ទោះ​មាន​បញ្ហា​នយោបាយ​! ដំណើរការ​ចាក់​ថ្នាំ​វ៉ាក់សាំង​កូ​វី​ដ១៩ បន្ត​តាម​ការ​គ្រោងទុក - Koh Santepheap Daily

ADផ្ទាំងផ្សព្វផ្សាយពាណិជ្ជកម្ម

ទោះ​មាន​បញ្ហា​នយោបាយ​! ដំណើរការ​ចាក់​ថ្នាំ​វ៉ាក់សាំង​កូ​វី​ដ១៩ បន្ត​តាម​ការ​គ្រោងទុក

2 ខែ មុន
  • Phnom Penh

រាជធានី​ភ្នំពេញ ៖ ប្រទេស​មី​យ៉ា​ន់​ម៉ា នឹង​ដំណើរការ​នូវ​កម្មវិធី​ចាក់​វ៉ាក់សាំង​ប្រឆាំង​វីរុស​កូ​វី​ដ ១៩ តាម​ការ​គ្រោងទុក បើ​ទោះបីជា​ថ្មី​ៗ​នេះ​មាន​បញ្ហា​តានតឹង​ផ្នែក​ន​យោ​យ​បាយ​ដែល​ឈាន​ដល់​ការ​ចាប់​ឃុំខ្លួន លោកស្រី​អ៊ុ​ង​សាន ស៊ូ​ជី និង​អ្នកនយោបាយ​ដទៃ​ទៀត​នៃ​គណបក្ស​សម្ព័ន្ធជាតិ​ដើម្បី​ប្រជាធិបតេយ្យ​របស់​លោកស្រី​ស៊ូ​ជី…

រាជធានី​ភ្នំពេញ ៖ ប្រទេស​មី​យ៉ា​ន់​ម៉ា នឹង​ដំណើរការ​នូវ​កម្មវិធី​ចាក់​វ៉ាក់សាំង​ប្រឆាំង​វីរុស​កូ​វី​ដ ១៩ តាម​ការ​គ្រោងទុក បើ​ទោះបីជា​ថ្មី​ៗ​នេះ​មាន​បញ្ហា​តានតឹង​ផ្នែក​ន​យោ​យ​បាយ​ដែល​ឈាន​ដល់​ការ​ចាប់​ឃុំខ្លួន លោកស្រី​អ៊ុ​ង​សាន ស៊ូ​ជី និង​អ្នកនយោបាយ​ដទៃ​ទៀត​នៃ​គណបក្ស​សម្ព័ន្ធជាតិ​ដើម្បី​ប្រជាធិបតេយ្យ​របស់​លោកស្រី​ស៊ូ​ជី នៅ​ព្រឹក​ព្រលឹម​ថ្ងៃ​ច័ន្ទ ទី ១ ខែ​ម​កុម្ភៈ ឆ្នាំ ២០២១ ក៏​ដោយ ។

អ្នកនាំពាក្យ​ក្រសួងសុខាភិបាល​មី​យ៉ា​ន់​ម៉ា លោក U Than Naing Soe ត្រូវ​បាន​សារព័ត៌មាន​មី​យ៉ា​ន់​ម៉ា Myanmar Times ស្រង់​សម្តី​នៅ​ព្រឹក​ថ្ងៃ​ទី ២ ខែកុម្ភៈ ឆ្នាំ​២០២១​នេះ​ថា «​ដំណើរការ​នៃ​ការ​ចាក់​វ៉ាក់សាំង​កំពុង​ត្រូវ​បាន​អនុវត្ត​តាម​ផែនការ​គ្រោងទុក ។ យើង​មិន​បាន​ទទួល​នូវ​បទបញ្ជា​ពី​ស្ថាប័ន​ណាមួយ​ឲ្យ​មានការ​ផ្អាក​នូវ​កម្មវិធី​ចាក់​វ៉ាក់សាំង​កូ​វី​ដ ១៩ ឡើយ ។ យើង​កំពុង​តែ​អនុវត្ត​នូវ​កម្មវិធី​នៃ​ការ​ចាក់​វ៉ាក់សាំង​តាម​ផែនការ​» ។

ការិយាល័យ​អគ្គមេបញ្ជាការ​នៃ​ក្រសួងការពារជាតិ​មី​យ៉ា​ន់​ម៉ា បាន​ចេញ​សេចក្តីថ្លែងការណ៍​មួយ​នៅ​ថ្ងៃ​ទី ១ ខែ​កុ​ម្ភះ ដោយ​បញ្ជាក់​ថា​ប្រទេស​នេះ​នឹង​បន្ត​ដំណើរការ​គម្រោង​ការពារ​និង​កម្មវិធី​ការពារ​កូ​វី​ដ​- ១៩ របស់​ខ្លួន​ជា​ធម្មតា​។

សេចក្តីថ្លែងការណ៍​បាន​បន្ថែម​ទៀត​ថា​ផែនការ​ដើម្បី​ជួយ​ដល់​អាជីវកម្ម​ដែល​រង​ផល​ប៉ះពាល់​ដោយ​ជំងឺ​កូ​វី​ដ ១៩ នឹង​ត្រូវ​បាន​អនុវត្ត​យ៉ាង​ឆាប់រហ័ស​ដោយ​ប្រើ​គ្រប់​មធ្យោបាយ​ដែល​អាច​ធ្វើ​ទៅ​បាន​។

បុគ្គលិក​សុខាភិបាល​និង​អ្នក​ស្ម័គ្រចិត្ត​សរុប​ចំនួន ១០០.១០៨ នាក់​ក៏​ដូច​ជា​សមាជិក​សភា​ត្រូវ​បាន​ទទួល​ថ្នាំ​វ៉ាក់សាំង​កូ​វី​ដ ១៩ ចាប់ពី​ថ្ងៃ​ទី ២៧ ដល់​ថ្ងៃ​ទី ៣១ ខែមករា ដែល​ក្នុង​នោះ​ក៏​សមាជិក​សភា​មក​ពី​ក្រុម​យោធា​ចំនួន ៣១៤​នាក់​ផង​ដែរ ។

ក្រសួងសុខាភិបាល​និង​កីឡា​បាន​និយាយ​នៅ​ថ្ងៃ​ទី ២៦ ខែមករា​ថា​ពួក​គេ​នឹង​ចាប់ផ្តើម​ចាក់​វ៉ាក់សាំង​ការពារ​សាធារណៈ​នៅ​ថ្ងៃ​ទី ៥ ខែកុម្ភៈ ៕