រាជធានីភ្នំពេញ ៖ តារាចម្រៀងអ្នកនាង សុគន្ធ នីសា បានចេញមកបញ្ជាក់ពីស្ថានភាពរបស់ខ្លួន បន្ទាប់ពីមានតារានៅក្នុងហង្សមាសមួយចំនួនបានឆ្លងជំងឺកូវីដ១៩ កាលពីថ្ងៃទី៨ខែមីនា ឆ្នាំ២០២១នេះ។
ការចេញមកមុខបញ្ជាក់ពីតារាចម្រៀងខាងលើនេះ ក្រោយមហាជនកំពុងតាមដានទៅលើស្ថានភាពអ្នកសិល្បៈ ជាពិសេសតារានៅក្នុងហង្សមាស ក្រោយពិធីការិនីអ្នកនាង កែវ ចន្ទនិមល និងតារាចម្រៀងលោក ណុប បាយ៉ារិទ្ធិ ក៏កំពុងមានរោគសញ្ញាថាអាចកើតជំងឺកូវីដ១៩ ផងដែរ ។
![](https://kohsantepheapdaily.com.kh/wp-content/images/2021/03/45c48cce2e2d7fbdea1afc51c7c6ad26-9.jpg)
តាមគណនេយ្យហ្វេសប៊ុករបស់ខ្លួន សុគន្ធ នីសា បានបង្ហោះសារនៅថ្ងៃនេះថា ជំរាបសួរពុកម៉ែ បងប្អូន អរគុណច្រើនសម្រាប់ការបារម្ភសួរសុខទុក្ខមកលើរូបខ្ញុំ និងក្រុមគ្រួសារ។
នាងបញ្ជាក់ថា កន្លងមកនេះ ខ្ញុំមិនបានជួបជាមួយនិមលទេ ហើយក៏មិនបានដើរទៅកន្លែងមុខសញ្ញាដែលមានកើតកូវីដ១៩ ដែរ ប៉ុន្ដែជំងឺនេះ វាអាចជាប់ពាក់ព័ន្ធតៗគ្នាដូចសម្លរកំពិសចឹង។
នាងថា ខ្ញុំនឹងបន្តសង្កេតខ្លួនឯងទៀត ចាំមើលលទ្ធផល អ្នកដែលយើងជួបជាប្រយ៉ោល តៗគ្នា បើយ៉ាងណាៗ ខ្ញុំនឹងទាក់ទងដើម្បីធ្វើតេស្តអោយប្រាកដ ។
បើតាមអ្នកនាង សុគន្ធនីសា ពេលដែលដឹងព័ត៌មានយប់មិញនេះហើយ ខាងផ្ទះខ្ញុំនេះក៏បានហាមខ្លួនឯង និងអ្នកផ្ទះមិនអោយចេញទៅក្រៅឡើយ ចំណែកខាងផ្ទះម្តាយខ្ញុំ មិនមានការពាក់ព័ន្ធអ្វីទេ ព្រោះខ្ញុំមិនបានចេញចូលផ្ទះម៉ាក់ខ្ញុំប្រហែលពីរអាទិត្យហើយ ។ សូមទោសបងប្អូន ដែលខ្ញុំមិនបានតបសារផងណា ហើយសូមជូនពរនិមល និងក្រុមគ្រួសារអោយឆាប់ជា ចំណែកខ្ញុំក៏ជាជនសង្ស័យ តែមិនទាន់អី។
![](https://kohsantepheapdaily.com.kh/wp-content/images/2021/03/8f14e45fceea167a5a36dedd4bea2543-9.jpg)
ល្ងាចនេះ ខ្ញុំនឹងចាំដំណឹងពីគេដែរ បើអ្នកដែលខ្ញុំបានជួបដោយប្រយ៉ោលមាន ខ្ញុំនឹងធ្វើតេស្ត។ សូមជូនពរបងប្អូនអោយសុខសប្បាយ (រឿងហេតុមានជាស្រេច បើវាត្រូវកើត វានឹងកើត គ្មានអ្នកណាអាចហាមឃាត់បានឡើយ បើគេអោយហើយទទួលវាទៅ ។ អរគុណច្រើនបងប្អូនដែលបារម្ភ យ៉ាងណាៗខ្ញុំនឹងផ្តល់ព័ត៌មានជូនបងប្អូនទៀត។
ជាការកត់សម្គាល់ ការចេញមកបញ្ជាក់ពីស្ថានភាពសុខភាពពីអ្នកនាង សុគន្ធ នីសា នាពេលនេះ គឺមិនមែនធ្វើឡើងតែម្នាក់ឯងនោះឡើយ ពោលក៏មានតារាចម្រៀងនៅហង្សមាសមួយចំនួនទៀត ក៏បានមកបញ្ជាក់ស្រដៀងគ្នា សម្រាប់ប្រិយមិត្តគាំទ្រខ្លួនផងដែរ៕
![](https://kohsantepheapdaily.com.kh/wp-content/images/2021/03/c4ca4238a0b923820dcc509a6f75849b-25.jpg)
![](https://kohsantepheapdaily.com.kh/wp-content/images/2021/03/c81e728d9d4c2f636f067f89cc14862c-32.jpg)
![](https://kohsantepheapdaily.com.kh/wp-content/images/2021/03/eccbc87e4b5ce2fe28308fd9f2a7baf3-30.jpg)
![](https://kohsantepheapdaily.com.kh/wp-content/images/2021/03/a87ff679a2f3e71d9181a67b7542122c-26.jpg)
![](https://kohsantepheapdaily.com.kh/wp-content/images/2021/03/e4da3b7fbbce2345d7772b0674a318d5-33.jpg)
![](https://kohsantepheapdaily.com.kh/wp-content/images/2021/03/1679091c5a880faf6fb5e6087eb1b2dc-17.jpg)
![](https://kohsantepheapdaily.com.kh/wp-content/images/2021/03/c9f0f895fb98ab9159f51fd0297e236d-10.jpg)
ចែករំលែកព័តមាននេះ