ADផ្ទាំងផ្សព្វផ្សាយពាណិជ្ជកម្ម

Picture

ទីបំផុត​រក​ឃើញ​ហើយ​! បេ​ក្ខ​នារី​ល្អ​ដាច់​គេ​គ្រង​ម្កុដ​កញ្ញាឯក​សង្ក្រាន្ត​រដូវ​កាល​ទី​២​នេះ

6 ខែ មុន
  • ភ្នំពេញ

រាជធានី​ភ្នំពេញ ៖ នៅ​ទីបំផុត កម្មវិធី​ប្រកួត​ប្រឡង​កញ្ញាឯក​សង្ក្រាន្ត​រដូវ​កាល​ទី​២​ឆ្នាំ​២០២០​បាន​ស្វែងរក​ម្ចាស់​ជ័យ​លា​ភី​ឃើញ​ហើយ ក្នុង​នោះ​កញ្ញា​ដ៏​ស្រស់​សោភា សាន កុស​មៈ បាន​គ្រង​តំណែង​មួយ​នេះ​។ វគ្គ​ផ្តាច់​ព្រ័ត្ត​នៃ​កម្មវិធី​ខាងលើ បាន​ចាក់​ផ្សាយ​តាម​កញ្ចក់​ទូរទស្សន៍​ជាតិ​កម្ពុជា…

រាជធានី​ភ្នំពេញ ៖ នៅ​ទីបំផុត កម្មវិធី​ប្រកួត​ប្រឡង​កញ្ញាឯក​សង្ក្រាន្ត​រដូវ​កាល​ទី​២​ឆ្នាំ​២០២០​បាន​ស្វែងរក​ម្ចាស់​ជ័យ​លា​ភី​ឃើញ​ហើយ ក្នុង​នោះ​កញ្ញា​ដ៏​ស្រស់​សោភា សាន កុស​មៈ បាន​គ្រង​តំណែង​មួយ​នេះ​។

វគ្គ​ផ្តាច់​ព្រ័ត្ត​នៃ​កម្មវិធី​ខាងលើ បាន​ចាក់​ផ្សាយ​តាម​កញ្ចក់​ទូរទស្សន៍​ជាតិ​កម្ពុជា កាល​យប់​ថ្ងៃ​ទី​១៩ ខែមីនា ឆ្នាំ​២០២១ ក្រោម​ការ​វាយតម្លៃ និង​ដាក់​ពិន្ទុ​យ៉ាង​ផ្ចិតផ្ចង់​ពី​គណៈកម្មការ​ចំនួន​៤​រូប​។

Picture

ក្រោម​ការ​សម្រិតសម្រាំង​តាំងពី​វគ្គ​ជម្រុះ​ដំបូង​កម្មវិធី​បាន​ចម្រាញ់​ជ្រើស​បាន​បេ​ក្ខ​នារី​ចំនួន​១៤​នាក់​ប៉ុណ្ណោះ ដែល​បាន​ឈាន​ដល់​វគ្គ​ផ្តាច់ព្រ័ត្រ​។ ក្នុង​ចំណោម​១៤​នាក់ កម្មវិធី​ក៏​បាន​ស្វែងរក​ឃើញ​បេ​ក្ខ​នារី​៧​រូប ដើម្បី​ឈាន​ដល់​វគ្គ​ជម្រុះ​យក​បេ​ក្ខ​នារី​៣​នាក់​សម្រាប់​តំណែង​គ្រង​ម្កុដ​ជាមួយ​រង្វាន់​ទឹកប្រាក់​ចំនួន​១២​លាន​រៀន​។

យ៉ាងណា នៅ​ទីបំផុត បេ​ក្ខ​នារី​ដែល​មក​ពី​ខេត្តពោធិ៍សាត់ កញ្ញា សាន កុស​មៈ បាន​ក្លាយ​បេ​ក្ខ​នារី​ដែល​ល្អ​ផ្តាច់​គេ​ក្នុង​ការ​គ្រង​ម្កុដ​កញ្ញាឯក​សង្ក្រាន្ត​រដូវ​កាល​ទី​២​នេះ ខណៈ​កញ្ញា អ៊ុ​ច សុគន្ធ​ដា​វី បាន​ចំណាត់​ល​ខ​៣​មក​ពី​ខេត្ត​កែប និង​លេខ​២ បាន​ទៅ​លើ​កញ្ញា ចាន់ ចា​រិ​នី មក​ពី​ខេត្ត​ប៉ៃលិន​។

Picture

បន្ទាប់​ពី​បាន​គ្រង​ម្កុដ​កម្មវិធី​ខាងលើ​នេះ សាន កុស​មៈ បាន​បង្ហាញ​ថា ទីបំផុត ថ្ងៃ​ដែល​ពួក​យើង​តែងតែ​ទន្ទឹងរង់ចាំ​ក៏​បាន​មក​ដល់ ទម្រាំ​មក​ដល់​ថ្ងៃនេះ​ពួក​យើង​ទាំងអស់​គ្នា​ជា​បេ​ក្ខ​នារី​បាន​ឆ្លងកាត់​នូវ​ការ​ប្រកួតប្រជែង និង​វិញ្ញាសារ​ជា​ច្រើន​ទាំង​របាំ ទាំង​ការ​ដើរ​ម៉ូ​ដ​បែប​បុរាណ និង​ការ​សិក្សា​ពី​វប្បធម៌​ខ្មែរ​ផង​ដែរ​។

នាង​បញ្ជាក់​ថា កម្មវិធី​ធីតា​ឯក​សង្ក្រាន្ត​នេះ បាន​ធ្វើ​ឱ្យ​ពួក​យើង​ជា​យុវតី​ខ្មែរ​យល់​ដឹង​កាន់តែ​ច្បាស់​ពី​វប្បធម៌​អរិយធម៌​ខ្មែរ និង​អ្វី​ដែល​បុព្វបុរស​យើង​បន្សល់​ទុក​អោយ​។ បើ​តាម​សាន កុស​មៈ បាន​បន្ត​ថា បទ​ពិសោធន៍​ដែល​ខ្ញុំ​ទទួល​បាន​ពី​ការ​ចូលរួម​កម្មវិធី​ធីតា​ឯក​សង្ក្រាន្ត រដូវ​កាល​ទី​2 នេះ​គឺជា​កាដូ​ដ៏​ល្អ​មួយ​ដែល​ខ្ញុំ​បាន​ប្រគល់​ជូន​ខ្លួន ទុកជា​មេរៀន និង​ការ​ចង់​ចាំ​ដ៏​ល្អ​ក្នុង​ជីវិត​។

Picture

ជា​ការ​កត់សម្គាល់ បើ​ក្រឡេក​មើល និង​យល់​ពី​អត្ថន័យ​របស់​ម្កុដ​ធីតា​ឯក​សង្ក្រាន្ត​រដូវ​កាល​ទី​២​វិញ គឺ​មាន​ន័យ​មិន​អាច​កាត់ថ្លៃ​បាន​។ ម្កុដ​ធីតា​ឯក​សង្ក្រាន្ត​រដូវ​កាល​ទី​២ គឺជា​ម្កុដ​តម្លើង​តាម​បែប​សិល្បៈ​ដ៏​ចំណាស់ ដែល​ស្ទើរនឹង​បាត់បង់ ហើយ​គឺជា​ប្រភេទ​សិល្បៈ​ខ្មុក​ម្រ័​ក្ស​។

ទោះបី​គ្មាន​តម្លៃ​ស្មើ​មាស ត្បូង​ពេ​ជ្យ តែ​វា​ពិតជា​មាន​តម្លៃ​ដ៏​មហាសាល បែប​សិល្បៈ​នៃ​ព្រលឹង​ជាតិខ្មែរ​។ អម​ជាមួយនឹង​សន្លឹក​ផ្កាចំប៉ា​ដំរៀប​ជា​ជួរ​បញ្ឈរ​លើ​ម្កុដ តំណាង​អោយ​ភាព​ក្លាហាន​នៃ​ស្ត្រី​ខ្មែរ បាន​ស្តែង​បញ្ជាក់​ឲ្យ​ឃើញ​ពី​តម្លៃ​ច​រិ​កឫក​ពារ ថ្លៃថ្នូរ​សមជា​ស្ត្រី​លើ​ទឹកដី​អង្គរ​កេរ​ឈ្មោះ​ក្រអូប​សុះសាយ ដូច​ក្លិន​ផ្កាចំប៉ា ជា​ក្លិន​ប្រចាំ​កាយ បុប្ផា​តំណាង​អោយ​ទេពធីតា​សង្ក្រាន្ត​ឆ្នាំ​ថ្មី​នេះ គឺ​ឆ្នាំ​២០២១៕

Picture
Picture
Picture
Picture
Picture
Picture
Picture
Picture
Picture
Picture