មិនមែនមានតែសេចក្ដីសុខប៉ុណ្ណោះទេ ដែលធ្វើឱ្យយើងញញឹម ទទួលបានសេចក្តីសុខ សូម្បីតែសេចក្ដីទុក្ខដែលយើងខំប្រឹង អត់ធន់ ហើយបានឆ្លងផុតឆ្នាំចាស់ផ្លាស់ចូលមកដល់ឆ្នាំថ្មី២០២២នេះ ក៏បានធ្វើឱ្យយើងញញឹមសុខផងដែរ ថែមទាំងបានបង្រៀនយើងឱ្យយល់ដឹងអំពីសេចក្តីពិតនៃជីវិតទៀតផង ។
ហេតុនោះយើងត្រូវព្យាយាមនៅជាមួយនឹងខ្លួនឯងឱ្យបានល្អ ពោលគឺនៅជាមួយនឹងអ្វីដែលយើងមាន សមគួរដល់ការប្រើប្រាស់ សមគួរដល់ការចាយវាយ សមគួរដល់ការសន្សំ គុណបុណ្យ ភាវនា អប់រំចិត្តនៅក្នុងឆ្នាំថ្មីនេះបន្តទៀត ។
ព្រោះថា ជីវិតមនុស្សយើងមានតម្លៃណាស់ដែលបានកើតមកជាមនុស្សនេះ ដូច្នេះជីវិតនេះសមគួរនឹងបូជាបម្រើព្រះរតនត្រ័យ សមគួរនឹងបំពេញសេចក្តីល្អណាស់ ។ ហេតុនេះចូរកុំបណ្ដោយឱ្យចិត្តចេះតែកើតទុក្ខដោយសារអ្នកដទៃណាមួយ ឬកើតទុក្ខក្នុងរឿងអ្វីៗយូរពេក ឆាប់មានស្មារតី អាស្រ័យការពិចារណាហេតុផលតាមផ្លូវព្រះធម៌ ។
ធម៌មួយដែលប្រាប់ថា មហាកុសលដែលធំធេងបំផុត គឺការឱ្យអភ័យដល់អ្នកដទៃ ចូរព្យាយាមធ្វើរឿងដ៏អស្ចារ្យមួយនេះ ៕ សាន សារិន
ចែករំលែកព័តមាននេះ