ជនទាំងឡាយណាបានដល់នូវព្រះពុទ្ធជាទីពឹងទីរឭក ជនទាំងនោះនឹងមិនទៅកាន់អបាយភូមិឡើយ លុះលះបង់រាងកាយជារបស់មនុស្សហើយ នឹងបានទៅកាន់ទេវនិកាយ គឺខ្លួនប្រាណក្លាយជាទេវតាភ្លាម ។ សម័យមួយសក្កទេវរាជព្រមទាំងទេវតា៨ម៉ឺនអង្គចូលទៅរកព្រះមោគ្គលានដ៏មានអាយុ លុះចូលទៅដល់ ក៏ថ្វាយបង្គំព្រះមហាមោគ្គល្លានដ៏មានអាយុ ហើយឋិតនៅក្នុងទីដ៏សមគួរ…
ជនទាំងឡាយណាបានដល់នូវព្រះពុទ្ធជាទីពឹងទីរឭក ជនទាំងនោះនឹងមិនទៅកាន់អបាយភូមិឡើយ លុះលះបង់រាងកាយជារបស់មនុស្សហើយ នឹងបានទៅកាន់ទេវនិកាយ គឺខ្លួនប្រាណក្លាយជាទេវតាភ្លាម ។
សម័យមួយសក្កទេវរាជព្រមទាំងទេវតា៨ម៉ឺនអង្គចូលទៅរកព្រះមោគ្គលានដ៏មានអាយុ លុះចូលទៅដល់ ក៏ថ្វាយបង្គំព្រះមហាមោគ្គល្លានដ៏មានអាយុ ហើយឋិតនៅក្នុងទីដ៏សមគួរ ។
លំដាប់នោះព្រះមហាមោគ្គល្លានដ៏មានអាយុបានពោលដូច្នេះថា បពិត្រទេវរាជ ការដល់នូវព្រះពុទ្ធជាទីពឹងប្រពៃណាស់ ។ បពិត្រទេវរាជ ពួកសត្វខ្លះក្នុងលោកនេះ ព្រោះហេតុតែដល់នូវព្រះពុទ្ធជាទីពឹង លុះបែកធ្លាយរាងកាយស្លា.ប់ទៅតែងកើតក្នុងសុគតិសួគ៌ទេវលោកយ៉ាងនេះឯង សត្វទាំងនោះ រមែងបាននូវរបស់ជាទិព្វដទៃដោយឋាន:ទាំង១០យ៉ាងគឺៈ
គឺអាយុជាទិព្វ១ ពណ៌សម្បុរជាទិព្វ១ សេចក្តីសុខជាទិព្វ១ យសជាទិព្វ១ អធិបតីជាទិព្វ១ និង៥ទៀតគឺរូប សំឡេង ក្លិន រស សម្ផស្សជាទិព្វ ។
នេះជាសម្បត្តិរបស់ទេវតាដែលកើតព្រមដោយការគោរពបូជា យកព្រះពុទ្ធជាទីពឹងទីរឭកស្មើដោយជីវិត ៕ សាន សារិន
ចែករំលែកព័តមាននេះ