ADផ្ទាំងផ្សព្វផ្សាយពាណិជ្ជកម្ម

Picture

​ចិន​ប្រុស-ស្រី​បម្រុង​នាំ​ថ្នាំ​​ឆ្លង​ដែន​​ជាង​​១២​គីឡូក្រាម​​

10 ខែ មុន
  • ភ្នំពេញ

រាជធានី​ភ្នំពេញ ៖ លោក ម៉ុ​ត ដា​រ៉ា ព្រះរាជអាជ្ញា​រង​តំណាង​អយ្យការ​អម​សាលាដំបូង​រាជធានី កាលពី​ថ្ងៃ​ទី​២៨ មករា បាន​សម្រេច​ធ្វើការ​ចោទប្រកាន់​ជនជាតិ​ចិន​២នាក់ ពី​បទ​.​រក្សា​ទុក…

រាជធានី​ភ្នំពេញ ៖ លោក ម៉ុ​ត ដា​រ៉ា ព្រះរាជអាជ្ញា​រង​តំណាង​អយ្យការ​អម​សាលាដំបូង​រាជធានី កាលពី​ថ្ងៃ​ទី​២៨ មករា បាន​សម្រេច​ធ្វើការ​ចោទប្រកាន់​ជនជាតិ​ចិន​២នាក់ ពី​បទ​.​រក្សា​ទុក ដឹក​ជញ្ជូន នឹង​ជួញដូរ​នូវ​សារធាតុ​ញៀន​ដោយ​ខុសច្បាប់ នឹង​ចាត់​បញ្ជូន​ទៅ​ចៅក្រម​ស៊ើបសួរ ដើម្បី​ឃុំខ្លួន​ដាក់​ពន្ធនាគារ​ជា​បណ្តោះអាសន្ន ។

ជនសង្ស័យ​ម្នាក់​ឈ្មោះ PENG JIAN ភេទ​ប្រុស អាយុ​៣៩​ឆ្នាំ មុខរបរ​ចុងភៅ​ធ្វើ​ម្ហូប​ចិន និង​ម្នាក់​ឈ្មោះ CAI HUI JU ភេទ​ស្រី អាយុ​៣៩​ឆ្នាំ ​នា​យក​ក្រុមហ៊ុនភាគហ៊ុន​ចិន​មួយ​ក្នុង​ការ​ស្ថាបនា​ព្រ​លាន​យន្តហោះ​ថ្មី ស្ថិត​នៅ​ស្រុក​ស្អាង ខេត្តកណ្តាល ។

ជន​សង្ស័យ​ទាំង​២ នាក់​ត្រូវ​បាន​កម្លាំង​សមត្ថកិច្ច​នគរបាល​នាយ ក​ដ្ឋា​ន​សន្តិសុខ​ផ្ទៃក្នុង​ក្រសួងមហាផ្ទៃ ធ្វើការ​ឃាត់ខ្លួន​កាលពី​ថ្ងៃ ទី​២៤ ខែមករា ឆ្នាំ​២០២១ នៅ​សង្កាត់​ទន្លេបាសាក់ ខណ្ឌ​ចំការ មន រាជធានី​ភ្នំពេញ ដោយ​មានការ​ដកហូត​វត្ថុ​តាង​ថ្នាំ​ញៀន​ប្រមា ណ​ជាង​១២ គីឡូក្រាម ខណៈ​ពួក​គេ​បាន​យក​ទៅ​ផ្ញើ​នៅ​ក្រុមហ៊ុន​ចិន​មួយ ។

បើ​តាម​សមត្ត​កិច្ច​បាន​បង្ហើប​ឲ្យ​ដឹង​ថា ជនសង្ស័យ​ទាំង​២ នាក់​ដែល​ពាក់​ពន្ធ​នឹង​ករណី​រក្សា​ទុក ដឹក​ជញ្ជូន នឹង​ជួញ ដូរ​គ្រឿងញៀន​ខុសច្បាប់​ជាង​១២​គីឡូក្រាម​នោះ ផ្តើម​ចេញពី​ដំបូង​ជនសង្ស័យ​ជា​ស្ត្រី​ឈ្មោះ CAI HUI JU បាន​ទទួល​ការ​ណែនាំ​ពី​បុរស​ជន​ជាតិ​ចិន​ដូច​គ្នា ឲ្យ​ជួយ​យក​កញ្ចប់​(​គ្រឿងញៀន មេ​តំ​ហ្វេ​តា​មីន​)​ទៅ​ផ្ញើ​ក្រុមហ៊ុនមួយ​ ដើម្បី​នាំ​ចេញ​បន្ត​ទៅ​ក្រៅប្រទេស ។

ពេល​នោះ​ឈ្មោះ CAI HUI JU បាន​ពឹងពាក់​ឈ្មោះ PENG JIAN ជា​ចុងភៅ​ឲ្យ​យក​កញ្ចប់​ថ្នាំ ញៀន​ទៅ​ផ្ញើ​ក្រុមហ៊ុន​ខាងលើ ដោយ​ឲ្យ​កម្រៃជើងសារ​២០០ ដុល្លារ​អា​មេ​រិ​ក ។ លុះ​ពេល​ជនសង្ស័យ​រូប​នោះ​យក​ឥ​វ៉ា​ន់​ទៅ​ដល់​ក្រុមហ៊ុន​បញ្ញើ​នោះ ក៏​ត្រូវ​កម្លាំង​សមត្ត​កិច្ច​នគរបាល​នាយ​ដ្ឋា​ន​សន្តិសុខ​ផ្ទៃក្នុង សហការ​ជាមួយ​ក្រុមហ៊ុន បាន​ធ្វើការ​ឃាត់ខ្លួន រួច​បន្ត​ទៅ​ចាប់​ស្ត្រី​ចិន​ម្នាក់​នោះ​ទៀត ៕