ខេត្តក្រចេះ៖ នគរបាលស្រុកស្នួលបានឲ្យដឹងថា កម្លាំងនគរបាលស្រុកស្នួលបានធ្វើការឃាត់ខ្លួនជនសង្ស័យជាកូនប្រុសម្នាក់ ក្នុងករណីប្រើហិង្សាទៅលើម្ដាយបង្កើតរបស់ខ្លួន នៅចំណុចភូមិស្នួលវត្តលិច ឃុំស្នួល ស្រុកស្នួល ខេត្តក្រចេះ កាលពីរសៀលថ្ងៃទី១២ ខែមីនា…
ខេត្តក្រចេះ៖ នគរបាលស្រុកស្នួលបានឲ្យដឹងថា កម្លាំងនគរបាលស្រុកស្នួលបានធ្វើការឃាត់ខ្លួនជនសង្ស័យជាកូនប្រុសម្នាក់ ក្នុងករណីប្រើហិង្សាទៅលើម្ដាយបង្កើតរបស់ខ្លួន នៅចំណុចភូមិស្នួលវត្តលិច ឃុំស្នួល ស្រុកស្នួល ខេត្តក្រចេះ កាលពីរសៀលថ្ងៃទី១២ ខែមីនា ឆ្នាំ២០២១។
អធិការនគរបាលស្រុកស្នួល លោកវរសេនីយ៍ឯក ចាន់ សុខគីម បានឲ្យដឹងថា កម្លាំងជំនាញព្រហ្មទណ្ឌទទួលបណ្តឹងរាយការណ៍ពីឈ្មោះមឿង មឿន អាយុ៥៥ឆ្នាំ ថា កូនប្រុសរបស់ខ្លួន ឈ្មោះ សាន សិដ្ឋ ភេទប្រុស អាយុ២៤ឆ្នាំ ជាមុខសញ្ញាប្រើប្រាស់គ្រឿងញៀន បានធ្វើសកម្មភាពប្រើ ហិង្សា ដោយយកចានថ្មគប់មកលើខ្លួន ត្រូវចំគល់ចង្កេះម្តាយ ហើយបានយកដែកកេះ ដុតបំផ្លិចបំផ្លាញស្រូវនៅក្នុងជង្រុកខាងក្រោយផ្ទះ បណ្តាលឲ្យឆាបឆេះទៀតផង។
លោកអធិការបានបន្តថា ក្រោយពីទទួលបណ្តឹងខាងលើ កម្លាំងជំនាញសហការជាមួយកម្លាំង
ប៉ុស្តិ៍រដ្ឋបាល ចុះទៅដល់កន្លែងកើតហេតុ ធ្វើការពិនិត្យស្រាវជ្រាវ រហូតឈានទៅដល់ការឃាត់ខ្លួនឈ្មោះ សាន សិដ្ឋ ភេទប្រុស អាយុ២៤ឆ្នាំ ជាកូន និង បានរឹបអូសយក វត្ថុតាងរួមមាន៖ អំបែងចានថ្មមួយចំនួន និង ដែកកេះ១។
ក្រោយពីធ្វើការសាកសួរ ជនសង្ស័យបានឆ្លើយសារភាពថា៖ ខ្លួនពិតជាបានធ្វើសកម្មភាពយកចានថ្មគប់ទៅលើជនរងគ្រោះជាម្តាយត្រូវចំគល់ចង្កេះ និង បានយកដែកកេះ ដុតបំផ្លិចបំផ្លាញស្រូវក្នុងជ្រុក បណ្តាឲឆាបឆេះ ប្រាកដមែន។ មូលហេតុដោយសារខ្លួន ខឹងនឹងម្តាយ បាននិយាយណែនាំឲ្យខ្លួនឈប់ប្រើប្រាស់គ្រឿងញៀនតទៅទៀត។
លោកអធិការបញ្ជាក់ថា បច្ចុប្បន្នជនសង្ស័យត្រូវបានឃាត់ខ្លួន បណ្តោះអាសន្ន នៅអធិការដ្ឋាននគរបាលស្រុកស្នួល ដើម្បីកសាងសំណុំរឿងបញ្ចូនទៅ ការិយាល័យជំនាញខេត្ត ចាត់ការបន្តតាមនីតិវិធី។
ចែករំលែកព័តមាននេះ