ADផ្ទាំងផ្សព្វផ្សាយពាណិជ្ជកម្ម

Picture

កត្តា​ដែល​​គ្រោះថ្នាក់​ចរាចរណ៍​នៅ​កម្ពុជា​ភាគច្រើន​ប្រើ​គ្រឿង​ស្រវឹង គ្រឿងញៀ.ន មិន​គោរ​ព​ច្បាប់ និង​ប្រើប្រាស់​ទូរស័ព្ទ​​កំពុង​បើកបរ

11 ខែ មុន
  • ភ្នំពេញ

រាជធានី​ភ្នំពេញ ៖ មន្ត្រីជាន់ខ្ពស់​របស់​កម្មវិធី​អភិវឌ្ឍន៍​សហប្រជាជាតិ (UNDP)​បាន​បញ្ជាក់​ថា កត្តា​គ្រោះថ្នាក់​ចរាចរណ៍​នៅ​កម្ពុជា​ភាគច្រើន​បណ្តាល​មក​ពី​ការ​ប្រើប្រាស់​គ្រឿង​ស្រវឹង ការ​ប្រើ​គ្រឿងញៀន ការ​មិន​គោរព​ច្បាប់ និង​ប្រើប្រាស់​ទូរស័ព្ទ​នៅ​ពេល​កំពុង​បើកបរ ។ ការ​បញ្ជាក់​នេះ​ខណៈ​ដែល​គណៈកម្មាធិការ​ជាតិ​សុវត្ថិភាព​ចរាចរណ៍​ផ្លូវគោក…

រាជធានី​ភ្នំពេញ ៖ មន្ត្រីជាន់ខ្ពស់​របស់​កម្មវិធី​អភិវឌ្ឍន៍​សហប្រជាជាតិ (UNDP)​បាន​បញ្ជាក់​ថា កត្តា​គ្រោះថ្នាក់​ចរាចរណ៍​នៅ​កម្ពុជា​ភាគច្រើន​បណ្តាល​មក​ពី​ការ​ប្រើប្រាស់​គ្រឿង​ស្រវឹង ការ​ប្រើ​គ្រឿងញៀន ការ​មិន​គោរព​ច្បាប់ និង​ប្រើប្រាស់​ទូរស័ព្ទ​នៅ​ពេល​កំពុង​បើកបរ ។

ការ​បញ្ជាក់​នេះ​ខណៈ​ដែល​គណៈកម្មាធិការ​ជាតិ​សុវត្ថិភាព​ចរាចរណ៍​ផ្លូវគោក និង​កម្មវិធី​អភិវឌ្ឍន៍​សហប្រជាជាតិ (UNDP) បាន​ប្រកាស​ផ្សព្វផ្សាយ​របាយការណ៍​ថ្មី​មួយ​ស្ដី​ពី​គ្រោះថ្នាក់​ចរាចរណ៍​ផ្លូវគោក នៅ​កម្ពុជា និង​ការ​ខាតបង់​សេដ្ឋកិច្ច​ដែល​បង្ក​ឡើង​ដោយសារ​គ្រោះថ្នាក់​ទាំងនេះ​ដោយ​ប្រើប្រាស់​ទិន្នន័យ​ឆ្នាំ​២០១៩ ដែល​បាន​ពី​ប្រព័ន្ធ​ព័ត៌មាន​ជន​រង​គ្រោះ និង​គ្រោះថ្នាក់​ចរាចរណ៍​នៅ​ថ្ងៃ​ទី​២៣ ខែមិថុនា ឆ្នាំ​២០២១ ។

Picture

លោក Nick Beresford នាយក UNDP ប្រចាំ​កម្ពុជា​បាន​លើក​ឡើង​ថា នេះ​ជា​លើក​ទី​១ ដែល​ការ​វិភាគ​ស៊ីជម្រៅ​បែប​នេះ ត្រូវ​បាន​ធ្វើ​ឡើង​ដោយ​ការ​ប្រើប្រាស់​ប្រព័ន្ធ​ទិន្នន័យ​គ្រោះថ្នាក់​ចរាចរណ៍​ផ្លូវគោក​ដែល​មាន​ទំហំ​ធំ​បែប​នេះ ហើយ​ការ​វិភាគ​នេះ​បាន​ផ្តល់​ឱ្យ​យើង​នូវ​ការ​យល់​ដឹង​ស៊ីជម្រៅ​ពាក់ព័ន្ធ​នឹង​ករណី​បាត់បង់​ជីវិត​នៅ​តាម​ដងផ្លូវ ។

លោក​បាន​គូសបញ្ជាក់​ថា «​វា​មិនមែន​ពាក់ព័ន្ធ​នឹង​ថា តើ​ជន​រង​គ្រោះជា​ជន​វ័យក្មេង ឬ​ជា​បុរស​នោះ​ឡើយ ប៉ុន្តែ​វា​ពាក់ព័ន្ធ​នឹង​ការ​ប្រើប្រាស់​គ្រឿង​ស្រវឹង គ្រឿងញៀន ការ​មិន​គោរព​ច្បាប់ ចរាចរណ៍ និង​ការ​ប្រើប្រាស់​ទូរស័ព្ទ​ពេល​បើកបរ ។ ជា​រួម​វា​ពាក់ព័ន្ធ​នឹង​ឥរិយាបថ​របស់​អ្នក​ដែល​ជា​កត្តា​កំណត់​ពី​ការ​បាត់​បង់ជីវិត​នៅ​ក្នុង​គ្រោះថ្នាក់​ចរាចរណ៍​»​។

Picture

លោក​ជំទាវ មឹន មាណវី រដ្ឋលេខាធិការ​ក្រសួង​សាធារណការ និង​ដឹក​ជញ្ជូន និង​ជា​អគ្គលេខាធិការ​នៃ​គណៈកម្មាធិការ​ជាតិ​សុវត្ថិភាព​ចរាចរណ៍​ផ្លូវគោក​បាន​លើក​ឡើង​ថា គណៈកម្មាធិការ​ជាតិ​សុវត្ថិភាព​ចរាចរណ៍​មាន​ជំនឿ​យ៉ាង​មុតមាំ​ថា ព័ត៌មាន​ផ្សេង​ៗ ក្នុង​របាយ ការណ៍ រួម​ជាមួយ​លទ្ធផល​នៃ​ការ​សិក្សា​អំពី​ការ​ខាតបង់​សេដ្ឋកិច្ច គឺជា​ធាតុ​ចូល​យ៉ាង​សំខាន់ សម្រាប់​ការ​ដាក់​ចេញ​នូវ​វិធានការ​ស័ក្តិសិទ្ធិ និង​តម្រង់​ទិស​គោលនយោបាយ​របស់​រដ្ឋ និង​របស់​អង្គការ​ជាតិ អន្តរជាតិ វិស័យ​ឯកជន ដែល​មាន​សមានចិត្ត​ក្នុង​ការ​ជួយ លើកកម្ពស់​សុវត្ថិភាព​ចរាចរណ៍​នៅ​កម្ពុជា កាន់តែ​មាន​មូលដ្ឋាន​រឹង​មាំ​បន្ថែម ដើម្បី​សហការ រួមចំណែក​ទប់ស្កាត់​កាត់​បន្ថយ​គ្រោះថ្នាក់​ចរាចរណ៍​ចំនួន​អ្នក​ស្លាប់ និង​អ្នក​របួស ។

Picture

យោង​តាម​របាយការណ៍​ស្តី​ពី​គ្រោះថ្នាក់​ចរាចរណ៍​នៅ​ក្នុង​ឆ្នាំ​២០១៩ នៅ​កម្ពុជា មានការ​រង​របួស​ជិត ១៣៧០០ ករណី និង​ការ​បាត់​បង់ជីវិត​ជាង ២ ០០០ ករណី​ដោយសារ​តែ​គ្រោះថ្នាក់​ចរាចរណ៍ ដោយ​ជា​មធ្យម​មាន​មនុស្ស ៤ ឬ​៥ នាក់​បាត់​បង់ជីវិត​រៀងរាល់ថ្ងៃ ។

កត្តា​នេះ​ធ្វើ​ឱ្យ​គ្រោះ ថ្នាក់​ចរាចរណ៍​ក្លាយជា​មូលហេតុ​នាំមុខ​គេ នៃ​ការ​បាត់​បង់ជីវិត និង​ការ​រង​របួស​នៅ​ក្នុង​ព្រះរាជាណាចក្រ​នេះ​។ ចំនួន​ករណី​បាត់បង់​ជីវិត​ដែល​បង្ក​ឡើង​ដោយសារ​គ្រោះ ថ្នាក់​ចរាចរណ៍​មានការ​កើនឡើង​ជិត ២៥​ភាគរយ នៅ​ក្នុង​រយៈពេល​១១ ឆ្នាំ​ចុង ក្រោយ​នេះ (២០០០-២០១៩) ពោល គឺ​ខ្ពស់​ជាង​អត្រា កំណើនប្រជាជន ដែល​ស្មើនឹង ១៧​ភាគរយ សម្រាប់​រយៈពេល​ដូច​គ្នា​។

របាយការណ៍​នេះ​បង្ហាញ​ថា អ្នក​បាត់បង់​ជីវិត ៣​ភាគ ៤ គឺជា​អ្នក​បើក​ទោចក្រយានយន្ត បន្ទាប់​មក​ថ្មើរជើង អ្នក​ប្រើប្រាស់​រថយន្ត​គ្រួសារ និង​អ្នក​ប្រើប្រាស់​យានយន្ត​ដឹក​ទំនិញ ។ ក្នុង​ចំណោម​យានយន្ត​ពាក់ព័ន្ធ​នឹង​គ្រោះថ្នាក់​ចរាចរណ៍​ទាំងអស់​ដែល​បាន​ចុះបញ្ជី​មាន​ជាង ៨០​ភាគរយ គឺជា​ទោចក្រយានយន្ត ។

ករណី​បាត់បង់​ជីវិត​ភាគ ច្រើន​កើតឡើង​នៅ​តាម​ផ្លូវជាតិ និង​នៅ​ក្នុង​រាជធានី ។ ក្នុង​របាយការណ៍​នេះ​បង្ហាញ​ថា នៅ​ពេល​ដែល​យើង​ត្រួតពិនិត្យ​កត្តា​ដទៃ​ទៀត អថេរ​ធំ​ជាងគេ​ដែល​ពាក់ព័ន្ធ​នឹង​ការ​បាត់​បង់ជីវិត​នៅ​ពេល​មាន​គ្រោះថ្នាក់​ចរាចរណ៍​កើតឡើង​បង្ក​ឡើង​ដោយសារ «​កត្តា​ចំនួន​៤ ដែល​នាំ​ឱ្យ​មានការ​បាត់បង់​ជីវិត​» រួម​មាន ការ​ប្រើប្រាស់​គ្រឿង​ស្រវឹង និង​គ្រឿងញៀន ការ​បើកបរ​ល្បឿន​លឿន ការ​មិន​គោរព​ច្បាប់ ចរាចរណ៍ និង​ការ​ប្រើប្រាស់​ទូរស័ព្ទ​ពេល​កំពុង​បើកបរ ។

របា​ការណ៍​បាន​លើក​ឡើង​ទៀត​ថា UNDP និង​គណៈកម្មាធិការ​ជាតិ​សុវត្ថិភាព​ចរាចរណ៍​ផ្លូវគោក​បាន​ធ្វើការ​ប៉ាន់​ប្រមាណ​ឡើង​វិញ​ពី​ការ​ខាតបង់​ដោយសារ​គ្រោះថ្នាក់​ចរាចរណ៍​ផ្លូវគោក​នៅ​កម្ពុជា​ជា​លើក​ទី​មួយ​ក្នុង​រយៈពេល​១០ ឆ្នាំ​នេះ និង​បាន​រក​ឃើញ​ថា មានការ​ខាតបង់​ចំនួន ៤៦៦,៨ លាន​ដុល្លា រ​សម្រាប់​ឆ្នាំ​២០១៩ ស្មើនឹង ១,៧​ភាគរយ នៃ​ផលិតផល​សរុប (​ផ​.​ស​.​ស​) ប្រចាំឆ្នាំ​។

ក្នុង​ចំណោម​ការ​ខាតបង់​សរុប​៨៨,៨​ភាគរយ ជា​ការ​ខាតបង់ ដោយសារ​ការ បាត់បង់​ជីវិត និង​ការ​បាត់បង់​ប្រាក់​ចំណូល ដែល​ជន​រង​គ្រោះ​អាច​រកបាន​ពេញ​មួយ​ជីវិត​៕