុងមន្ទីរពិសោធន៍​នៃប្រទេសជប៉ុនបានរកឃើញថា កូវីដអូមីក្រុងប្រភេទ BA.2 មានលក្ខណៈពិសេសមួយចំនួន…

អ្នកវិទ្យាសាស្ត្របានរកឃើញភ័ស្តុតាងថ្មីដែលថា កូវីដអូមីក្រុងប្រភេទថ្មី BA.2 អាចធ្ងន់ធ្ងរជាងរាល់ដង បើប្រៀបធៀបទៅនឹងប្រភេទមុនៗ រួមទាំងប្រភេទអូមីក្រុងដំបូងផងដែរ។ ការសិក្សានៅក្នុងមន្ទីរពិសោធន៍​នៃប្រទេសជប៉ុនបានរកឃើញថា កូវីដអូមីក្រុងប្រភេទ BA.2 មានលក្ខណៈពិសេសមួយចំនួន ដែលអាចធ្វើឱ្យវាមានសមត្ថភាពបង្កឱ្យមានរោគសញ្ញាធ្ងន់ធ្ងរនៃកូវីដ១៩ ក្នុងកម្រិតមួយដែលលើកូវីដប្រភេទមុនៗ។

ការស្រាវជ្រាវដែលបានបោះពុម្ពមុនការពិនិត្យឡើងវិញ លើ bioRxiv បានរកឃើញថា កូវីដអូមីក្រុង BA.2 អាចគេចផុតនឹងវ៉ាក់សាំងការពារកូវីដ និងការព្យាបាលមួយចំនួនដូចជាការចាក់អង់ទីករការពារពីអ្នកមានការការពារស្រាប់ក៏ដោយ។

Picture

វេជ្ជបណ្ឌិត Daniel Rhoads ប្រធានផ្នែកមីក្រូជីវសាស្ត្រនៅ Cleveland Clinic ក្នុងរដ្ឋ Ohio បាននិយាយថា៖ “តាមទស្សនៈរបស់មនុស្ស វាអាចជាមេរោគអាក្រក់ជាង BA.1 ហើយអាចចម្លងបានប្រសើរជាងមុន និង បង្កឱ្យមានរោគសញ្ញាកាន់តែអាក្រក់។”

លោក Kei Sato អ្នកស្រាវជ្រាវនៅសាកលវិទ្យាល័យតូក្យូ ដែលដឹកនាំការសិក្សាបានប្រាប់ CNN ថា នេះបង្ហាញថា កូវីដប្រភេទ BA.2 គួរតែត្រូវបានចាត់ទុកថាជាប្រភេទកូវីដដូចទៅនឹងអូមីក្រុងធម្មតា ល្អជាងការរកឈ្មោះផ្សេងទៀតមកដាក់ឱ្យវា។

លោក Deborah Fuller អ្នកជំនាញខាងមេរោគនៅសាកលវិទ្យាល័យ Washington School of Medicine យោងតាម ​​CNN បាននិយាយថា៖ “វាហាក់បីដូចជាត្រូវឱ្យយើងស្វែងរកឈ្មោះផ្សេងទៀតមកដាក់ឱ្យវាអ៊ីចឹង ព្រោះវាមានការចម្លងខ្លាំងជាងមុន។”

គួរបញ្ជាក់ផងដែរថា កូវីដអូមីក្រុងប្រភេទ BA.2 ត្រូវបានរីករាលដាលចាប់តាំងពីខែកុម្ភៈ ដោយជំនួសបន្តិចម្តងៗនូវប្រភេទដើមនៃអូមីក្រុងដំបូង ដែលជាប្រភេទកូវីដលេចធ្លោក្នុងពិភពលោក ដូចតាមការចុះផ្សាយពីមុនៗ៕