ទោះកូវីដ ក្នុងឆ្នាំ២០២១ ក្រសួងរៀបចំដែនដី នគរូបនីយកម្ម និងសំណង់ ប្រមូលចំណូលបានជាង ១១៦លានដុល្លារ
- ភ្នំពេញ
ភ្នំពេញ៖ ក្រសួងរៀបចំដែនដី នគរូបនីយកម្ម និងសំណង់ បានប្រកាសថា ក្រសួងបានប្រមូលចំណូលចូលថវិកាជាតិ សរុបចំនួន ៤៧២ ២៧៥ ៩៨០…
ភ្នំពេញ៖ ក្រសួងរៀបចំដែនដី នគរូបនីយកម្ម និងសំណង់ បានប្រកាសថា ក្រសួងបានប្រមូលចំណូលចូលថវិកាជាតិ សរុបចំនួន ៤៧២ ២៧៥ ៩៨០ ០៥៨រៀល សើ្មនឹងប្រមាណ ១១៦ ០៨១ ១០៥ដុល្លារ ដោយគិតទាំងពន្ធប្រថាប់ត្រា លើការផ្ទេរអចលនទ្រព្យ។ តែចំណូលនៅឆ្នាំ២០២១ បានថយចុះ ១,៥៧% បើធៀបនឹងឆ្នាំ២០២០។
ក្រសួងរៀបចំដែនដី នគរូបនីយកម្ម និងសំណង់ បានប្រកាសថា ចំណូលជាង ១១៦លានដុល្លារ នៅឆ្នាំ២០២១ បានមកពី៖
១-ចំណូលរបស់រដ្ឋបាលកណ្តាល ចំនួន ១៣ ៦០៣ ២២៩ ៨០១រៀល ស្មើប្រមាណ ៣ ៣៤៣ ៥៤៩ដុល្លារ។ ក្នុងនោះ រួមមាន៖ សេវាសំណង់ទូទៅ ចំនួន ១១ ៥២២ ៧១៣ ៣២៥រៀល សេវាសំណង់លើសសន្ទស្សន៍ ចំនួន ២ ០៥០ ០០០ ០០០រៀល សេវាព័ត៌មានសុរិយោដីតាមប្រព័ន្ធអេឡិចត្រូនិក ចំនួន ៧ ៩៧១ ៨០០រៀល និងចំណូលពីការជួលអចលនវត្ថុ ចំនួន ២២ ៥៤៤ ៦៧៦រៀល។
២-ចំណូលរបស់មន្ទីររៀបចំដែនដី នគរូបនីយកម្ម និងសំណង់ រាជធានីខេត្ត ចំនួន ៤៥៨ ៦៧២ ៧៥០ ២៥៧រៀល ស្មើប្រមាណ ១១២ ៧៣៧ ៥៥៥ដុល្លារ ដោយរួមមាន៖ សេវាសុរិយោដី ចំនួន ៦០ ៤៧៦ ៦៩៣ ៦៤២រៀល (លក្ខណៈជាប្រព័ន្ធ ចំនួន ១៣ ៥៩៦ ៤៦៨ ៥៤២រៀល និងលក្ខណៈដាច់ដោយដុំ ចំនួន ៤៦ ៨៨០ ២២៥ ១០០រៀល) សេវាសំណង់ទូទៅ ចំនួន ៣២ ៤៥០ ១៦៥ ៥០០រៀល និងពន្ធប្រថាប់ត្រា (អគ្គនាយកដ្ឋានពន្ធដារ) ចំនួន ៣៦៥ ៧៤៥ ៨៩១ ១១៥រៀល៕
ចែករំលែកព័តមាននេះ