ស្តាប់សម្តីឪពុកស្ទើរស្លុ.តចិត្ត កូនប្រុសសុំទៅខួបមិត្តភក្តិ បែរជាជួបគ្រោះស្មានមិនដល់
- ភ្នំពេញ
រាជធានីភ្នំពេញ ៖ យុវជនម្នាក់ទើបនឹងចេញពីកម្មវិធីខួបកំណើតមិត្តភក្ដិនៅក្លិបកំសាន្ត លុះជិះម៉ូតូត្រឡប់ទៅផ្ទះវិញ ក៏ជួបគ្រោះ
រាជធានីភ្នំពេញ ៖ យុវជនម្នាក់ទើបនឹងចេញពីកម្មវិធីខួបកំណើតមិត្តភក្ដិនៅក្លិបកំសាន្ត លុះជិះម៉ូតូត្រឡប់ទៅផ្ទះវិញ ក៏ជួបគ្រោះថ្នាក់រវាងរថយន្តមិនស្គាល់ម៉ាកមួយគ្រឿងបុ.កជាមួយម៉ូតូយុវជនរងគ្រោះយ៉ាងពេញទំហឹង បណ្តាលឲ្យស្លា.ប់ភ្លាមៗ កាលពីវេលាម៉ោង២និង១៥នាទីឈានចូលព្រឹកថ្ងៃទី២៦ ខែមករា ឆ្នាំ២០២២ នៅតាមបណ្ដោយផ្លូវ៣១៧ កែងផ្លូវ៥៩៦ សង្កាត់បឹងកក់២ ខណ្ឌទួលគោក រាជធានីភ្នំពេញ ។
យុវជនរងគ្រោះឈ្មោះ ឡាត់ វិសាល ភេទប្រុស អាយុ២០ឆ្នាំ មុខរបរសិស្ស ស្នាក់នៅភូមិដំណាក់ សង្កាត់គោកឃ្លាង ខណ្ឌសែនសុខ រាជធានីភ្នំពេញ ជិះម៉ូតូមួយគ្រឿងម៉ាក Zoomer X ពណ៌ទឹកក្រូច ពាក់ស្លាកលេខ ភ្នំពេញ1DF-4733 រងការខូចខាតមួយកំណាត់មុខ ។
តាមប្រភពពីសន្តិសុខយាមនៅខុនដូរជាប់កន្លែងកើតហេតុ បានប្រាប់អោយដឹងថា មុនពេលកើតហេតុ គាត់ឃើញបុរសរងគ្រោះខាងលើ ជិះម៉ូតូតាមបណ្ដោយផ្លូវ៣១៧ ក្នុងទិសដៅពីត្បូងទៅជើង ក្នុងល្បឿនលឿនល្មម លុះមកដល់ចំនុចកើតហេតុ ក៏បុ.កគ្នាជាមួយរថយន្តមួយគ្រឿងមិនចាំម៉ាក ពណ៌ខ្មៅ យ៉ាងពេញទំហឹង បណ្តាលឱ្យយុវជនជាអ្នកបើកបរម៉ូតូបែ.កក្បាល ស្លា.ប់ភ្លាមៗនៅនឹងកន្លែងកើតហេតុ ចំណែកម៉ូតូខូចខាតខ្ទេចមួយកំណាត់មុខ ។ បន្ទាប់ពីកើតហេតុ រថយន្ដមិនចាំម៉ាកនោះ បានបើកគេចខ្លួនបាត់ស្រមោល ។
តាមប្រភពពីឪពុកជនរងគ្រោះបានឱ្យដឹងថា មុនពេលកើតហេតុ កូនប្រុសរបស់គាត់ បានសុំគាត់ទៅខួបកំណើតមិត្តភក្ដិនៅក្លិបកម្សាន្តមួយកន្លែង នៅក្នុងរាជធានីភ្នំពេញ ស្រាប់តែត្រឡប់មកផ្ទះវិញ ក៏ជួបគ្រោះថ្នាក់រហូតបាត់បង់ជីវិតបែបនេះតែម្ដង ។
ក្រោយកើតហេតុ ស.ពរងគ្រោះត្រូវបានសាច់ញាតិយកទៅតម្កល់ធ្វើបុណ្យនៅផ្ទះឯភូមិដំណាក់ធំ សង្កាត់គោកឃ្លាង ខណ្ឌសែនសុខ តាមប្រពៃណី ។ ចំណែកម៉ូតូត្រូវបានសមត្ថកិច្ចវាស់វែងយកទៅរក្សាទុកបណ្តោះអាសន្ននៅការិយាល័យនគរបាលចរាចរណ៍ផ្លូវគោកនៃស្នងការដ្ឋាននគរបាលរាជធានីភ្នំពេញ ៕
ចែករំលែកព័តមាននេះ