ប្រទេសចិន-អាមេរិក ៖ រដ្ឋាភិបាលចិនបានព្រមានកាលពីថ្ងៃទី២៨ មករា បន្ទាប់ពីបង្កើនសកម្មភាពយោធានៅតាមបណ្ដាច្រកចូលកោះតៃវ៉ាន់ថា ការប្រកាសឯករាជ្យរបស់តៃវ៉ាន់នឹងនាំទៅរកជម្លោះដោយអាវុធមួយ ។ ចិនដែលចាត់ទុកតៃវ៉ាន់ថាជាផ្នែកមួយនៃដែនដីខ្លួននោះ សង្ស័យរដ្ឋការតៃវ៉ាន់ចង់ប្រកាសឯករាជ្យនោះ ខណៈប្រធានាធិបតីតៃវ៉ាន់លោកស្រី…
ប្រទេសចិន-អាមេរិក ៖ រដ្ឋាភិបាលចិនបានព្រមានកាលពីថ្ងៃទី២៨ មករា បន្ទាប់ពីបង្កើនសកម្មភាពយោធានៅតាមបណ្ដាច្រកចូលកោះតៃវ៉ាន់ថា ការប្រកាសឯករាជ្យរបស់តៃវ៉ាន់នឹងនាំទៅរកជម្លោះដោយអាវុធមួយ ។
ចិនដែលចាត់ទុកតៃវ៉ាន់ថាជាផ្នែកមួយនៃដែនដីខ្លួននោះ សង្ស័យរដ្ឋការតៃវ៉ាន់ចង់ប្រកាសឯករាជ្យនោះ ខណៈប្រធានាធិបតីតៃវ៉ាន់លោកស្រី TSAI ING WEN វិនិច្ឆ័យដំណើរការនោះថាគ្មានប្រយោជន៍ ខណៈដែលលោកស្រីចាត់ទុកថា ឯករាជ្យនោះទទួលបានរួចទៅហើយ ។
អ្នកនាំពាក្យក្រសួងការពារប្រទេសចិនលោក WU QIAN ថ្លែងថា បណ្ដាសកម្មភាពយោធាដែលកងទ័ពចិនបានធ្វើនៅច្រកសមុទ្រតៃវ៉ាន់គឹចាំបាច់ ដើម្បីប្រឈមមុខនឹងសភាពការណ៍ បច្ចុប្បន្ន និងដើម្បីថែរក្សាអធិបតេយ្យភាពនិងសន្តិសុខជាតិ ។ នោះក៏ជាការឆ្លើយតបដ៏មហោឡារិកចំពោះការជ្រៀតជ្រែកពីខាងក្រៅ និងបណ្ដាការបង្កហេតុរបស់កងកម្លាំងដែលគាំទ្រឯករាជ្យភាពតៃវ៉ាន់ ។ ពួកអ្នកលេងជាមួយភ្លើងនឹងត្រូវភ្លើងរលាកហើយការប្រកាសឯករាជ្យតៃវ៉ាន់មានន័យថាសង្គ្រាម ។
ការបង្កើនសកម្មភាពយោធារបស់ចិនជួនពេលគ្នានឹងការមកដល់នៃនាវាផ្ទុកយន្តហោះអាមេរិក១គ្រឿងនិងក្រុមនាវាចម្បាំងរបស់ខ្លួនក្នុងសមុទ្រចិនខាងត្បូង ។ ការបង្កើនការហោះហើររបស់កងយន្តហោះចម្បាំងចិនក្នុងតំបន់ការពារអាកាសតៃវ៉ាន់ជាការឆ្លើយតបចំពោះបណ្ដាទិសដៅដែលកំណត់ដោយក្រុងប៉េកាំង ។
លោកANTOINE BONDAZ អ្នកឯកទេសពីចិននិយាយថា នោះហើយជាបំណងរបស់ក្រុងប៉េកាំង ។ យន្តហោះទម្លាក់គ្រាប់បែកយុទ្ធសាស្ត្រ២៨គ្រឿងនិងបណ្ដាយន្តហោះប្រដេញចិន បានហោះហើរពីលើតំបន់ការពារអាកាសរបស់តៃវ៉ាន់នាពេលថ្មីៗនេះ ។ លោក ANTOINE BONDAZ អ្នកឯកទេសពីចិននៃមូលនិធិដើម្បីស្រាវជ្រាវយុទ្ធសាស្ត្រ FRS បានធ្វើការកត់ត្រាថា និយាយពីការលុកលុយបែបនោះរបស់កងយន្តហោះចិនមានជាង៣៨០លើកក្នុងឆ្នាំ២០២០ និង៥៣លើកសម្រាប់តែ២៥ថ្ងៃដំបូងនៃខែមករា២០២១តែប៉ុណ្ណោះ ។
តាមអ្នកស្រាវជ្រាវរូបនោះថា ទិសដៅរបស់ចិនគឹសាកល្បងកិច្ចការពារអាកាសរបស់តៃវ៉ាន់បំភ័យប្រជាជនកោះតៃវ៉ាន់ ដោយបង្ហាញឧត្ដមភាពយោធាចិន និងក៏ជាការបញ្ជូនសារមួយ ចំពោះក្រុងវ៉ាសិុនតោនដើម្បីសាកមើលការធានាខាងសន្តិសុខរបស់អាមេរិកចំពោះតៃវ៉ាន់ ។
ចំណែក ការិយាល័យកិច្ចការតៃវ៉ាន់ជាអង្គការមួយរបស់រដ្ឋាភិបាលចិន អះអាងកាលពីថ្ងៃទី២៧មករាថា សមយុទ្ធយោធាទាំងនោះគឺជាការព្រមានជាមហោឡារិកមួយ ចំពោះសហរដ្ឋ
អាមេរិកនិងពួកអ្នកឯករាជ្យនិយមតៃវ៉ាន់ ។ យើងនឹងមិនបោះបង់ចោលការប្រើកម្លាំងមួយឡើយ។
ចំណែងរដ្ឋការថ្មីរបស់លោកចូបៃដិន កាលពីថ្ងៃទី២៤ មករា បានបញ្ជូននាវាផ្ទុកយន្តហោះ USS
ROSEVELT និងក្រុននាវាចម្បាំងរបស់នាវានេះដែលមាននាវាពិឃាតច្រើនគ្រឿងទៅកាន់សមុទ្រចិនខាងត្បូង ដែលបែបនោះបង្ហាញថាជម្លោះពិតជាមានកាន់តែច្បាស់ ៕ ដកស្រង់ចេញពី វេបសាយ ៖ sputniknews
ចែករំលែកព័តមាននេះ