អ្នកជំងឺម្នាក់ត្រូវគេបដិសេធមិនប្តូរបេះដូងឱ្យ ដោយសារមូលហេតុសំខាន់មួយ
អាមេរិក ៖ អ្នកជំងឺម្នាក់នៅក្នុងទីក្រុង Boston សហរដ្ឋអាមេរិក ត្រូវគេបដិសេធធ្វើការវះកាត់ប្តូរបេះដូងឲ្យ ដោយសារគាត់មិន
អាមេរិក ៖ អ្នកជំងឺម្នាក់នៅក្នុងទីក្រុង Boston សហរដ្ឋអាមេរិក ត្រូវគេបដិសេធធ្វើការវះកាត់ប្តូរបេះដូងឲ្យ ដោយសារគាត់មិន
អាមេរិក ៖ អ្នកជំងឺម្នាក់នៅក្នុងទីក្រុង Boston សហរដ្ឋអាមេរិក ត្រូវគេបដិសេធធ្វើការវះកាត់ប្តូរបេះដូងឲ្យ ដោយសារគាត់មិនបានចាក់វ៉ាក់សាំងកូវីដ ១៩។
លោក DJ Ferguson វ័យ ៣១ឆ្នាំ បានសម្រាក់ក្នុងមន្ទីរពេទ្យចាប់ពីខែវិច្ឆិកាមក ដោយសារមានបញ្ហាបេះដូងតំណពូជ ដែលធ្វើឲ្យបេះដូងរបស់គាត់មានឈាម និងសារធាតុរាវច្រើន។ នេះបើយោងតាមគេហទំព័រ GoFundMe ដែលត្រូវបានបង្កើតឡើងដើម្បីជួយដល់រូបលោក។
ទូរទស្សន៍ CBS Boston បានឲ្យដឹងថាគ្រួសាររបស់អ្នកជំងឺរូបនេះនិយាយថា គាត់មានឈ្មោះក្នុងបញ្ជីដើម្បីទទួលបានការវះកាត់ប្តូរបេះដូង ប៉ុន្តែក្រោយមក មិនមានឈ្មោះទៀតទេ ក្រោមគោលនយោបាយរបស់មន្ទីរពេទ្យ ដោយសារតែលោកមិនបានចាក់វ៉ាក់សាំងកូវីដ ១៩។
មន្ទីរពេទ្យស្ត្រី និង Brigham បានប្រាប់ CBS Bostonកាលពីថ្ងៃច័ន្ទ ទី២៤ មករា កន្លងទៅនេះថា «វ៉ាក់សាំងកូវីដ ១៩គឺជាការតម្រូវសម្រាប់បេក្ខជនធ្វើការវះកាត់នៅក្នុងប្រព័ន្ធមន្ទីរពេទ្យ ដើម្បីបង្កើតឲ្យមានឱកាសវះកាត់ជោគជ័យ និងការរស់រានមានជីវិតរបស់អ្នកជំងឺក្រោយពេលវះកាត់ប្តូរសេរីរាង្គរួច»។
មន្ទីរពេទ្យបញ្ជាក់ថា អ្នកជំងឺមិនមានឈ្មោះក្នុងបញ្ជីឈ្មោះរង់ចាំឡើយ ប្រសិនគ្មានការចាក់វ៉ាក់សាំង។ វាគឺជាតម្រូវការដើម្បីបង្កើនប្រសិទ្ធភាពនៃការរស់រានមានជីវិត ដោយសារតែប្រព័ន្ធការពាររាងកាយរងសម្ពាធខ្លាំងនៅពេលប្តូរសេរីរាង្គរួច។
ខាងមន្ទីរពេទ្យក៏បានថ្លែងប្រាប់សារព័ត៌មាន BBC ផងដែរថា «ដោយសារការខ្វះខាតសេរីរាង្គ យើងធ្វើអ្វីៗគ្រប់យ៉ាងដើម្បីធានាថា អ្នកជំងឺដែលទទួលការវះកាត់ប្តូរសេរីរាង្គរួចមានឱកាសរស់រានមានជីវិតខ្ពស់»។
មន្ទីរពេទ្យនិយាយក្នុងគេហទំព័ររបស់ខ្លួនថា ការស្រាវជ្រាវបានបង្ហាញថា អ្នកទទួលបានការវះកាត់ប្តូរសេរីរាង្គមានហានិភ័យខ្ពស់ចំពោះការស្លា.ប់ដោយសារកូវីដ ១៩ ធៀបទៅនឹងអ្នកជំងឺដែលមិនបានវះកាត់។
សូមបញ្ជាក់ថា មានអ្នកជំងឺជាង ១០០.០០០នាក់កំពុងស្ថិតក្នុងបញ្ជីឈ្មោះរងចាំប្តូរសេរីរាង្គ។ ពាក់កណ្តាលនៃពួកគេនឹងមិនទទួលបានការវះកាត់ប្តូរសេរីរាង្គឡើយក្នុងរយៈពេល ៥ឆ្នាំខាងមុខ ដោយសារតែការខ្វះខាតសេរីរាង្គ៕ (យោងតាមប្រភព៖ Channel News Asia)
ចែករំលែកព័តមាននេះ