សហរដ្ឋអាមេរិក ៖ ព្រឹទ្ធសមាជិកគណបក្សសាធារណរដ្ឋជាច្រើនរូប កាលពីថ្ងៃទី២៦ មករាបានបោះឆ្នោតគាំទ្រញត្តិមួយ ដែលតាមញត្តិនោះថា នីតិវិធីដកតំណែងប្រឆាំងអតីតប្រធានាធិបតីអាមេរិកលោកដូណាល់ ត្រាំ មិនសមស្របទៅនឹងរដ្ឋធម្មនុញ្ញ ព្រោះលោកត្រាំលែងកាន់អំណាចទៀតហើយ…
សហរដ្ឋអាមេរិក ៖ ព្រឹទ្ធសមាជិកគណបក្សសាធារណរដ្ឋជាច្រើនរូប កាលពីថ្ងៃទី២៦ មករាបានបោះឆ្នោតគាំទ្រញត្តិមួយ ដែលតាមញត្តិនោះថា នីតិវិធីដកតំណែងប្រឆាំងអតីតប្រធានាធិបតីអាមេរិកលោកដូណាល់ ត្រាំ មិនសមស្របទៅនឹងរដ្ឋធម្មនុញ្ញ ព្រោះលោកត្រាំលែងកាន់អំណាចទៀតហើយ ។
បែបនោះតាមមើលទៅលទ្ធភាពនៃការដកតំណែងលោកត្រាំ ដែលទាមទារដោយពួកអ្នកប្រជាធិបតេយ្យនឹងមិនអាចទទួលបានសំឡេងគាំទ្រគ្រប់គ្រាន់ឡើយ ។ ព្រឹទ្ធសភាដែលពេលនេះ
ត្រួតត្រាដោយពួកអ្នកប្រជាធិបតេយ្យ បានបោះឆ្នោតជាមួយសំឡេងគាំទ្រ៤៥ទល់នឹង៥៥សំឡេងបដិសេធញត្តិនោះ ។ មានតែព្រឹទ្ធសមាជិកគណបក្សសាធារណរដ្ឋតែ៥រូបប៉ុណ្ណោះ ក្នុងចំណោមព្រឹទ្ធសមាជិកជាអ្នកសាធារណរដ្ឋ៥០រូប ដែលបានបោះឆ្នោតប្រឆាំងញត្តិ ដាក់ដោយព្រឹទ្ធសមាជិកសាធារណរដ្ឋ១រូបរួមជាមួយបណ្ដាព្រឹទ្ធសមាជិកគណបក្សប្រជាធិបតេយ្យ ។
ព្រឹទ្ធសភាអាមេរិកនឹងចាប់ផ្ដើមនាថ្ងៃទី៨កុម្ភៈ សវនាការដកតំណែងអតីតប្រធានាធិបតី លោកដូណាល់ ត្រាំ ។ សភាត្រួតត្រាដោយពួកអ្នកប្រជាធិបតេយ្យដែរ បានបោះឆ្នោតគាំទ្រនីតិវិធីដកតំណែងលោកត្រាំ ដោយ២៣២សំឡេងទល់នឹង១៩៧សំឡេងប្រឆាំង កាលពីថ្ងៃទី១៣ មករា ដែលនាំឲ្យលោកត្រាំក្លាយជាប្រធានាធិបតីអាមេរិកដំបូងគេ ដែលទទួលការចោទប្រកាន់ដកហូតតំណែងដល់ទៅ២លើក ។
ទាល់តែព្រឹទ្ធសមាជិកគណបក្សសាធារណរដ្ឋយ៉ាងតិច១៧រូបបោះឆ្នោតគាំទ្រជាមួយព្រឹទ្ធសមាជិកគណបក្សប្រជាធិបតេយ្យ៥០រូប ទើបអាចទទួលបានសំឡេងភាគច្រើន២ភាគ៣ សម្រាប់ដកតំណែងលោកត្រាំបាន ៕ ដកស្រង់ចេញពីវេបសាយ ៖ yahoo
ចែករំលែកព័តមាននេះ