ADផ្ទាំងផ្សព្វផ្សាយពាណិជ្ជកម្ម

Picture

រក​ឃើញ​អ្នកដំណើរ​​ម្នាក់​​មកពីក្រៅ​ប្រទេស​ឆ្លងកូ​វី​ដ ​ខណៈ​គ្មាន​​ជា​សះស្បើយ

3 ឆ្នាំ មុន
  • ភ្នំពេញ

រា​ឃ​ធានី​ភ្នំពេញ ​៖ ​ក្រសួងសុខាភិបាល​បាន​បញ្ជាក់​ឲ្យ​ដឹង​នៅ​ថ្ងៃ​ទី​៣១​ មក​រា​ ឆ្នាំ​២០២១​ នេះ​ថា​ បាន​រក​ឃើញ​អ្នក​ឆ្លង​ជំងឺ​កូ​វី​ដ​១៩​ ម្នាក់​ ជា​អ្នកដំណើរ​​មកពីក្រៅប្រទេស​​​ ខ​ណៈមិន​​មាន​ករណី​​ព្យាបាល​ជា​សះស្បើយ​នោះ​ទេ​។…

រា​ឃ​ធានី​ភ្នំពេញ ​៖ ​ក្រសួងសុខាភិបាល​បាន​បញ្ជាក់​ឲ្យ​ដឹង​នៅ​ថ្ងៃ​ទី​៣១​ មក​រា​ ឆ្នាំ​២០២១​ នេះ​ថា​ បាន​រក​ឃើញ​អ្នក​ឆ្លង​ជំងឺ​កូ​វី​ដ​១៩​ ម្នាក់​ ជា​អ្នកដំណើរ​​មកពីក្រៅប្រទេស​​​ ខ​ណៈមិន​​មាន​ករណី​​ព្យាបាល​ជា​សះស្បើយ​នោះ​ទេ​។

យោង​តាម​សេចក្តី​ប្រកាស​ព័ត៌មាន​របស់​ក្រសួងសុខាភិបាល​បាន​ឲ្យ​ដឹង​ថា ករណី​វិជ្ជមាន​វីរុសកូ​វី​ដ​-១៩ ថ្មី ចំនួន​១​នាក់ ដែល​ជា​អ្នកដំណើរ​ចូល​មក​កម្ពុជា (​មិនមែន​ជា​ពលករ​ធ្វើ ដំណើរ​មក​ពី​ប្រទេស​ថៃ​ទេ​)​ គឺជាបុរស​ជនជាតិ​ឥណ្ឌូ​នេ​ស៊ី អាយុ​២៩​ឆ្នាំ មាន​អាសយដ្ឋាន​ស្នាក់​នៅ​សណ្ឋាគារ​មួយ ក្នុង​រាជធានី​ភ្នំពេញ ជា​អ្នក​ធ្វើ​ដំណើរ​មក​ពី​ប្រទេស​ហ្វី​លី​ពី​ន បន្ត​ជើងហោះហើរ​នៅ​ប្រទេស​កូរ៉េ​ខាងត្បូង មក​ដល់​កម្ពុជា​នៅ​ថ្ងៃ​ទី ២៩ ខែមករា ឆ្នាំ​២០២១ លទ្ធផល​ធ្វើតេស្ត​វត្ថុ​សំណាក​របស់​បុរស​រូប​នេះ ផ្តល់​ដោយ​វិទ្យាស្ថាន​ជាតិ​សុខភាព​សាធារណៈ នៃ​ក្រសួងសុខាភិបាល គឺ វិជ្ជមាន​វីរុស​កូ​វី​ដ​-១៩ ហើយ​បច្ចុប្បន្ន​អ្នកជំងឺ​ត្រូវ​បាន​ដាក់​ឲ្យ​សម្រាក​ព្យាបាល​នៅ​មជ្ឈមណ្ឌល​ជាតិ​កំចាត់រោគ​របេង និង​ហង់​សិន រាជធានី​ភ្នំពេញ​។

ក្រសួង​សូម​កត់​សម្គាល់ថា អ្នកដំណើរ​តាម​យន្តហោះ​ជាមួយ​អ្នកជំងឺ​ខាងលើ សរុប​មាន​ចំនួន ១២០​នាក់ ដែល​នៅ​ក្នុង​ចំនួន​នេះ​មាន បុរស​ខាងលើ​នេះ​ផង​ដែរ​។ រីឯ អ្នកដំណើរ​ចំនួន ១១៩​នាក់ ដែល​មាន​លទ្ធផល តេស្ត​អវិជ្ជមាន​វីរុស​កូ​វី​ដ​-១៥ នោះ ត្រូវ​បាន​ដាក់​ឲ្យ​ធ្វើ​ច​ត្តា​ឡី​ស័ក​ចំនួន ១៤​ថ្ងៃ នៅ​សណ្ឋាគារ​មួយ​ក្នុង​រាជធានី ភ្នំពេញ ចំនួន ០១​នាក់ នៅ​សណ្ឋាគារ មួយទៀត ចំនួន ០១​នាក់ នៅ​សណ្ឋាគារ​មួយទៀត ចំនួន ៦៨​នាក់ និង​នៅ មណ្ឌល​ច​ត្តា​ឡី​ស័ក រាជធានី​ភ្នំពេញ ចំនួន ៤៩​នាក់​។

ក្រសួង​លើក​ឡើង​ថា ​មិន​មាន​ករណី​ជា​សះស្បើយ​នោះ​ទេ​ ខណៈ​អ្នក​កំពុង​សម្រាក​ព្យាបាល​សរុប​ចំនួន​២២​នាក់​ក្នុង​ចំណោម​អ្នក​ឆ្លង​ទូ​ទាំង​ប្រទេស​សរុប​៤៦៥​នាក់ និង​បាន​ព្យាបាល​ជា​សះស្បើយ​ចំនួន​៤៤៣​នាក់​។

ក្រសួង​ក៏​សូម​ថ្លែងអំណរគុណ​យ៉ាង​ជ្រាលជ្រៅ​ជាទី​បំផុត ជូន​ដល់​ថ្នាក់ដឹកនាំ មន្ត្រី -​បុគ្គ​លិក​សុខាភិបាល និង ក្រុម​គ្រូពេទ្យ​ទាំងអស់​នៅ​ទូ​ទាំង​ប្រទេស ស្ថាប័ន និង​អាជ្ញាធរ​ពាក់ព័ន្ធ​ទាំងអស់ ទាំង​ថ្នាក់​ជាតិ និង​ថ្នាក់​ក្រោម​ជាតិ ក្រុម​គ្រូពេទ្យ​ស្ម័គ្រចិត្ត សម្តេច​តេ​ជោ ធីតា អង្គការ​សុខភាព​ពិភពលោក មជ្ឈមណ្ឌល​គ្រប់គ្រង និង​បង្ការ​ជំ​ងឆ្លង​សហ​រដ្ឋអាមេរិក វិទ្យាស្ថាន​ប៉ាស្ទ័រ​កម្ពុជា វិទ្យាស្ថាន​ជាតិ​សុខភាព​សាធារណៈ និង​មន្ទីរពិសោធន៍​នៃ​មន្ទីរ ពេទ្យ​ខេត្តសៀមរាប ដែល​បាន​ខិតខំ​បំពេញភារកិច្ច​បាន​ល្អ​ប្រសើរ​បំផុត ក្នុង​ការ​ជួយ​ពិនិត្យ​សុខភាព និង ស្រាវជ្រាវ​រក​ករណី​កូ​វី​ដ​-១៩ ព្រមទាំង​អ្នក​ប៉ះពាល់​ទាំងអស់​កន្លង​មក រួម​ទាំង​ការ​ដាក់​វិធានការ​នានា ដើម្បី​ទប់ស្កាត់​ការ​ចម្លង​វីរុស​ក្ខ​វី​ដ​-១៩ នៅ​ក្នុង​ប្រទេស​កម្ពុជា​ផង​ដែរ​៕​

អត្ថបទសរសេរ ដោយ

កែសម្រួលដោយ