លោក​ជំទាវ​អភិបាលខេត្ត​ដឹកនាំ​ក្រុមការងារ រៀបចំ​ម្ហូបអាហារ​ជូន​ពលករ​ដែល​កំពុង​ធ្វើ​ច​ត្តា​ឡី​ស័ក – Koh Santepheap Daily

ADផ្ទាំងផ្សព្វផ្សាយពាណិជ្ជកម្ម

លោក​ជំទាវ​អភិបាលខេត្ត​ដឹកនាំ​ក្រុមការងារ រៀបចំ​ម្ហូបអាហារ​ជូន​ពលករ​ដែល​កំពុង​ធ្វើ​ច​ត្តា​ឡី​ស័ក

1 ខែ មុន
  • Pailin

ខេត្ត​ប៉ៃលិន ៖ ទោះបីជា​ការងារ​ក្នុង​រដ្ឋបាល​ខេត្ត មមាញឹក​យ៉ាងណា​លោក​ជំទាវ បាន ស្រី​មុំ អភិបាលខេត្ត​មិន​ដែល​ភ្លេច​ដឹកនាំ និង​ចុះ​មើល​ក្រុមការងារ​រៀបចំ​ម្ហូបអាហារ​ជូន​បងប្អូន​ពលករ ដែល​កំពុង​ស្នាក់​នៅ​ធ្វើ​ច​ត្ថា​ឡី​ស័ក​ក្នុង​ខេត្ត​ប៉ៃលិន​នោះ​ឡើយ​។ ជាក់ស្តែង​កាលពី​ថ្ងៃ​ទី​២៤…


ខេត្ត​ប៉ៃលិន ៖ ទោះបីជា​ការងារ​ក្នុង​រដ្ឋបាល​ខេត្ត មមាញឹក​យ៉ាងណា​លោក​ជំទាវ បាន ស្រី​មុំ អភិបាលខេត្ត​មិន​ដែល​ភ្លេច​ដឹកនាំ និង​ចុះ​មើល​ក្រុមការងារ​រៀបចំ​ម្ហូបអាហារ​ជូន​បងប្អូន​ពលករ ដែល​កំពុង​ស្នាក់​នៅ​ធ្វើ​ច​ត្ថា​ឡី​ស័ក​ក្នុង​ខេត្ត​ប៉ៃលិន​នោះ​ឡើយ​។ ជាក់ស្តែង​កាលពី​ថ្ងៃ​ទី​២៤ ខែកុម្ភៈ ឆ្នាំ​២០២១ លោក​ជំទាវ បាន ស្រី​មុំ អភិបាលខេត្ត​ប៉ៃលិន បាន​ចុះ​ពិនិត្យ​ដល់​កន្លែង​ធ្វើ​ម្ហូបអាហារ បាយ​សម្ល និង​ព្រមទាំង​ចុះ​ដល់​កន្លែង​ពលករ​កំពុង​ស្នាក់​នៅ​ធ្វើ​ច​ត្តា​ឡី​ស័ក​ផង​ដែរ​។ ការ​ចុះ​ផ្ទាល់​ដូចនេះ​ដោយសារ​តែ​ប្រភព​ព័ត៌មាន​បានឱ្យ​ដឹង​ថា ៖

Picture

លោក​ជំទាវ​អភិបាលខេត្ត បារម្ភ​ក្រែង​ក្រុមការងារ​ធ្វើ​ម្ហូប​មិន​ឆ្ងាញ់ វេច​ខ្ចប់​មិន​បាន​ល្អ និង​បារម្ភ​ដាក់​តិច ខ្លាច​បងប្អូន​ពិសារ​មិន​ឆ្អែត​។ ពេល​ចុះ​ដល់ទី​តាំង​ច​ត្តា​ឡី​ស័ក បងប្អូន​ពលករ​បាន​សុំ​ទឹកក្រូច​ត្រជាក់​ៗ ក៏​ចាត់​ឱ្យ​ក្រុមការងារ​រៀបចំ​ចែក​ជូន រួម​ទាំង​មី​កញ្ចប់ ជា​អំណោយ​សម្តេច​តេ​ជោ ហ៊ុន សែន និង​សម្តេច​កិត្តិ​ព្រឹទ្ធ​បណ្ឌិត ជា​អាហារ​សម្រន់​ជូន​ពួក​គាត់​ផង​ដែរ ។

Picture

ប្រភព​បន្ត​ថា ក្រៅពី​ការ​ចុះ​ពិនិត្យ​ខាងលើ​លោក​ជំទាវ​ក៏​បាន​ឆ្លៀតពេល ចុះ​ទៅ​ពិនិត្យ ការ​ដឹក​ទំនិញ​កសិផល​ចរាចរណ៍​ចេញចូល​នៅ​មាត់ច្រក​ទ្វារ​អន្តរជាតិ​ព្រំដែន រវាង​ប្រទេស​កម្ពុជា ថៃ​។ ក្នុង​នាម​លោក​ជំទាវ​ជា​អភិបាលខេត្ត ក៏​សូម​ថ្លែងអំណរគុណ​ចំពោះ​ឯកឧត្តម លោក​ជំទាវ អស់លោក លោកស្រី ជា​អភិបាលរង កងកម្លាំងប្រដាប់អាវុធ​ទាំង​៣​ប្រភេទ បងប្អូន​មន្ត្រីរាជការ ជុំវិញ​ខេត្ត កូន​ៗ​យុវជន មីង​ៗ ពូ​ៗ ក្រុមការងារ​ទាំងអស់​ដែល​បាន​រួម​សាមគ្គី​គ្នា ចូលរួម​គ្រប់​សកម្មភាព ជាមួយ​រាជរដ្ឋាភិបាល​ដើម្បី​ទប់ស្កាត់​មេរោគ​កូ​វី​ដ​-១៩ ដែល​កុំ​ឆ្លង​រាលដាល​នៅ​ក្នុង​សហគមន៍​។ លោក​ជំទាវ​ជូនពរ សូម​ជូន​កុសលផល​បុណ្យ ដែល​យើង​បាន​សាង​រួម​គ្នា នា​ពេល​នេះ ទទួល​បាន​ដល់​គ្រប់​ៗ​គ្នា​៕ ដោយ ៖ នី​យ៉ា