ការសន្សំប្រាក់ជួនកាលមិនចាំបាច់សន្សំម្តងឱ្យច្រើនពេកទេ ជួនកាលយើងអាចសន្សំម្តងបន្តិចៗ ហើយបើទោះបី មនុស្សខ្លះគាត់មានវិន័យខាងផ្នែកហិរញ្ញវត្ថុក៏ដោយ តែពេលខ្លះប្រសិនជាការចង់បានរបស់យើងធំជាងវិន័យនោះ នោះក៏យើងនៅតែហ៊ានចំណាយដែរ ។ ជាមួយគ្នានេះផងដែរ យើងសូមដកស្រង់វិធីសាស្ត្រផ្សេងៗ សម្រាប់លោកអ្នកដែលមានបំណងចង់ចាប់ផ្តើមការសន្សំឱ្យមានប្រសិទ្ធភាព និងងាយស្រួលផងដែរ ។ ដូចនេះប្រសិនបើអ្នកដែលមិនធ្លាប់សន្សំប្រាក់ ពេលនេះអាចរៀនសន្សំបានចាប់ពីឥឡូវនេះទៅ ។
វិធីសាស្ត្រទី ១ ៖ អ្នកត្រូវតែកំណត់ពេលវេលានៃការសន្សំប្រាក់ដោយស្វ័យប្រវត្តិ ។ មានន័យថា ការដាក់ប្រាក់សន្សំដោយកំណត់ពេលវេលាជាក់លាក់ណាមួយ ដោយការបើកគណនីសន្សំ ដែលមានកាលកំណត់ ឬគណនីយដែលដាក់ប្រាក់ទៀតទាត់ពេលវេលា (អាចមួយខែដាក់ម្តង ហើយត្រូវកំណត់ថា ក្នុងមួយខែដាក់ប្រាក់ប៉ុន្មាន?) ធ្វើដូចនេះប្រាក់របស់អ្នកនឹងមិនអាចដកបាននោះទេ ប្រសិនមិនទាន់ដល់កាលកំណត់ ។ យោងតាមការសិក្សារបស់ Pew Trusts បានរាយការណ៍ថា ការចុះឈ្មោះរបស់និយោជិកក្នុងការសន្សំដោយស្វ័យប្រវត្តិ ពោលគឺក្នុងផែនការសន្សំប្រាក់ដើម្បីចូលនិវត្តន៍ ថ្មីៗនេះហាក់បីដូចជាមានអត្រាចូលរួមសន្សំខ្ពស់ជាងមុន ។ ហើយអត្រាសន្សំពីប្រាក់ដើមនោះ សុទ្ធសឹងតែដូចគ្នាទាំងអស់ដោយសន្សំមានកាលកំណត់វេលា ។
ដំណាក់កាលដំបូងនៃការចុះឈ្មោះសន្សំប្រាក់ដោយស្វ័យប្រវត្តិនេះ អ្នកខ្លះភ្លាមៗប្រហែលមានអារម្មណ៍នៅដិតជាប់នឹងប្រាក់នោះខ្លាំង មានន័យថាអ្នកគិតអំពីប្រាក់របស់អ្នកដែលបានដាក់សន្សំនោះ ។ អ្នកគួរមានគណនីពីរ សម្រាប់ធ្វើប្រតិបត្តិការរួមដូចជា ការដាកប្រាក់អ្នកនៅក្នុងគណនីធម្មតាមួយ និងគណនីសន្សំមានកាលកំណត់មួយ ដើម្បីងាយស្រួលអ្នកអាចផ្ទេរប្រាក់ពីគណនីធម្មតាទៅក្នុងគណនីសន្សំនោះ ដូចនេះនៅក្នុងពេលណាក៏ដោយក៏អ្នកអាចឆែកវាបានដែរ ។ ហើយបន្ទាប់មកមិនចាំទៅខ្វល់ខ្វាយលើប្រាក់ដែលដាក់សន្សំមានកាលកំណត់នោះខ្លាំងពេកទេ និយាយរួមព្យាយាមកុំគិតពីប្រាក់សន្សំនោះ ។
វិធីសាស្ត្រទី ២ ៖ រក្សាបរិមាណតិចតួច ប៉ុន្តែនៅជាប់នឹងកាលវិភាគថេរ ។ ក្នុងន័យនេះ ចំនួនទឹកប្រាក់ដែលអ្នកត្រូវផ្ទេរចូលក្នុងគណនីសន្សំ ដែលត្រូវធ្វើឱ្យទៀងទាត់នោះ ពិតជាសារៈសំខាន់ណាស់ ។ ប្រសិនអ្នកគិតថា ផ្ទេរប្រាក់ម្តងឱ្យច្រើននោះ អ្នកអាចមានអារម្មណ៍ថាមិនមានប្រាក់គ្រប់គ្រាន់សម្រាប់អ្នកចាយ ដូចនេះអ្នកអាចជ្រើសរើសវិធីនេះ ដោយផ្ទេរប្រាក់ម្តងបន្តិចៗ ដូចជាការផ្ទេរប្រចាំសប្តាហ៍ ប្រចាំខែ ឬប្រចាំឆ្នាំ ។ យុទ្ធសាស្ត្រសាមញ្ញមួយនេះ គឺជាការសន្សំប្រាក់ឱ្យកាន់តែមានប្រសិទ្ធភាព ឱ្យត្រូវតាមការកំណត់គោលដៅរបស់អ្នក ។ កុំភ្លេចឱ្យសោះ អ្នកត្រូវតែបំបែក ឬពុះការសន្សំប្រាក់ឱ្យទៅជាការសន្សំប្រចាំសប្តាហ៍ ប្រចាំខែ និងត្រីមាស ឬឆ្នាំ វាមើលទៅដូចជាបរិមាណតិចតួច ប៉ុន្តែវានៅជាប់នឹងកាលវិភាគថេរ ហើយវានឹងបង្ហាញអ្នកឱ្យឃើញ ថាប្រាក់សន្សំរបស់អ្នកកើនឡើងជាលំដាប់ ។
វិធីសាស្រ្តទី ៣ ៖ រកមូលហេតុជាក់លាក់ដើម្បីសន្សំប្រាក់ ឬកំណត់គោលដៅសន្សំប្រាក់ដើម្បីអ្វី ? គ្រប់គ្នាសុទ្ធតែដឹង អ្នកខ្លះការសន្សំប្រាក់មិនងាយស្រួលទេ សម្រាប់ពួកគាត់ ។ ប៉ុន្តែអ្នកត្រូវចាំថា អ្នកនឹងមានផ្លូវដែលវែងឆ្ងាយសម្រាប់ដើរលើវិថីជីវិតរបស់អ្នក ហើយផ្លូវនោះវាត្រូវការការគាំទ្រពីផ្នែកហិរញ្ញវត្ថុផងដែរ ព្រោះគ្មានរណាម្នាក់អាចធ្វើអ្វីៗគ្រប់យ៉ាងដោយគ្មានប្រាក់នោះទេ ។ ដូចនេះនៅពេលអ្នកមានគោលដៅណាមួយហើយ ប្រាកដណាស់ថា អ្នកនឹងអាចកំណត់ការសន្សំដោយជាក់លាក់បាន ។ ការសិក្សាស្រាវជ្រាវមួយបានបង្ហាញថា កាលដែលអ្នកស្រមើរស្រមៃទៅក្នុងរូបភាពណាមួយនាពេលអនាគត នោះអ្នកប្រាកដណាស់វាអាចជួយឱ្យការសន្សំប្រាក់កាន់តែមានប្រសិទ្ធភាព និងសន្សំបានយ៉ាងងាយស្រួលផងដែរ ។
ប្រសិនបើអ្នកពិបាកសន្សំលុយ អ្នកគួរព្យាយាមអនុវត្តគន្លឹះទាំងនេះ ។ គន្លឺះសន្សំនីមួយៗ អាចបង្ហាញពីការសន្សំដោយភាពវ័យឆ្លាត ហើយគន្លឹះទាំងអស់អាចជះឥទ្ធិពលយ៉ាងខ្លាំងដល់សមត្ថភាពអ្នកឱ្យមានការសន្សំប្រាក់កាន់តែច្រើនឡើងៗ ៕
ចែករំលែកព័តមាននេះ