ការសន្សំប្រាប់បើស្តាប់ទៅដូចងាយណាស់ គ្រាន់តែសន្សំមានអ្វីពិបាក (មតិអ្នកខ្លះ) ប៉ុន្តែដូចយើងគ្រប់គ្នាបានដឹងហើយថា ការនិយាយចេញពីមាត់វាងាយស្រួលជាងអ្វីដែលយើងត្រូវធ្វើ ។ មានមនុស្សខ្លះសន្សំបានហើយ តែទុកមិនបានយូរនោះទេ ដោយសារចេះសន្សំហើយមិនមានចំណេះដឹងក្នុងការចំណាយ ។ យោងតាមការចេញផ្សាយអត្ថបទកន្លងមក មនុស្សខ្លះសន្សំលុយបន្តិចម្តងៗ ប៉ុន្តែដល់ពេលគាត់ចាយវិញតែមួយភ្លែតទេ នោះក៏ព្រោះថាអ្នកខ្លះមិនចេះគ្រប់គ្រងការចំណាយនេះឯង ប្រសិនជាយើងឃើញរបស់របរហើយចេះតែចង់ទិញចេះតែចង់បាន នោះកុំថា ឡើយប្រាក់ខែ ៥០០ ដុល្លារ ប្រាក់ ២០០០ ដុល្លារក៏មិនសល់ដែរ ។
ដូច្នេះអត្ថបទថ្ងៃនេះនឹងបកស្រាយអំពីហេតុផល ៣ យ៉ាង ដែលជួយលើកទឹកចិត្តអ្នកឱ្យសន្សំលុយ សម្រាប់អ្នកដែលមិនធ្លាប់សន្សំសោះ ។ មុនចូលដល់ចំណុចទាំងនោះ អ្នកត្រូវដឹងថា ការសន្សំប្រាក់ត្រូវការវិន័យខ្ពស់ ហើយគ្មាននរណាមកប្តេជ្ញាសម្រាប់យើងនោះទេ គឺយើងខ្លួនឯងជាអ្នកដាក់វិន័យទាំងនេះ ម្យ៉ាងវិញទៀតអ្នកត្រូវដឹងថាអ្នកត្រូវតែមានការលះបង់ខ្ពស់ផងដែរ ។ យោងតាមការដកស្រង់អត្ថបទចេញពីវេបសាយ Discover បានឱ្យដឹងថា ហេតុអ្វីគេសរសេរអត្ថបទពីផលប្រយោជន៍នៃការសន្សំប្រាក់ច្រើនម្ល៉េះ មានអ្នកខ្លះបានអានប៉ុន្តែមិនបានអនុវត្តន៍តាមទេ មានអ្នកខ្លះអានហើយពិបាកអនុវត្តន៍តាមណាស់ ក៏ព្រោះថា ការសន្សំប្រាក់តែមួយមុខមិនគ្រប់គ្រាន់នោះទេ ។ ប៉ុន្តែអ្នកត្រូវដឹងថា ការសន្សំប្រាក់ គឺជាជំហានដំបូង ដែលអាចឱ្យអ្នកចេះគ្រប់គ្រងហិរញ្ញវត្ថុបាន ។ តោះ ! ចឹងអ្នកគួររៀនប្រាប់ហេតុផលទាំងនេះទៅខ្លួនឯង ដើម្បីលើកទឹកចិត្តខ្លួនឯងក្នុងការសន្សំ ៖
ហេតុផលទី ១ ការសន្សំប្រាក់ គឺអាចជួយឱ្យអ្នកមានសេរីភាព ៖ វាពិតជាមិនអាចជួយអ្នកឱ្យសន្សំប្រាក់បានយ៉ាងរលូន និងបានវែងឆ្ងាយនោះទេប្រសិន បើអ្នកគ្រាន់តែចេះសន្សំទៅៗ ដោយមិនមានគោលដៅ ឬទិសដៅដើម្បីសន្សំប្រាក់ (សន្សំប្រាក់ដើម្បីគោលដៅ ឬវិនិយោគ) ដូចនេះអ្នកត្រូវតែមានគោលដៅក្នុងការប្រើប្រាស់លុយសន្សំនៅពេលអនាគត ។ អ្នកត្រូវប្រាប់ខ្លួនឯងថា កុំសន្សំប្រាក់ក្រោយពេលអ្នកចាយសល់ អ្នកត្រូវសន្សំមុនពេលអ្នកដកចាយវាយ ។ អ្នកត្រូវតែរកឱ្យឃើញពីគោលដៅសម្រាប់សន្សំប្រាក់ អ្នកត្រូវប្រាប់ខ្លួនឯងថា អ្នកនឹងសន្សំដើម្បីទិញឡានថ្មី ផ្ទះថ្មី ឬប្រាក់សម្រាប់ការសិក្សាកូន និងអ្វីដែលពិសេសនោះ គឺសន្សំប្រាក់ អាចជួយអ្នកនៅពេលមានគ្រាអាសន្ន ឬហេតុការណ៍កើតឡើងជាយថាហេតុ តួយ៉ាងដូចបច្ចុប្បន្នមានហេតុការណ៍កូវីដ ១៩ អុីចឹង ។ ដូនចេះចំណុចនេះ នៅពេលដែលអ្នកដកសន្សំទៅតាមអ្វីដែលអ្នកគ្រងទុកហើយ នោះប្រាកដណាស់ថា អ្នកនឹងមានសេរីភាពក្នុងចិត្តដោយមិនចាំបាច់បារម្ភខ្លាចមានរឿងអ្វីកើតឡើងដែលយើងមិនបានដឹងមុន ឬបារម្ភថាមិនលុយបង់សាលាឱ្យកូនៗ ។ល។
ហេតុផលទី ២ ការសន្សំផ្តល់នូវសុវត្ថិភាពហិរញ្ញវត្ថុ ៖ យោងតាមអ្នកជំនាញ Kara Perez បាននិយាយថា អ្នកត្រូវប្រាប់ខ្លួនឯងថា៖ «ខ្ញុំស្រឡាញ់ការសន្សំប្រាក់ ព្រោះវាផ្តល់សុវត្ថិភាពហិរញ្ញវត្ថុដលខ្ញុំ» ។ លោក Perez បានបន្តថា ជាធម្មតា ហើយបើគិតឱ្យសាមញ្ញនោះ នៅពេលអ្នកមានប្រាក់កាក់ខ្លះនៅក្នុងខ្លួន នោះវានឹងធ្វើឱ្យជីវិតអ្នកកាន់តែងាយស្រួល ។ លោក Perez ថា ៖ «ខ្ញុំសន្សំប្រាក់ ពីព្រោះខ្ញុំចង់ឱ្យអនាគតរបស់ខ្ញុំមានភាពល្អប្រសើរជាងពេលបច្ចុប្បន្ន ខ្ញុំពិតជាមិនមានបញ្ហាហិរញ្ញវត្ថុនៅពេលមានហេតុការណ៍អ្វីមួយកើតឡើង ហើយខ្ញុំមិនមានលុយទាល់តែសោះ (ខ្ជីគេមិនស្រួលនោះទេ)» ។ លោក Perez ណែនាំឱ្យដាក់ប្រាក់ទាំងក្នុងគណនីសន្សំរាវ ដែលអ្នកអាចរក្សាទុកសាច់ប្រាក់សម្រាប់ការចំណាយដែលមិននឹកស្មានដល់ និងគណនីយក្នុងគ្រាអាសន្ន ក៏ដូចជាការដាក់ប្រាក់ចូលទៅក្នុងគណនីអន្តរការី ដែលអ្នកអាចឱ្យអ្នកប្រើប្រាស់ក្នុងការវិនិយោគនាពេលអនាគតផងដែរ ។
ហេតុផលទី ៣ សន្សំប្រាក់មានន័យថា អ្នកនឹងអាចទទួលហានិភ័យនានា ៖ ជាផ្នែកមួយនៃការសន្សំប្រាក់ គឺអ្នកអាចកសាងភាពជឿជាក់ ដើម្បីគណនានូវហានិភ័យដែលយើងនឹងមិនបានដឹងមុន ហើយវាបានធ្វើឱ្យមានក្តីបារម្ភតិចតូចទៀតផង ដូចនេះជាហេតុផលដែលអ្នកត្រូវប្រាប់ខ្លួនឯងថាអ្នកនឹងរួចផុតពីហានិភ័យនានា ប្រសិនជាអ្នកមានប្រាក់សន្សំនៅក្នុងដៃ ។ វាក៏ជាការផ្សារភ្ជាប់គ្នាផងដែរ ប្រសិនជាអ្នកមិនប្រាក់សន្សំក្នុងដៃ នោះវានឹងពិបាកសម្រេចគោលដៅដែលអ្នកចង់បាន ដូចជាការធ្វើអាជីវកម្មផ្សេងៗ ឬវិនិយោគជាដើម ។ ប្រសិនជាសុខៗអ្នកចង់ធ្វើអាជីវកម្ម នោះអ្នកមានប្រាក់ខ្លះក្នុងដៃ អ្នកនឹងអាចចាប់ផ្តើមវាបាន ព្រោះអាជីវកម្មតូចក្តីធំក្តី គឺត្រូវការប្រាក់សន្សំរបស់អ្នកនឹងឯង ។ ដូច្នេះអ្នកត្រូវរកហេតុផលនេះសម្រាប់ប្រាប់ខ្លួនអ្នកថា អ្នកនឹងមិនមានហានិភ័យប្រសិនជាអ្នកបានសន្សំប្រាក់រួចហើយ ។ លោក Matt Becker បានប្រាប់ពីបទពិសោធន៍លោកថា ការសន្សំប្រាក់អាចជួយឱ្យអ្នកមានសេរីភាព ក្នុងការរស់នៅ ព្រមទាំងក្រុមគ្រួសាររបស់អ្នកផងដែរ ។
លោក Matt Becker ថា ៖ «នៅពេលដែលខ្ញុំបាត់បង់ការងារ រយៈពេល ៣ ឆ្នាំកន្លងមកហើយ បន្ទាប់មកភរិយាខ្ញុំ និងខ្ញុំបានប្រើឱកាសនោះ ដើម្បីចាប់ផ្តើមអាជីវកម្ម ព្រោះត្រូវរកប្រាក់ឈ្នួលមួយផ្សេងទៀត ឱ្យបានឆាប់តាមដែលអាចធ្វើទៅបាន ។ នៅពេលយើងសម្រេចចិត្តភ្លាម យើងបានប្រើប្រាស់ប្រាក់សន្សំរបស់យើងដែលបានសន្សំជាច្រើនឆ្នាំហើយនោះ» ៕
ចែករំលែកព័តមាននេះ