ADផ្ទាំងផ្សព្វផ្សាយពាណិជ្ជកម្ម

Picture

លោកស្រី​ស៊ូ​ជី​ ជាប់ចោទ​រំលោភច្បាប់​ពាណិជ្ជកម្ម ​ក្រោយ​​ឆែកឆេរ​​រក​ឃើញ​​ក្នុង​​ផ្ទះ​

8 ខែ មុន

ប្រទេស​មី​យ៉ា​ន់​ម៉ា ៖ អ្នកនាំពាក្យ​ម្នាក់​របស់​គណបក្ស​សម្ព័ន្ធជាតិ​ ដើម្បី​លទ្ធិប្រជាធិបតេយ្យ​ LND គូស​បញ្ជាក់​តាម ​FACEBOOK​ ថា លោកស្រី​ អ៊ួ​ង​សាន់…

ប្រទេស​មី​យ៉ា​ន់​ម៉ា ៖ អ្នកនាំពាក្យ​ម្នាក់​របស់​គណបក្ស​សម្ព័ន្ធជាតិ​ ដើម្បី​លទ្ធិប្រជាធិបតេយ្យ​ LND គូស​បញ្ជាក់​តាម ​FACEBOOK​ ថា លោកស្រី​ អ៊ួ​ង​សាន់ ​ស៊ូ​ជី កាលពី​ថ្ងៃ​ទី​៣ ខែ​​កុម្ភៈ គឺ​​២​ថ្ងៃ​ក្រោយ​ការ​ផ្ដួលរំលំ​ដោយ​រដ្ឋប្រហារ​យោធា ទទួល​ការ​ចោទប្រកាន់​ពី​បទ​រំលោភច្បាប់​ស្ដី​ពី​ពាណិជ្ជ​កម្ម​។

លោកស្រី​ជាប់ចោទ​ថា ​បំពាន​ច្បាប់​ស្ដី​ពី​ការ​នាំ​ចេញ​នាំ​ចូល ហើយ​តុលាការ​មួយ​បាន​ចេញ​បញ្ជា​ឲ្យ​​ឃុំខ្លួន​លោកស្រី​បណ្ដោះអាសន្ន រយៈពេល​១៤​ថ្ងៃ ចាប់ពី​ថ្ងៃ​ទី​១​ដល់ទី​១៥​កុម្ភៈ​។

Picture

កងទ័ព​មី​យ៉ា​ន់​ម៉ា​កាលពី​ថ្ងៃ​ទី​១​កុម្ភៈ បាន​បញ្ចប់​ការ​ឆ្លងកាត់​នយោបាយ​ឆ្ពោះទៅ​រក​លទ្ធិប្រជាធិប​តេយ្យ ដោយ​ធ្វើ​រដ្ឋប្រហារ​ចាប់ខ្លួន​លោកស្រី​ស៊ូ​ជី ប្រធានាធិបតី​និង​បណ្ដា​មនុស្ស របស់​គណ​បក្ស​ LND​ ច្រើន​រូប ព្រមទាំង​ចេញ​ការ​ប្រកាស​អាសន្ន​ក្នុង​ប្រទេស រយៈពេល​១​ឆ្នាំ​។ ចំពោះ​ប្រធានា​ធិបតី​លោក ​WIN MYINT ​ក៏​ត្រូវ​ជាប់​ការ​ចោទប្រកាន់​ពី​បទ​រំលោភ​បំពាន​ច្បាប់ ស្ដី​ពី​ការ​គ្រប់គ្រង​គ្រោះ​មហន្តរាយ​ធម្មជាតិ​។

ការ​ឆ្មក់​ចូល​ឆែកឆេរ ត្រូវ​បាន​ធ្វើ​នៅ​តាម​ទីតាំង​នានា របស់​គណបក្ស​លោកស្រី​ស៊ូ​ជី ហើយ​ឯក​សារ​នានា​ត្រូវ​បាន​រឹបអូស​។ ចំណែក​កាសែត​អា​មេ​រិ​ក​ញូ​វ​យ៉​ក​ថែម​បញ្ជាក់​ថា លោកស្រី​ស៊ូ​ជី ត្រូវ​ជាប់ចោទ​ពី​បទ​រក​ឃើញ​ក្នុងផ្ទះ​លោកស្រី នូវ​របស់របរ​នានា​ដែល​នាំ​ចូល ពុំ​មាន​ឯកសារ​ត្រឹម​ត្រូវ។

តាម​ឯកសារ​មួយ​របស់​ប៉ូលិស​ក្រុង​ណៃ​ពិដោ ថា បណ្ដា​នាយទាហាន​ទទួល​បន្ទុក ត្រួតពិនិត្យ​លំនៅ​​ឋាន​លោកស្រី​ស៊ូ​ជី បាន​រក​ឃើញ​បណ្ដា​វិទ្យុទាក់ទង​ដែល​នាំ​ចូល​ដោយ​ខុសច្បាប់​និង​ប្រើប្រាស់​ដោយ​គ្មាន​ការ​អនុញ្ញាត​។

Picture

ចំណែក​ប្រទេស​ចិន​វិញ​កាលពី​ថ្ងៃ​ទី​៣​កុម្ភៈ​បាន​បដិសេធ​ថា មិន​បាន​ជួយ​ទ្រទ្រង់​ឬ​ក៏​យល់ព្រម​ឲ្យ​មាន​​រដ្ឋប្រហារ​យោធា​នៅ​មី​យ៉ា​ន់​ម៉ា​ឡើយ​។ លោក​WANG WENBIN​អ្នកនាំពាក្យ​ក្រសួង​ការ​បរទេស​ចិន ថ្លែង​ក្នុង​សន្និសីទ​សារព័ត៌មាន​ប្រចាំ​ថ្ងៃមួយ​ថា បណ្ដា​ពាក្យ​លេចឮ​ពី​រឿង​នោះ​ជា​ពាក្យ​​មិន​ពិត​ឡើយ​។

ក្នុង​ឋានៈ​ជា​ប្រទេស​ជា​មិត្ត​នៅ​ជាប់​ជិតខាង​គ្នា យើង​ចង់​ឲ្យ​គ្រប់​ភាគី​មី​យ៉ា​ន់​ម៉ា ដោះស្រាយ​ទំនាស់​របស់​ពួក​គេ​ដោយ​សម​ស្រប និង​ថែរក្សា​ស្ថេ​រ​ភាព នយោបាយ​និង​សង្គម​។ រីឯ​លោក​វ៉ាង​យី​រដ្ឋមន្ត្រី​ការ​បរទេស​ចិន ធ្លាប់​បាន​ជួប​កាលពី​ខែ​មុន​ជាមួយ​ប្រមុខ​យោធា​មី​យ៉ា​ន់​ម៉ា ឧត្ដម​សេនីយ ​MIN AUNG HLAING ដែល​ដណ្ដើម​អំណាច​កាលពី​ថ្ងៃ​ទី​១​កុម្ភៈ ដោយ​ផ្ដួលរំលំ​មេដឹកនាំ​ស៊ី​វិល លោកស្រី​ស៊ូ​ជី​៕ ដកស្រង់​ចេញពី​វេ​ប​សាយ ៖ yahoo