ខេត្តបន្ទាយមានជ័យ ៖ អគ្គីភ័យបានឆាបឆេះផ្ទះ៣ខ្នងឈើលើ ថ្មក្រោម បណ្តាលខូចខាតទ្រព្យសម្បត្តិមានមាសជាង១០តម្លឹងនិងប្រាក់ដុល្លាជាង១០ម៉ឺនដុល្លារ ដែលកើតឡើង នៅវេលាម៉ោង៣និង៣០នាទីល្ងាច ថ្ងៃទី២៥ ខែមករានេះ នៅស្ថិតភូមិឈូក ឃុំម្កាក់ ក្រុងសិរីសោភ័ណ ។
នៅពេលអគ្គីភ័យឆាបឆេះ ដែលកំពុងចុះអន្តរាគមន៍ឃើញវត្តមានឯកឧត្តម អ៊ុ រាត្រី អភិបាលខេត្តបន្ទាយមានជ័យ និងលោក ហ៊ឹល រ៉ាយ៉ា អភិបាលក្រុងសិរីសោភ័ណ បានកំពុងដឹកអន្តរាគមន៍បាញ់ពន្លត់ផងដែរ ។
លោកវរៈសេនីយ៍ឯក ស៊ី ឌី អធិការនគរបាលក្រុងសិរីសោភ័ណបានប្រាប់ថា ៖ ម្ចាស់ផ្ទះដែលត្រូវអគ្គីភ័យឆាបឆេះផ្ទះ៣ខ្នង មាន១.ឈ្មោះ វុនអួន ភេទប្រុស អាយុ៧៤ឆ្នាំ ២.ឈ្មោះ មិច ប៉ា ភេទប្រុសអាយុ៥៤ឆ្នាំ ៣.ឈ្មោះ ឃ្លឿម ទូច ភេទស្រី អាយុ៥២ឆ្នាំ(ស្ត្រីមេម៉ាយ) រស់នៅភូមិកើតហេតុខាងលើ ។
លោកបានបញ្ជាក់ថា ៖ នៅពេលអគ្គីភ័យកើតឡើង គឺឆាបឆេះចេញពីឈ្មោះ មិច ប៉ា ដែលបណ្តាលមកពីផ្ទុះសេខ្សែ បណ្តាលឆាបឆេះរាលដាល បណ្តាលឆេះផ្ទះអ្នកជិតខាងអស់ចំនួន៣ខ្នង ហើយត្រូវបានកម្លាំងនគរបាល និងកងកម្លាំងយោធា កម្លាំងកងរាជអាវុធហត្ថ ជាច្រើននាក់ បានចុះអន្តរាគមន៍ និងរថយន្តពន្លត់អគ្គីភ័យចំនួន៣គ្រឿង ដែលប្រើប្រាស់ទឹកអស់៤ឡាន បានបាញ់ពន្លត់មិនបណ្តាលរាលដាលបន្តឆេះផ្ទះអ្នកជិតខាងបន្តទៀត ។
លោកវរៈសេនីយ៍ឯក ស៊ី ឌី បានបញ្ជាក់ថា ៖ អគ្គីភ័យដែលកើតឡើង បណ្តាលខូចខាតផ្ទះចំនួន៣ខ្នង និងទ្រព្យសម្បត្តិអស់ទាំងស្រុង ម្ចាស់ផ្ទះ១.ឈ្មោះ មិច ប៉ា ឆាបឆេះដំបូងផ្ទះឈើលើ ថ្មក្រោម មានទំហំ៨ម៉ែត្រX៧ម៉ែត្រ ឆេះមាសអស់ជាង១០តម្លឹង ប្រាក់ដុល្លារ៧៨.០០០ដុល្លា ប្រាក់ថៃ៧០០.០០០បាត ប្រាក់ខ្មែរ២០.០០០.០០០រៀល និងសម្ភារៈអស់ទាំងស្រុង ២.ឈ្មោះ វុន អួន ឆេះផ្ទះឈើលើ ថ្មក្រោម ទំហំ៨ម៉ែត្រX៧ម៉ែត្រ និងឆេះមាស៩ជី ផ្លាកទីន៥ជី ប្រាក់ថៃ២.៥០០បាត ប្រាក់ខ្មែរ៨០០.០០០រៀល ៣.ឈ្មោះ ឃ្លឿម ទូច ឆេះផ្ទះឈើលើ ថ្មក្រោម ទំហំ៧ម៉ែត្រX៦ម៉ែត្រដែលឆេះជញ្ជាំងមួយចំហៀងខាងកើត និងកង្ហា១គ្រឿង ៕
ចែករំលែកព័តមាននេះ