លួចប្រាក់ព្រះសង្ឃបានសម្រេច ជនសង្ស័យ២នាក់ជិះម៉ូតូម្នាក់មួយៗ រត់អត់រួចពីសមត្ថកិច្ច
ខេត្តស្វាយរៀង ៖ ខណៈពេលដែលព្រះសង្ឃនិមន្ត ឡើងឆានចង្ហាន់ ថ្ងៃត្រង់ នាម៉ោង១១ព្រឹកថ្ងៃទី០៤ ខែមីនា ឆ្នាំ២០២១ មានជនសង្ស័យ ០២នាក់…
ខេត្តស្វាយរៀង ៖ ខណៈពេលដែលព្រះសង្ឃនិមន្ត ឡើងឆានចង្ហាន់ ថ្ងៃត្រង់ នាម៉ោង១១ព្រឹកថ្ងៃទី០៤ ខែមីនា ឆ្នាំ២០២១ មានជនសង្ស័យ ០២នាក់…
ខេត្តស្វាយរៀង ៖ ខណៈពេលដែលព្រះសង្ឃនិមន្ត ឡើងឆានចង្ហាន់ ថ្ងៃត្រង់ នាម៉ោង១១ព្រឹកថ្ងៃទី០៤ ខែមីនា ឆ្នាំ២០២១ មានជនសង្ស័យ ០២នាក់ ដែលមានឈ្មោះ ណុំ ណែត ភេទប្រុស អាយុ២៥ឆ្នាំ មុខរបរមិនពិតប្រាកដ រស់នៅភូមិថ្នា ឃុំស្តើងជ័យ ស្រុកជើងព្រៃ ខេត្តកំពង់ចាម ជិះម៉ូតូម៉ាក CBR ស្លាកលេខ សៀមរាប 1P-6976 និងឈ្មោះ គ្រឿន វិរៈ ភេទប្រុស អាយុ៣៣ឆ្នាំ មុខរបរមិនពិតប្រាកដ នៅភូមិថ្នា ឃុំស្តើងជ័យ ស្រុកជើងព្រៃ ខេត្តកំពង់ចាម ជិះម៉ូតូម៉ាក WINER ស្លាកលេខ ភ្នំពេញ 1AA-7889 បានធ្វើ សកម្មភាពឡើងទៅលើកុដ្ឋ រួចហើយលួចយកប្រាក់របស់ព្រះសង្ឃ អស់ចំនួន ២៨៧,០០០រៀល ។
ក្រោយធ្វើសកម្មភាពជនសង្ស័យទាំងពីរនាក់ បានជិះម៉ូតូគេចចេញពីវត្តកំពង់ត្រាច ក្នុងស្រុករមាសហែក ឆ្ពោះទៅទិសខាងត្បូង ។
បន្ទាប់ពីទទួលបានសេចក្តីរាយការណ៍តាមទូរស័ព្ទភ្លាមៗ លោកវរសេនីយ៍ឯក សំ សំអុល អធិការនគរបាលស្រុករមាសហែក បានបញ្ជាទៅដល់គ្រប់គោលដៅ ក្នុងពេលនោះ ជនសង្ស័យបានជិះដល់គោលដៅអនុវត្តច្បាប់ចរាចរណ៍ ស្រាប់តែបត់ត្រឡប់ក្រោយ ក៏ត្រូវកម្លាំងនគរបាលបានបើករថយន្តដេញតាម ពីក្រោយរហូតធ្វើការឃាត់ខ្លួនជនសង្ស័យបានទាំង០២នាក់ ព្រមទាំងដកហូតបានម៉ូតូ ដែលក្រុមចោរជិះធ្វើសកម្មភាពចំនួន ០២គ្រឿង និងវត្ថុតាងជាប្រាក់ចំនួន ២៨៧,០០០រៀល ។
បច្ចុប្បន្ន ជនសង្ស័យត្រូវបានកសាងសំណុំរឿងចាត់ការតាមច្បាប់ ៕
ចែករំលែកព័តមាននេះ