បិទ​សាលារៀន​ជា​ថ្មីក្រោយ​រក​ឃើញ​កូ​វី​ដ១៩ ក្នុង​សហគមន៍​នៅ​ខេត្ត​មួយ​របស់​វៀតណាម - Koh Santepheap Daily

ADផ្ទាំងផ្សព្វផ្សាយពាណិជ្ជកម្ម

បិទ​សាលារៀន​ជា​ថ្មីក្រោយ​រក​ឃើញ​កូ​វី​ដ១៩ ក្នុង​សហគមន៍​នៅ​ខេត្ត​មួយ​របស់​វៀតណាម

2 ខែ មុន

វៀតណាម ៖ សាលារៀន​ទាំងអស់​ចាប់ពី​ថ្នាក់​ម​ត្តេ​យ្យ​ដល់​សាកលវិទ្យាល័យ​នៅ​ខេត្ត Quản Ninh ភាគ​ខាងជើង​វៀតណាម ត្រូវ​បាន​បិទទ្វារ​មួយ​រយៈ​ចាប់ពី​ថ្ងៃ​ព្រហស្បតិ៍ ទី ២៨ ខែមករា​នេះ​តទៅ…

វៀតណាម ៖ សាលារៀន​ទាំងអស់​ចាប់ពី​ថ្នាក់​ម​ត្តេ​យ្យ​ដល់​សាកលវិទ្យាល័យ​នៅ​ខេត្ត Quản Ninh ភាគ​ខាងជើង​វៀតណាម ត្រូវ​បាន​បិទទ្វារ​មួយ​រយៈ​ចាប់ពី​ថ្ងៃ​ព្រហស្បតិ៍ ទី ២៨ ខែមករា​នេះ​តទៅ បន្ទាប់​ពី​ករណី​កូ​វី​ដ ១៩ ឆ្លង​ក្នុង​សហគមន៍ ត្រូវ​បាន​រក​ឃើញ​នៅ​ក្នុង​ខេត្ត​នេះ ។ នេះ​បើ​យោង​តាម​ការ​ចុះ​ផ្សាយ​របស់​សារព័ត៌មាន Vietnamnews ។

Picture

លោក Nguyễn Tường Văn ប្រធាន​ខេត្ត Quảng Ninh បាន​ចេញ​បទបញ្ជា​នេះ​ក្នុង​អំឡុង​កិច្ចប្រជុំ​មួយ​ស្តី​ពី​ការ​បង្ការ​ការពារ​ជំងឺឆ្លង​កូ​វី​ដ – ១៩ ។ លោក​បាន​មាន​ប្រសាសន៍​ថា​ការ​ប្រជុំ​ធំ ៗ គួរតែ​ត្រូវ​បាន​បង្រួម​ឲ្យ​បាន​តូច​ៗ​ជា​អប្បបរមា ខណៈ​ពេល​ដែល​កិច្ចប្រជុំ​ដែល​មិន​ចាំបាច់​ទាំងអស់​នឹង​ត្រូវ​លុប​ចោល​ដើម្បី​ការពារ​ការ​ឆ្លង​និង​ការ​រីក​រាលដាល​ក្នុង​សហគមន៍​កាន់តែ​ធ្ងន់ធ្ងរ​នោះ ។

Picture

ជុំវិញ​ករណី​ជំងឺឆ្លង​កូ​វី​ដ -១៩ នៅ​វៀតណាម ព័ត៌មាន​នៃ​អ្នកជំងឺ​ឆ្លង​ចុង​ក្រោយ អ្នកជម្ងឺ​កូ​វី​ដ​-១៩ ទី ១.៥៥៣ ដែល​ជា​បុរស​អាយុ ៣១ ឆ្នាំ ដែល​គេ​ដាក់​ឈ្មោះ​ឲ្យ​ថា P.T.D រស់នៅ​ក្នុង​សង្កាត់ Hồng Hà នៃ​ទីក្រុង Hạ Long និង​ធ្វើការ​ជា​សន្តិសុខ​នៅ​អាកាសយានដ្ឋាន​អន្តរជាតិ Vân Đồn ។

Picture

តាម​របាយការណ៍​បាន​ឲ្យ​ដឹង​ថា អ្នកជំងឺ​រូប​នេះ​គឺ​គាត់​មាន​ទំនាក់ទំនង​ជាមួយ​មនុស្ស​ដែល​ចូល​មក​វៀតណាម​ពី​បរទេស រួម​ទាំង​មនុស្ស​ផ្សេង​ទៀត​ដែល​ក្រោយមក​បាន​ធ្វើ​តេ​ស្តិ៍​ឃើញ​វិជ្ជមាន​កូ​វី​ដ​១៩ ។

ប៉ុន្មាន​ថ្ងៃ​ថ្មី​ៗ​នេះ​គាត់​មាន​អាកា​រៈ​គ្រុនក្តៅ​និង​ក្អក​និង​បាន​ពិនិត្យ​ខ្លួនឯង​ទៅ​មន្ទីរពេទ្យ Vinmec នៅ​Hạ Long ដើម្បី​ធ្វើការ​ពិនិត្យ​នៅ​ថ្ងៃ​ទី ២៣ ខែមករា​។ មន្ទីរពេទ្យ​បាន​យក​សំណាក​របស់​គាត់ ដែល​លទ្ធផល​បង្ហាញ​ថា​បុរស​រូប​នេះ​គឺ​វិជ្ជមាន​នៃ​ជំងឺឆ្លង​កូ​វី​ដ ១៩ ហើយ​គាត់​ត្រូវ​បាន​គេ ដាក់​ឲ្យ​នៅ​ដាច់​ពី​គេ​តាំងពី​ពេល​នោះ​មក​។ ឥឡូវនេះ​អ្នកជំងឺ​ត្រូវ​បាន​គេ​បញ្ជូន​ទៅ​មន្ទីរពេទ្យ​ជាតិ​ត្រូ​ពិ​ក នៅ​ហាណូយ​ដើម្បី​ទទួល​ការ​ព្យាបាល​។

យោង​តាម​ប្រ​វ​តិ្ត​ធ្វើ​ដំណើរ​ដែល​ចេញ​ដោយ​ក្រសួងសុខាភិបាល​បានអោយ​ដឹង​ថា​បុរស​អ្នកជំងឺ​រូប​នេះ បាន​ទៅ​ចូលរួម​ពិធី​ជួបជុំ​សាលា​នៅ​ឯ​ភោជនីយដ្ឋាន Talata ក្នុងស្រុក Hồng Hải នៃ​ទីក្រុង Hạ Long បន្ទាប់​មក​បាន​បន្ត​ទៅ​ហាង​ខារ៉ាអូខេ​មានឈ្មោះ​ថា Hải Âu នៅ​ស្រុក Hồng Hải និង​បាន​ទៅ​ហាង​កាហ្វេ​មួយ​ផ្សេង​ទៀត ហើយ​បុរស​រូប​នេះ​ក៏​បាន​ទៅ​ទទួលទាន​អាហារ​សម្រន់​ពេល​យប់​ជ្រៅ​នៅ​ភោជនីយដ្ឋាន Đông Hồ ទៀត​ផង ។

បន្ទាប់​មក​បុរស​រូប​នេះ នៅ​ថ្ងៃ​ទី ១៩ ខែមករា លោក​បាន​ចូលរួម​សន្និសីទ​អេ​ឡិច​ត្រូ​និ​ច​នៅ​តំបន់​ភាគ​ខាងជើង​ដែល​ប្រារព្ធ​ធ្វើ​នៅ Mường Thanh Luxury ចាប់ពី​ម៉ោង ៧ យប់ -៩ យប់​ហើយ​បាន​ទៅ​ហាង​ទំនើប​មួយ​ផ្សេង​ទៀត នៅ​ច​ម្លោះ​ម៉ោង​ប្រហែល ១១- ម៉ោង ១២ ថ្ងៃត្រង់​។​នៅ​ថ្ងៃ​ទី ២១ ខែមករា​ប្រហែល​ម៉ោង ៦ ល្ងាច -៩ ល្ងាច​គាត់​បាន​ចូលរួម​ពិធីជប់លៀង​ជាមួយ​បុគ្គលិក​អាកាសយានដ្ឋាន​នៅ​ភោជនីយដ្ឋាន Trung Sún នៅ​ក្នុង​អាកាសយានដ្ឋាន​។

នៅ​ថ្ងៃ​ទី ២២ ខែមករា​គាត់​មានការ​ប្រជុំ​នៅ​តំបន់​ត្រួតពិនិត្យ​ខ្យល់​នៃ​អាកាសយានដ្ឋាន​នៅ​ពេល​រសៀល​ហើយ​បាន​ទៅ​ហាង​លក់​ថ្នាំពេទ្យ​។ ចាប់ពី​ថ្ងៃ​ទី ២៣-២៧ ខែមករា​គាត់​ត្រូវ​បាន​គេ​បញ្ជូន​ទៅ​មន្ទីរពេទ្យ Vinmec នៅ​ហុ​ឡុ​ង​ដែល​បុគ្គលិក​ពេទ្យ​ចំនួន ៣៧ នាក់​ត្រូវ​បាន​គេ​ស្គាល់​ថា​ជា​មនុស្ស​ជិត​ស្និទ្ធ ។ ចាប់ពី​ថ្ងៃ​ទី ៧ ដល់ ២២ ខែមករា​គាត់​បាន​ចេញពីផ្ទះ​ទៅ​ធ្វើការ​ដោយ​ប្រើ​យានយន្ត​ផ្ទាល់ខ្លួន​។

គាត់​មាន​ទំនាក់ទំនង​ជិត​ស្និទ្ធ​ជាមួយ​បុគ្គលិក​សន្តិសុខ​ចំនួន ៤៤ នាក់​នៃ​អាកាសយានដ្ឋាន​អន្តរជាតិ​វ៉ា​ន់​អាន់ បុគ្គលិក​អាហារ​ដ្ឋា​ន​ពីរ​នាក់​និង​ស្មៀន​ស្ថានីយ៍​ប្រេងឥន្ធនៈ​ម្នាក់​ទៀត (​ដែល​មិន​ទាន់​ស្គាល់​អត្តសញ្ញាណ​) ។ មនុស្ស​ប្រាំ​នាក់​នៅ​ក្នុង​គ្រួសារ​របស់​គាត់​គឺ​ឪពុក​ម្តាយ​ប្អូនស្រី​ប្រពន្ធ​និង​កូនប្រុស​ក៏​ស្ថិត​ក្នុង​ចំណោម​អ្នក​ដែល​គាត់​បាន​ទាក់ទង​ជិត​ស្និទ្ធ​ផង​ដែរ ៕