កម្ពុជា​មាន​កំណត់​ត្រា​អ្នក​ប្រើអ៊ី​ន​ធឺ​ណេ​ត​៨,៨៦ លាន​នាក់ ​បង្ហាញ​ថា​ជំនាញ​ឌី​ជី​ថ​ល​ពិតជាសំខាន់​ – Koh Santepheap Daily

ADផ្ទាំងផ្សព្វផ្សាយពាណិជ្ជកម្ម

កម្ពុជា​មាន​កំណត់​ត្រា​អ្នក​ប្រើអ៊ី​ន​ធឺ​ណេ​ត​៨,៨៦ លាន​នាក់ ​បង្ហាញ​ថា​ជំនាញ​ឌី​ជី​ថ​ល​ពិតជាសំខាន់​

1 អាទិត្យ មុន
  • Phnom Penh

រាជធានី​ភ្នំពេញ ​៖ គិត​ត្រឹម​ខែ មក​រា ឆ្នាំ ២០២១ ប្រទេស​កម្ពុជា​មាន​កំណត់​ត្រា​អ្នក​ប្រើប្រាស់​អ៊ី​ន​ធឺ​ណេ​ត​ចំនួន ៨,៨៦ លាន​នាក់ ដែល​បង្ហាញ​ថា​ជំនាញ​ឌី​ជី​ថ​ល​ពិតជា​មាន​សារៈសំខាន់​ណាស់…

រាជធានី​ភ្នំពេញ ​៖ គិត​ត្រឹម​ខែ មក​រា ឆ្នាំ ២០២១ ប្រទេស​កម្ពុជា​មាន​កំណត់​ត្រា​អ្នក​ប្រើប្រាស់​អ៊ី​ន​ធឺ​ណេ​ត​ចំនួន ៨,៨៦ លាន​នាក់ ដែល​បង្ហាញ​ថា​ជំនាញ​ឌី​ជី​ថ​ល​ពិតជា​មាន​សារៈសំខាន់​ណាស់ ដើម្បី​ទទួល​បាន​ជោគជ័យ​នៅ​ក្នុង​ពិភព​ដែល​ពោ​ពេញ​ដោយ​បច្ចេកវិទ្យា​។ ជាមួយ​នេះ​ដែរ ការ​ចូលរួម​របស់​ស្ត្រី​នៅ​ក្នុង​ពិភព​ឌី​ជី​ថ​ល​គឺជា​កត្តាចាំបាច់ ដើម្បី​បង្កើត​សេដ្ឋកិច្ច​និង​សង្គម​ឌី​ជី​ថ​ល​ប្រកប​ដែល​ស្មើភាព​។

រូបភាពផ្តល់ដោយ ៖ ស្ថានទូត​សហរដ្ឋអាមេរិក ប្រចាំ​នៅ​ប្រទេស​កម្ពុជា

នៅ​កំឡុង​ថ្ងៃ​ទី ២៧ ដល់ ៣១ ខែមករា ឆ្នាំ ២០២១ កម្មវិធី Her Project: Digital Edition បាន​រៀបចំ​ដំណាក់កាល​ទី ១ នៃ​គម្រោង​ជា​សិក្ខាសាលា​បាន​យ៉ាង​ជោគជ័យ ដែល​ប្រព្រឹត្ត​ឡើង​រយៈពេល ៥ ថ្ងៃ​។ តាម​រយៈ​សិក្ខាសាលា​នេះ សិស្ស​និស្សិត​ស្រី​ចំនួន​១៥​នាក់​មក​ពី ៤ ខេត្ត – ក្រុង​បាន​រៀន​ជំនាញ​សំខាន់​ៗ​អំពី ការ​យល់​ដឹង​អំពី​ប្រព័ន្ធ​ផ្សព្វផ្សាយ ការ​យល់​ដឹង​អំពី​សហគមន៍ យុទ្ធនាការ​ឌី​ជី​ថ​ល និង​ជំនាញ​គ្រប់គ្រង​គម្រោង​។

រូបភាពផ្តល់ដោយ ៖ ស្ថានទូត​សហរដ្ឋអាមេរិក ប្រចាំ​នៅ​ប្រទេស​កម្ពុជា

ក្រោម​ជំនួយ​ពី​មូលនិធិ Alumni Engagement Innovation Fund និង គាំទ្រ​ដោយ​ស្ថានទូត​សហរដ្ឋអាមេរិក ប្រចាំ​នៅ​ប្រទេស​កម្ពុជា កម្មវិធី HER Project: Digital Edition បាន​ផ្តួចផ្តើម​ឡើង​ក្នុង​គោលបំណង បង្កើន​ការ​ចូលរួម​របស់​ស្ត្រី​នៅ​ក្នុង​ការ​ធ្វើ​ការងារ​សង្គម និង​សកម្មភាព​ឌី​ជី​ថ​ល​។ នៅ​កំឡុង​ពេល​កម្មវិធី អ្នកចូលរួម​បាន​ឆ្លងកាត់​វគ្គ​បណ្តុះបណ្តាល វគ្គ​ចែក​រំ​ឡែក ដំណើរ​ទស្សនកិច្ច​នៅ​ស្ថានទូត​អា​មេ​រិ​ក​ប្រចាំ​ប្រទេស​កម្ពុជា និង​ការ​រៀបចំ​គម្រោង​ធ្វើ​យុទ្ធនាការ​ផ្សព្វផ្សាយ​ខ្នាត​តូច ដើម្បី​សហគមន៍​របស់​ពួក​គេ ក៏​ដូច​ជា​គម្រោង​ឌី​ជី​ថ​ល​ទាក់ទង​ទៅ​នឹង​សារៈសំខាន់ នៃ​ការ​យល់​ដឹង​អំពី​អំពី​ប្រពន្ធ​ផ្សព្វផ្សាយ​។

រូបភាពផ្តល់ដោយ ៖ ស្ថានទូត​សហរដ្ឋអាមេរិក ប្រចាំ​នៅ​ប្រទេស​កម្ពុជា

លោក Chad Roedemeier ដែល​ជា​មន្ត្រី​ទំនាក់ទំនង​សាធារណៈ​របស់​ស្ថានទូត​អា​មេ​រិ​ក បាន​ថ្លែង​ថា ៖ «​ដើម្បី​ទទួល​បាន​ភាព​ជោគជ័យ​នៅ​ថ្ងៃ​អនាគត ប្រទេស​នីមួយ​ៗ​ត្រូវ​តែ​ផ្ដល់​សក្ដានុពល​ទៅ​ដល់​ក្មេង​ស្រី និង​នារី​នៅ​គ្រប់​វិស័យ ជា​ពិសេស​វិស័យ​បច្ចេកវិទ្យា​។ សហរដ្ឋអាមេរិក​ពិតជា​មាន​មោទនភាព​ដែល​បាន​ជួយ​ដល់​និស្សិត​ស្រី​ទាំង​១៥​រូប ដែល​នឹង​អាច​ក្លាយជា​អ្នកដឹកនាំ​ផ្នែក​បច្ចេកវិទ្យា​នា​ថ្ងៃ​អនាគត​របស់​កម្ពុជា​»​។

រូបភាពផ្តល់ដោយ ៖ ស្ថានទូត​សហរដ្ឋអាមេរិក ប្រចាំ​នៅ​ប្រទេស​កម្ពុជា

ឆ្លើយ​យ​តប​ទៅ​នឹង​ស្ថានភាព​បច្ចុប្បន្ន​នៃ​ជំងឺ កូ​វី​ដ​-១៩ អ្នក​រៀបចំ​គម្រោង HER Project និង​អ្នកចូលរួម​ទាំងអស់ បាន​ចាត់វិធានការ​បង្ការ​ទុកជា​មុន និង​អនុវត្ត​តាម​គោលការណ៍​ណែនាំ របស់​ក្រសួងសុខាភិបាល​យ៉ាង​តឹង​រឹង​ក្នុង​រយៈពេល​នៃ​ការ​ចូលរួម​ទាំងមូល​។

រូបភាពផ្តល់ដោយ ៖ ស្ថានទូត​សហរដ្ឋអាមេរិក ប្រចាំ​នៅ​ប្រទេស​កម្ពុជា

គម្រោង​នេះ​បាន​សហការ​ជាមួយ​ក្រុម​ដៃគូ​ចម្រុះ​រាប់​ចាប់ពី​និស្សិត​ក្មេង​ៗ ក្រុម​សង្គម​ស៊ី​វិល រហូត​ដល់​អ្នកជំនាញ ដែល​ជួយ​បង្ហាញ​បន្ថែម​ទៀត​ពី​គោលដៅ​នៃ​គម្រោង និង​លើកកម្ពស់​ការ​យល់​ដឹង​និង​ការ​ផ្តល់​សិទ្ធិ​អំណាច ដល់​ស្ត្រី​ក្នុង​ការ​កសាង​និង​អភិវឌ្ឍ​សហគមន៍​របស់​ពួក​គេ​៕